Чемпионати Осиё-2020: Тоҷикистон дар бозӣ бо дастаи мунтахаби ҷавонони Малдив бо ҳисоби 9:0 ғалаба кард

ДУШАНБЕ,03.10.2019 /АМИТ «Ховар»/. Шоми  дирӯз  дар Варзишгоҳи марказии шаҳри Душанбе дастаи  мунтахаби ҷавонони  то 19-солаи Тоҷикистон бозии нахустини хешро дар ба гурӯҳи «С» ба муқобили дастаи мунтахаби ҷавонони  Малдив баргузор намуда, ба дарвозаи ҳарифи хеш 9 голи беҷавоб зад. Дар ин бора шореҳи варзиши АМИТ «Ховар» Меҳрони Қурбон хабар медиҳад.

Бозӣ аз аввал то анҷом пурра дар дасти футболбозони тоҷик буд, ки аз фурсати муносиб истифода карда, 9 маротиби тӯбро вориди дарвозаи рақиби хеш  намуданд. Ҳамин тавр, дастаи  мунтахаби  ҷавонони яккачини то 19-солаи Тоҷикистон  бозии нахустини гурӯҳии марҳилаи интихобии Чемпионати Осиё-2020 байни футболбозони то 19- соларо бо ҳисоби калон оғоз намуд.

Футболбозони ҷавонони  тоҷик  бозии дуюми худро  4  октябр ба муқобили дастаи мунтахаби ҷавонони  Лубнон доир мекунанд.

Марҳилаи интихобии Чемпионати Осиё-2020 байни футболбозони то 19-сола

Гурӯҳи «С». Бозии даври  1-ум

Тоҷикистон– Малдив – 9:0

 Голҳо: Шарифбек Раҳматов, 4 (1:0). Манучеҳр Сафаров, 9 (2:0). Шаҳром Самиев, 13 (3:0). Шаҳром Самиев, 21 (4:0). Ислом Зоиров, 36 (5:0). Ислом Зоиров, 42 (6:0). Шаҳром Самиев, 46 (7:0). Ибраҳим Дхаисам, 76 – (худгол) (8:0). Шарифбек Раҳматов, 88 (9:0).

Мусобиқаи интихобии Чемпионати Осиё-2020 миёни дастаҳои мунтахаби ҷавонони то 19-сола

Гурӯҳи «С»

Бозиҳои даври 1-ум
2 октябр (чоршанбе)

16:00. Сурия 1:1 Лубнон
19:00. Тоҷикистон 9:0 Малдив

Бозиҳои даври  2-юм
4 октябр (ҷумъа)

16:00. Малдив – Сурия
19:00. Лубнон – Тоҷикистон

Бозиҳои  даври  3-ум
6 октябр (якшанбе)

16:00. Лубнон – Малдив
19:00. Тоҷикистон – Сурия

Ёдовар  мешавем, ки макони баргузории марҳилаи ниҳоии Чемпионати  Осиё-2020 миёни ҷавонони то  19-сола ҳанӯз муайян нашудааст. Агар мизбони Чемпионати Осиё-2020 миёни ҷавонони то  19-сола дар мусобиқоти интихобӣ дар гурӯҳи худ мақоми аввалро соҳиб шавад ва ё ба қатори чаҳор дастаи беҳтарини ҷойҳои дуюм шомил гардад, он гоҳ дастаи панҷуми ҷойҳои дуюм ба марҳилаи ниҳоии мусобиқот роҳ пайдо мекунад.

Таркиби гурӯҳҳои қаҳрамонии Осиё-2020 миёни дастаҳои мунтахаби ҷавонони то  19-сола:

Минтақаи Ғарб

Гурӯҳи «А»: Ироқ (мизбон), Уммон, Фаластин, Кувайт, Покистон.

Гурӯҳи «В»: Қатар (мизбон), Яман, Туркманистон, Шри-Ланка.

Гурӯҳи «С»: Тоҷикистон (мизбон), Сурия, Лубнон, Молдив.

Гурӯҳи «D»: Имороти Муттаҳидаи Арабӣ, Эрон (мизбон), Қирғизистон, Непал.

Гурӯҳи «Е»: Урдун, Баҳрайн (мизбон), Бангладеш, Бутан.

Гурӯҳи «F»: Арабистони Саудӣ (мизбон), Ӯзбекистон, Ҳиндустон, Афғонистон.

Минтақаи Шарқ

Гурӯҳи «G»: Тайланд, Малайзия, Камбоҷа (мизбон), Бруней, Ҷазираҳои Мариани Шимолӣ.

Гурӯҳи «Н»: Австралия, Тайбэйи Чин (мизбон), Макао, Лаос.

Гурӯҳи «I»: Кореяи Ҷанубӣ, Чин, Мянмар (мизбон), Сингапур.

Гурӯҳи «J»: Ҷопон, Ветнам (мизбон), Муғулистон, Гуам.

Гурӯҳи «К»: Индонезия (мизбон), Кореяи Шимолӣ, Ҳонконг, Тимори Шарқӣ.