Қоҳир Расулзода бо Сарвазири Қирғизистон мулоқот кард
ДУШАНБЕ, 17.09.2019. /АМИТ «Ховар»/. Дар нуқтаи назоратӣ-гузаргоҳии «Қизил-Бел»-и сарҳади давлатии Тоҷикистону Қирғизистон мулоқоти Сарвазири Ҷумҳурии Тоҷикистон Коҳир Расулзода ва Сарвазири Ҷумҳурии Қирғизистон Муҳаммадкалий Абилгазиев баргузор гардид. Дар ин бора АМИТ «Ховар» бо истинод ба агентии иттилоотии «Кабар» хабар медиҳад.
Зимни мулоқот масъалаҳои марбут ба андешидани чораҳои муштарак ҷиҳати ба эътидол овардани вазъ дар минтақаи сарҳади давлатии Тоҷикистону Қирғизистон дар робита ба ҳодисаи истифодаи силоҳи оташфишон, ки чанде пеш рух дод, баррасӣ шуданд.
Сарвазирони ҳарду давлат дар робита ба ҳодисаи мусаллаҳона, ки боиси ба ҳалокат расидани хизматчиёни ҳарбӣ гардид, изҳори таассуф карда, ба пайвандону наздикони онҳо изҳори таслият намуданд.
Ҷонибҳо ҷиҳати пурзӯр кардани кори муштараки фарогир оид ба делимитатсия ва демаркатсияи сарҳади давлатӣ ва ҳалли масъалаҳои ҷамъшудаи ҳамкории сарҳадӣ ибрози назар карданд.
Қ. Расулзода ва М. Абилгазиев бори дигар ҷонибдории худро ба тавофуқҳои қаблан бадастомада ва муносибати созанда нисбат ба ҳалли масъалаҳои пайдошуда тасдиқ карданд.
Аз ҷумла, онҳо ба роҳбарони хадамоти сарҳадӣ ва мақомоти маҳаллии худидоракунии ҳарду давлат дастур доданд, ки ҳамгироиро дар ҳама сатҳҳо ҷоннок намуда, корҳои фаҳмондадиҳии дахлдорро миёни аҳолии деҳаҳои наздисарҳадӣ тақвият бахшанд.
Ҷонибҳо иброз доштанд, ки барои рафъи ташаннуҷ дар минтақаҳои наздисарҳадӣ ва пешгирӣ аз авҷ гирифтани вазъ ба манфиати мардумони ҳарду давлат бояд тадбирҳои мушаххас андешида шаванд.
Бо супориши сарвазирон, муовинони дахлдори онҳо ва инчунин роҳбарони хадамоти сарҳадӣ дар маҳалҳо кори муштаракро идома медиҳанд, то ҳалли масъалаҳои ба миён омадаро тезонанд.
АКС: АИ «Кабар».
Эмомалӣ Раҳмон: «Масъалаи талафоти неруи барқ ва истифодаи ғайриқонунии он дар ҷумҳурӣ ташвишовар аст»
Дар маҷаллаи «The Diplomatic Insight» мақолаи олимони тоҷик таҳти унвони «Эмомалӣ Раҳмон – Пешвои дипломатияи байналмилалӣ» ба нашр расид
Сарвазири Тоҷикистон бо рафти корҳои бартарафсозии оқибатҳои офати табиӣ дар ноҳияи Тоҷикобод шинос шуд
Президенти Тоҷикистон Эмомалӣ Раҳмон: «Пиряхҳои мо танҳо манбаи об барои минтақа набуда, дар ҳифзи иқлими минтақа низ нақши муҳим мебозанд»
Пиряхҳои Тоҷикистон боигарии бебаҳои табиӣ ва сарчашмаҳои муҳими оби тоза дар Осиёи Марказӣ мебошанд
ҶОИЗАИ «ШАҲРИ СУЛҲ». Онро Душанбе барои саҳми беандоза дар таҳкими сулҳ ва арзишҳои башарӣ бо қарори ЮНЕСКО соҳиб гардид
МАСЪУЛИЯТИ ШАҲРВАНДӢ. Барои ғайриқонунӣ истифода бурдани неруи барқ ҷавобгарии ҷиноятӣ муқаррар гардид
Президенти Комиссияи Иттиҳоди Аврупо Урсула фон дер Ляйен аз иқтидори бузурги Неругоҳи азими барқи обии «Роғун»-и Тоҷикистон ёдовар шуд
Президенти Тоҷикистон тавсеаи ҳамкории давлатҳои Осиёи Марказиро бо Иттиҳоди Аврупо дар соҳаи энергетикаи «сабз» аз самтҳои ояндадор номиданд
Эмомалӣ Раҳмон: «Пиряхҳои Тоҷикистон танҳо манбаи об барои минтақа набуда, дар нигоҳдории иқлими минтақа низ нақши муҳим мебозанд»
Инъикоси густурдаи таҷлили Ҷашни байналмилалии Наврӯз бо иштироки Сарони се давлати Осиёи Марказӣ дар расонаҳои хабарии минтақаю ҷаҳон ва шабакаҳои иҷтимоӣ
