Сӯҳроб Мирзоев: «Интизор набудем, ки Шоҳҷоизаи Фестивали байналмилалии театрҳо насиби мо мешавад»
ДУШАНБЕ, 24.10.2019 /АМИТ «Ховар»/. 23 октябр аҳли Театри давлатии ҷавонони Тоҷикистон ба номи Маҳмудҷон Воҳидов, ки дар Фестивали байналмилалии театрҳо ба номи Ҷанат Хаҷиев дар Қазоқистон иштирок карда, соҳиби Шоҳҷоизаи фестивал шуданд, ба Тоҷикистон баргаштанд. Дар ин бора аз дафтари матбуоти Вазорати фарҳанг ба АМИТ «Ховар» иттилоъ доданд.
Барандагони Шоҳҷоизаро муовини якуми Вазири фарҳанги Ҷумҳурии Тоҷикистон Обидҷон Назариён бо як гурӯҳ кормандони вазорат ва ҳунарпешаҳои театрҳои пойтахт истиқбол гирифтанд.
Ҳунарпешаҳои Театри ҷавонон дар фестивали мазкур, ки дар шаҳри Жезказган баргузор гардид, спектакли “Дирафши Коваёнӣ”-ро намоиш доданд.
Тавре директори Театри давлатии ҷавонони Тоҷикистон Суҳроб Мирзоев зикр намуд, “Дирафши Коваёнӣ” ҳам аз ҷониби тамошобинон ва ҳам ҳайати ҳакамон хеле хуш пазируфта шуд.
“Мо аз кафкӯбиҳои пурмавҷи аҳли толор фаҳмидем, ки ҷои намоёнро соҳиб мешавем, аммо интизор набудем, ки Шоҳҷоиза насиби мо мешавад”, -иброз дошт Сӯҳроб Мирзоев.
Намоиши “Дирафши ковиёнӣ” аз рӯи асари “Шоҳнома”-и безаволи ҳаким Абулқосими Фирдавсӣ дар таҳияи коргардони шинохта Нозим Меликов рӯи саҳна омадааст.
Намоиши мазкур дар Тоҷикистон ҳам дар доираи касбӣ ва ҳам байни ҳаводорони санъати театрӣ маҳбубият пайдо кардааст. Соли 2017 «Дирафши коваёнӣ» сазовори Шоҳҷоизаи Фестивал-озмуни ҷумҳуриявии театрҳои касбӣ «Парасту-2017» гардида буд.
Ёдовар мешавем, ки Фестивали байналмилалии театрҳо ба номи Ҷанат Хаҷиев аз 15 то 19 октябр дар Театри мусиқӣ-драмавии шаҳри Жезказгани Ҷумҳурии Қазоқистон бо мақсади рушди санъати театрӣ, таҳкими робитаҳо байни театрҳои кишварҳои гуногун ва дарёфти чеҳраҳои нав баргузор гардид. Фестивал ба хотираи Арбоби шоистаи Қазоқистон, яке аз асосгузорони театри Жезказган, коргардон Ҷанат Хаҷиев бахшида шуда буд.
Дар фестивал гурӯҳҳои театрӣ аз минтақаҳои гуногуни Қазоқистон, инчунин аз Тоҷикистон, Ӯзбекистон ва Қирғизистон иштирок карданд.
Аъзои Маҷлиси умумичинии намояндагони мардумии Чин Қалъаи бостонии Ҳисорро тамошо намуданд
Шоири халқии Тоҷикистон Доро Наҷот аз олам даргузашт
ДАСТОВАРДИ ДАВРОНИ СОҲИБИСТИҚЛОЛӢ. Китобхонаи миллии Тоҷикистон иқтидори нигоҳдории то 10 миллион нусха китобро дорад
Дар Душанбе ҷаласаи Комиссияи ҷумҳуриявии озмунҳо баргузор гардид
Китоби «Ориёиҳо ва шинохти тамаддуни ориёӣ»-и Президенти Ҷумҳурии Тоҷикистон бо хати форсӣ рӯнамоӣ гардид
Олимони Ҳиндустон дар Осорхонаи миллии Тоҷикистон бо ёдгориҳои беназир ва бозёфтҳои нодири бостоншиносӣ шинос шуданд
Бахшида ба 35-солагии Истиқлоли давлатӣ таҳти унвони «Меъмори кохи бузурги маънавӣ» китоб нашр шуд
ЭҲЁИ ҶАШНҲОИ МИЛЛӢ ДАР 35 СОЛИ ИСТИҚЛОЛИЯТ. Ва ё мақоми байналмилалиро соҳиб гардидани онҳо
СИНАМОИ ТОҶИК ДАР 35 СОЛИ ИСТИҚЛОЛИ ДАВЛАТӢ. Дар ин давра беш аз 300 филм ба навор гирифта шудааст
Пешвои миллат Эмомалӣ Раҳмон: «24 ёдгории таърихию фарҳангии Тоҷикистон ба Феҳристи мероси моддии ҷаҳонии ЮНЕСКО сабт гардидааст»
Президенти Тоҷикистон: «Мо барои арҷгузорӣ ба арзишҳои асили тамаддуни тоҷикону форсизабонон иқдомоти муассирро амалӣ намудем»
ШЕЪР ВА ИСТИҚЛОЛ. Назми муосири тоҷик дар солҳои соҳибистиқлолии Тоҷикистон дар сафи пеши худшиносии миллӣ ва ҳаракати ваҳдати миллӣ қарор гирифт
