«ТОҶИКИСТОН – ВАТАНИ АЗИЗИ МАН!». Дар Хоруғ даври вилоятии ин озмун баргузор гардид
ХОРУҒ, 16.09.2019 /АМИТ «Ховар»/. Дар Театри мусиқӣ-мазҳакавии ба номи Меҳрубон Назарови шаҳри Хоруғ давоми ду рӯз даври вилоятии озмуни «Тоҷикистон-Ватани азизи ман!» баргузор гардид. Дар он зиёда аз 90 нафар сарояндагону навозандагон, оҳангсозон, ровиён, раққосон ва шоирон ширкат намуданд.
Ба гуфтаи сардори шуъбаи фарҳанги вилоят Сайёди Бунёд, «ин озмун ба 30-солагии ҷашни Истиқлолияти давлатии Тоҷикистон бахшида мешавад. Даври аввали озмун дар ҷамоатҳои деҳоти ноҳияҳо оғоз гардида, бо тавсияи ҳайати ҳакамон ғолибон ба даври дуюм, ки дар маркази ноҳияҳо баргузор гардид, роҳхат гирифтанд. Аз байни онҳо ҳунармандон беҳтарин баргузида шуда, имрӯз ҳунари худро ба тамошобинон ва ҳайати ҳакамон ба намоиш гузоштанд».
Мақсади асосии чунин озмунҳо дарёфти ҳунармандони боистеъдод дар байни наврасону ҷавонон, минбаъд такмил додани маҳорату малакаи онҳо ва ҳамвор кардани роҳашон ба саҳнаҳои бузурги ватанӣ ва байналмилалӣ мебошад. Зеро дар байни одамони касбу кори гуногун шахсоне ҳастанд, ки маҳорати хуби сарояндагию навозандагӣ ва эҷоди оҳанг доранд, аммо бо сабабҳои гуногун онҳо аз саҳна дар канор мемонанд.
Мутобиқи низомномаи озмуни мазкур, чунин шахсон имконият доранд аз ҳунару истеъдоди худ дарак диҳанд ва мутахассисони касбии соҳаи фарҳангро водор созанд, ки минбаъд барои такмили ҳунарашон бо онҳо ҳамкорӣ намоянд.
Дар номинатсияҳои навозандаи академӣ Дилангез Бекназарова аз шаҳри Хоруғ, суруди эстрадӣ Рамазон Ҳабибов аз ноҳияи Шуғнон, навозиши анъанавӣ Фозил Муборакқадамов аз ноҳияи Роштқалъа, ровигӣ Садаф Ҷагибекова мақоми аввалро соҳиб шуда, ба озмуни ҷумҳуриявӣ роҳхат гирифтанд.
«ОТАШИ ҶАШНИ САДА ОТАШИ МЕҲРИ ВАТАН АСТ». Дар Душанбе ҷашни Сада ва намоиши тухмии зироати кишоварзӣ баргузор шуд
ҲАРОРАТИ ГЛОБАЛИИ ҲАВО БА 1,5 ДАРАҶА РАСИДААСТ. Ин ба уҳдадории давлатҳо дар доираи Созишномаи Париж мухолифат мекунад
Президенти Тоҷикистон: «Кишоварзони мамлакат бояд ба масъалаи парваришу захираи тухмиҳои беҳтарин ва ниҳолҳои серҳосил таваҷҷуҳи махсус зоҳир намоянд»
Эмомалӣ Раҳмон: «Се ҷашни миллии мо – Наврӯз, Сада ва Меҳргон аз ҷониби мардуми фарҳангпарвари ҷаҳон пазируфта шудаанд»
«ОЛАМИ ГУЛДӮЗИИ ТОҶИКОН». Ин китоб мероси пурарзиши тоҷиконро ба ҷаҳониён муаррифӣ менамояд
Вобаста ба омодагӣ ба баргузории Конфронси байналмилалии сатҳи баланд оид ба Cоли байналмилалии ҳифзи пиряхҳо ҳамоиш доир шуд
ТАШАББУСИ ТОҶИКИСТОН. Созмони Милали Муттаҳид ба таҷлили Соли байналмилалии ҳифзи пиряхҳо оғоз намуд
Дар Созмони Милали Муттаҳид Соли байналмилалии ҳифзи пиряхҳо оғоз гардид
Масъуд Пизишкиён: «Дар Тоҷикистон эҳсоси ғурбат намекунам»
Эмомалӣ Раҳмон Масъуд Пизишкиёнро ба ҷашни Наврӯз даъват намуданд
НАЗАРИ КОРШИНОС. Робитаҳои Ҷумҳурии Тоҷикистон бо Ҷумҳурии Исломии Эрон бар пояи пайвандҳои таърихӣ асос ёфтаанд
САДА, ИН ПАРТАВИ ХУРШЕДИИ ИСТИҚЛОЛ АСТ! Имсол ин ҷашни бостониро дар Тоҷикистон 25-26 январ ҷашн мегиранд
