Дар Душанбе ҷиҳати муайян намудани ронандагони вайронкунандаи қоидаҳои ҳаракат дар роҳ амалиёти муштарак доир гардид
ДУШАНБЕ, 07.10.2019. /АМИТ «Ховар»/. Раёсати Бозрасии давлатии автомобилии Вазорати корҳои дохилии Ҷумҳурии Тоҷикистон ва зерсохторҳои он дар шаҳри Душанбе тайи чанд рӯзи охир дар пойтахт бо масъулини маркази матбуоти ин вазорат ҷиҳати ба танзим даровардани ҳаракати воситаҳои нақлиёт ва пешгирии дағалона вайрон кардани қоидаҳои ҳаракат дар роҳ амалиёти муштарак гузарониданд.
Зимни гузаронидани амалиёти мазкур кормандони БДА дар пойтахт як қатор ронандагонеро, ки қоидаҳои ҳаракатро дар роҳро дағалона вайрон намуда, на танҳо ба дигар ронандагони воситаҳои нақлиёт, аз ҷумла ба раванди ҳаракати нақлиёти мусофиркашон халали ҷиддӣ мерасонанд, балки сабаби ба амал омадани танбашавӣ, инчунин дигар ҳолатҳои ногувор дар роҳ гардида, норозигӣ ва арзу шикояти шаҳрвандонро ба миён меоранд, ба қайд гирифта, нисбат ба онҳо ҷарима таъйин намуданд. Ин амалиёт ба навор гирифта шуда, тариқи шабакаҳои телевизионӣ ва сомонаи ВКД манзури аҳолӣ гардонида шуд.
Тавре аз Вазорати корҳои дохилӣ ба АМИТ «Ховар» хабар доданд, имрӯзҳо як зумра ронандагони воситаҳои нақлиёт, алалхусус ҷавонон дидаву дониста, талаботи «Қоидаҳои ҳаракат дар роҳ»-ро сарфи назар намуда, бинобар дар баъзе ҳолатҳо беҷазо мондан амалҳои номатлуби худро идома медиҳанд. Ин тоифа ронандагон бо ин рафтори номатлубашон ба ҳусни пойтахт доғ оварда, ба вазъи садаманокӣ ва интизоми нақлиётӣ таъсири манфӣ расонида, одобу маданияти шаҳрдориро коста мегардонанд.
«Истодан ва таваққуф намудан дар қаторҳои дуюму сеюм, дар ҷойҳои муқаррарнагардида, дохили чорроҳаҳо, инчунин баромадан ба самти ҳаракати муқобил ҳангоми фурӯзон будани ранги сурхи чароғак, ташкил намудани сабқат имрӯз барои иддае аз ронандагони мағрур ба одати маъмулӣ табдил ёфта, чунин рафтори онҳо аз маърифати пасти ҳуқуқии чунин ронандагон шаҳодат медиҳад», -афзуд манбаъ.
Мавриди зикр аст, ки дар таъмини бехатарии ҳаракат дар роҳ ва тартиботи ҷамъиятӣ метавон аз фаъолияти босамари Маркази автоматикунонии идораи нақлиёт ва тартиботи ҷамъиятӣ- «Шаҳри бехатар»-и ВКД Ҷумҳурии Тоҷикистон ёдовар шуд.
Пешгирии ҳодисаҳои нохуши нақлиётӣ дар ҳудуди пойтахт ва қоидавайронкуниҳо дар қиёс ба солҳои пеш кам гардида бошанд ҳам, вале чуноне зикр шуд, то ҳанӯз омилу сабабҳое дар ҳаракати воситаҳои нақлиёт ҷой доранд, ки аз ҳар кадоми мо — иштирокчиёни ҳаракат дар роҳ маърифати баланди ҳуқуқӣ ва одобу муносибати шаҳрнишиниро тақозо менамоянд.








Байни Тоҷикистон ва Амороти Муттаҳидаи Арабӣ Ёддошти тафоҳум оид ба эътирофи мутақобили шаҳодатномаҳои ронандагӣ ба имзо расид
Дар Прокуратураи генералӣ Рӯзи Президентро таҷлил намуданд
Нақшаи даъвати тирамоҳии шаҳрвандони Тоҷикистон ба сафи Артиши миллӣ пурра иҷро шуд
80 корманди мақомоти корҳои дохилӣ бо манзили зист таъмин мешаванд
Соли 2027 Тоҷикистон раёсатро дар Созмони Аҳдномаи амнияти дастҷамъӣ ба уҳда мегирад
Ҳабибулло Воҳидзода бо сафири навтаъйини Беларус дар Тоҷикистон мулоқот намуд
Эмомалӣ Раҳмон: «Ҳар корманди милитсия бояд бо рафтору гуфтор, дониш, самимияту эътимод сазовори боварии шаҳрвандон бошад»
Дар Роғун Рӯзи милитсияи тоҷикро таҷлил намуданд
Дар Суғд Рӯзи милитсияи тоҷикро ботантана таҷлил намуданд
Дар 26 шаҳру ноҳияи Тоҷикистон шуъбаҳои Вазорати корҳои дохилӣ бо биноҳои замонавӣ таъмин шуданд
Рӯзи милитсияи тоҷик дар Вилояти Мухтори Кӯҳистони Бадахшон ботантана таҷлил гардид
10 НОЯБР — РӮЗИ МИЛИТСИЯИ ТОҶИК. Барои беҳтар намудани шароити хизмат дар мақомоти корҳои дохилӣ беш аз 1500 иншоот бунёд гардидааст






