Давоми ду рӯз дар роҳи мошингарди Душанбе — Чаноқ ду садамаи маргбор рух дод

Октябрь 7, 2019 13:28

ДУШАНБЕ, 07.10.2019. /АМИТ «Ховар»/. Давоми ду рӯзаз 4 то  6  октябр дар роҳи  мошингарди ДушанбеЧаноқ ду  садамаи нохуши нақлиётӣ рух дод, ки   боиси марги  3 одам  ва маҷрӯҳ гардидани 2 нафар  гардидааст. Дар ин бора аз Вазорати корҳои дохилии Ҷумҳурии Тоҷикистон ба АМИТ «Ховар» хабар доданд.

Ба иттилои манбаъ, 4 октябр,  тахминан соати 02:00, ронандаи мошини тамғаи «Лада-Калина», сокини ноҳияи Шаҳринав Акрамҷон  Ашурови 64 –сола ҳангоми ҳаракат аз вилояти Суғд ба самти шаҳри Душанбе, дар ҳудуди Ҷамоати деҳоти Зидеҳи ноҳияи Варзоб аз уҳдаи идораи воситаи нақлиёт набаромада, ба тарафи рости роҳ чаппа шудааст.  Дар натиҷа, худи ронанда А. Ашуров ва ҳамсараш Рӯзигул Одинаеваи 58 –сола  ҷароҳатҳои вазнини ҷисмонӣ бардошта, дар ҷойи ҳодиса ба ҳалокат расидаанд.

Мусофири дигари мошини мазкур, сокини шаҳри Турсунзода Суҳроб Меликови 29 –сола  ҷароҳати ҷисмонӣ бардошта, дар беморхона бистарӣ гардидааст.

Садамаи дигари нақлиётӣ  дар роҳи мазкур  6 октябр, тахминан соати 10:30 рух додааст. Ронандаи мошини тамғаи «Опел-Зафира», сокини ноҳияи Б.Ғафуров Толибҷон Усмонови 24-сола ҳангоми ҳаракат дар болои пули ҳудуди Ҷамоати деҳоти Ёваи ноҳияи Б.Ғафуров ба муқобили ҳаракати роҳ баромада, ба мошини тамғаи «Опел-Вектра», таҳти идораи сокини ноҳияи Б.Ғафуров  Абдуқаҳҳор Қаландарови 38-сола  бархӯрдааст.

Дар натиҷа, ронандаи «Опел-Вектра» А.Қаландаров ҷароҳати вазнини ҷисмонӣ бардошта, дар беморхона ба ҳалокат расидааст.

Мусофири мошини тамғаи «Опел-Зафира», сокини ноҳияи Б.Ғафуров Мубинҷон Ҳомидови 22-сола  ҷароҳатҳои гуногуни ҷисмонӣ бардошта, дар беморхона бистарӣ гардидааст.

Аз рӯи ҳодисаҳои мазкур  корҳои таҳқиқу тафтиш идома доранд.

Октябрь 7, 2019 13:28

Хабарҳои дигари ин бахш

Ба Узбекистон бо интернети мобилӣ аз «Анор»!
Дар Академияи миллии илмҳои Тоҷикистон бахшида ба Рӯзи Ваҳдати миллӣ ҳамоиш баргузор шуд
Ширкати «IRS»: «Шумораи техникаҳои пойгоҳи техникӣ ба 228 адад расид»
ДУРНАМОИ ҲАМКОРИИ ТОҶИКИСТОНУ ЧИН. Дар Душанбе дар ин мавзуъ конфронси байналмилалӣ доир мегардад
Дар Тоҷикистон ҳавои тағйирёбанда пешгӯӣ мешавад
Боз ҳашт корманди ширкати «МегаФон Тоҷикистон» унвони соҳавӣ гирифтанд
ҲИСОББАРОБАРКУНИИ ҒАЙРИНАҚДӢ. Дар Ассотсиатсияи бонкҳои Тоҷикистон вобаста ба вусъат додани ин низом машварати омӯзишӣ баргузор шуд
ЭҲТИЁТ- НИМИ ҲАЁТ! Аз аввали соли равон дар Тоҷикистон 66 нафар ғарқ шуданд
20-21 июн дар баъзе минтақаҳои Тоҷикистон хавфи селҳои маҳаллӣ боқӣ мемонад
ТАЪМИНИ АМНИЯТИ ОЗУҚАВОРӢ. Кишоварзони ноҳияи Рашт зиёда аз сад фоиз нақшаи дурнамои кишти картошкаро иҷро карданд
ДАСТОВАРДҲОИ СОҲИБИСТИҚЛОЛӢ. Шурои ҷамъиятии назди Сафорати Тоҷикистон дар Русия дар ин мавзуъ озмун эълон кард
Дар рӯзномаи байналмилаллии арабии «Аш- Шарқ ал-Авсат» фарҳангу адабиёти тоҷик муаррифӣ гардид