Ду нафар шаҳрвандон бо ҷурми порагирӣ боздошт гардиданд
ДУШАНБЕ, 03.10.2019. /АМИТ «Ховар»/. Кормандони шуъбаи минтақавии Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар шаҳру ноҳияҳои водии Ҳисор- эксперти тиббӣ-судии шуъбаи байниноҳиявии шаҳри Турсунзода У.Н.Б ва шаҳрванд Ҳ.Ф.Б-ро ҳангоми гирифтани пора боздошт намудаанд.
Тавре АМИТ «Ховар» бо истинод ба Агентии назорати давлатии молиявӣ ва мубориза бо коррупсияи Ҷумҳурии Тоҷикистон хабар медиҳад, боздошти мазкур дар асоси аризаи шикоятии шаҳрванд «А» сурат гирифтааст.
Ба иттилои манбаъ, 19 сентябри соли равон шаҳрванд «А» ба шуъбаи мазкур бо ариза муроҷиат намудааст, ки нисбат ба номбурда тадбирҳои қонунӣ андешида шаванд.
«Номбурдагон аз ӯ бо роҳи фиреб ва суиистифодаи боварӣ, барои аз ҷавобгарии ҷиноятӣ озод намудани писари додараш шаҳрванд «Б», ки нисбаташ бо моддаи 139 қисми 4 КҶ Ҷумҳурии Тоҷикистон парвандаи ҷиноятӣ оғоз гардидааст, маблағи 10 000 доллари ИМА талаб карда истодаанд», — омадааст дар иттилоияи Агентӣ.
Дар ҳамин асос, — афзуд манбаъ, худи ҳамон рӯз нисбат ба У.Н.Б. ва Ҳ.Ф.Б. бо моддаи 247 қисми 4 Кодекси ҷиноятии Ҷумҳурии Тоҷикистон парвандаи ҷиноятӣ оғоз карда шуда, зимни гузаронидани чорабиниҳои фаврӣ — тафтишотӣ У.Н.Б. баъди аз шаҳрванд «А» гирифтани маблағи 7000 доллари ИМА дастгир ва маблағи мазкур аз ӯ ҳамчун далели шайъӣ ёфта, гирифта шуд.
«Айни замон тафтиши пешакии парвандаи ҷиноятӣ идома дорад»,- хабар дод манбаъ.
Ҳайати Тоҷикистон дар вохӯрии сеюми «Шабакаи занон GLO.ACT» иштирок менамояд
Дар ноҳияи Рӯдакӣ оид ба нақши шаҳрвандон дар таҳкими Истиқлоли давлатӣ ва ваҳдати миллӣ мулоқот доир гардид
«SOS». Барномаи мобилие, ки дар ҳолатҳои фавқулода ба шаҳрвандон кумак мерасонад
Тоҷикистон ва шарикони минтақавию байналмилалӣ ҳамкориро дар самти идоракунии хавфҳои иқлимӣ тақвият медиҳанд
Ҷаласаи Кумитаи роҳбарикунандаи Барномаи муштараки «Тағйир додани низоми озуқаворӣ барои беҳтар намудани ғизо дар Тоҷикистон» доир шуд
ОГОҲӢ! Аз 5 то 7 август дар баъзе минтақаҳои Тоҷикистон сар задани сел пешгӯӣ мешавад
Аз 1 август ҳаракати нақлиёт дар баъзе кӯчаҳои шаҳри Душанбе муваққатан маҳдуд карда мешавад
ИМРӮЗ — РӮЗИ КОРМАНДОНИ ХАДАМОТИ ОТАШНИШОНӢ. Кормандони ин ниҳод барои ҳифзи ҷони шаҳрвандон ба таври шабонарӯзӣ фаъолият менамоянд
Масъалаҳои таҳкими ҳамкории Тоҷикистон ва Чин дар самти мубориза бо ҷинояткорӣ баррасӣ гардиданд
Котиби Шурои амнияти мамлакат бо Сафири Покистон дар Тоҷикистон мулоқот намуд
ҚОИДАҲОИ БЕХАТАРӢ АЗ СӮХТОРРО РИОЯ НАМОЕД! Дар Тоҷикистон беш аз 500 ҳодисаи сӯхтор ба қайд гирифта шудааст
Прокуратураи генералӣ оид ба иҷрои қонунгузории мамлакат беш аз 4,6 ҳазор санҷиш гузаронид
