Манзараҳои зебои Сари Хосор ва дигар мавзеъҳои Балҷувон сайёҳонро мафтун намудаанд

Сентябрь 21, 2019 11:29

БАЛҶУВОН, 21.09.2019. /АМИТ «Ховар»/. Манзараҳои зебои Ҷамоати деҳоти Сари Хосор ва дигар мавзеъҳои зебои ноҳияи Балҷувон таваҷҷуҳи сайёҳони хориҷиро бештар ҷалб намуда, онҳоро мафтуни худ гардонидаанд. Дар инҷо барои қабули сайёҳон шароити мусоид ташкил гардида истодааст.

Тавре мудири бахши фарҳанги ноҳия Азизулло Талбов иттилоъ дод, дар ноҳия ширкатҳои сайёҳӣ ташкил гардида, хатсайрҳои сайёҳӣ низ тартиб дода шудаанд. Дар инҷо сайёҳии кӯҳнавардӣ, шикорӣ, экологӣ ва табобатӣ ба роҳ монда шудааст, ки таваҷҷуҳи сайёҳон ба он зиёд аст.

Ноҳияи Балҷувон бо табиати нотакрор ва мавзеъҳои таърихии худ кайҳост, ки диққати сайёҳони дохилию хориҷиро ба худ ҷалб кардааст. Дар бунёду навсозӣ ва  муҳайё намудани шароити мусоид барои сайёҳон соҳибкорони маҳаллӣ саҳми хешро мегузоранд.

Ба иттилои масъулин, дар ноҳияи Балҷувон имсол нисбат ба соли гузашта шумораи сайёҳон як баробар афзоиш ёфта, барои рушди соҳа инфрасохтору дигар шароит муҳайё гардонида мешавад. Дар даврони соҳибистиқлолии Ҷумҳурии Тоҷикистон ноҳияи Балҷувон чун дигар шаҳру ноҳияҳои мамлакат ободу зебо гардида, дар он даҳҳо иншооти маданию маишӣ ва хизматрасонӣ ба истифода дода шуданд. Ин имкон дод, ки сокинони ноҳия бо ҷои кор ва шуғли доимӣ таъмин гарданд.

Сайёҳӣ яке аз соҳаҳои сердаромад ба ҳисоб рафта, аксари давлатҳои пешрафтаи ҷаҳон аз ин ҳисоб ба буҷаи кишварашон миллионҳо доллар фоида меоранд. Зимни сафар сайёҳон бо таъриху маданият ва фарҳанги мардумони ин сарзаминҳо шинос шуда, садҳо нафарони дигарро ба ин ҷойҳо ҷалб мекунанд.

Сентябрь 21, 2019 11:29

Хабарҳои дигари ин бахш

Соли 2023 ба буҷети шаҳри Гулистон аз ҳисоби хизматрасонии сайёҳӣ ва табобатӣ зиёда аз 40 миллион сомонӣ ворид шуд
«НАВРӮЗ — МЕРОСИ ФАРҲАНГИЮ ҶАҲОНГАРДӢ». Табиати зебои Тоҷикистон дили меҳмонони хориҷиро тасхир намуд
Ба шарафи Наврӯзи бостонӣ дар Кумитаи рушди сайёҳии Тоҷикистон ҳамоиши тантанавӣ доир шуд
Коршиносони олмонӣ дар ҷашни наврӯзии Донишгоҳи байналмилалии сайёҳӣ ва соҳибкории Тоҷикистон иштирок намуданд
Дар шаҳри Душанбе Фестивали байналмилалии «Наврӯз-мероси фарҳангию ҷаҳонгардӣ» баргузор гардид
Дар Боғи Ирами шаҳри Душанбе Фестивали байналмилалии «Наврӯз-мероси фарҳангию ҷаҳонгардӣ» бо намоиши ҳунарҳои мардумӣ доир гардид
Дар Намоишгоҳи байналмилалии сайёҳӣ ва меҳмоннавозии Москва имконоти сайёҳии Тоҷикистон муаррифӣ гардид
Масъалаи тақвияти ҳамкории Тоҷикистон ва Ҷопон дар соҳаи сайёҳӣ мавриди баррасӣ қарор гирифт
Ҷаласаи нуҳуми Шурои ҳамоҳангсозии миллӣ оид ба рушди соҳаи сайёҳӣ дар назди Ҳукумати Ҷумҳурии Тоҷикистон баргузор гардид
ФОРУМИ B5+1. Ҳамгироии иқтисодии минтақавии Осиёи Марказӣ тавассути муколамаи давлатӣ ва бахши хусусӣ тақвият меёбад
Дар шаҳраки бостонии Саразм майдони пазироӣ, дарвозаи рамзӣ ва терминали логистикӣ сохта мешавад
РӮЗИ МАТБУОТИ ТОҶИК. Кумитаи рушди сайёҳии Тоҷикистон заҳмати як зумра рӯзноманигоронро қадрдонӣ намуд