Намоиши «Достони Сиёвуш» дар Москва ба саҳна гузошта шуд
ДУШАНБЕ, 09.11.2026 /АМИТ «Ховар»/. 8 ноябр дар шаҳри Москва ҳунармандони Театри давлатии Академии драмавии ба номи Абулқосим Лоҳутӣ намоиши «Достони Сиёвуш»-ро ба саҳна гузоштанд. Дар ин хусус мухбири АМИТ «Ховар» дар Русия хабар медиҳад.
Намоиш бо ташаббуси Сафорати Ҷумҳурии Тоҷикистон дар Федератсияи Русия ба хотири татбиқи барномаҳои рушди фарҳанги миллӣ дар ҳамкорӣ бо Театри давлатии Академии драмавии ба номи Абулқосим Лоҳутӣ дар толори «Мастерская – 12»-и Никита Михалков пешниҳод гардид.
Ин намоиш аз ҷониби коргардон Баҳром Қурбонзода аз рӯйи «Шоҳнома»-и безаволи Абулқосим Фирдавсӣ таҳия гардидааст.
Ҳунармандон бо маҳорати баланд ва иҷрои таъсирбахши нақшҳо таваҷҷуҳи ҳозиринро ҷалб намуданд. Дар ҷараёни намоиш ҳунармандони театри тоҷик бо ҳунари касбии худ муҳтавои асарро ба таври таъсирбахш ба тамошобинон пешниҳод карда, паёмҳои ахлоқиву маънавии онро равшан инъикос намуданд.
Ба гуфтаи мушовири Сафорати Эрон дар Русия, директори Маркази фарҳангии назди Сафорати Эрон дар Русия Абдулрезо Рошед, он чизе, ки дар саҳна намоиш дода шуд, чанд маротиба болотар аз он буд, ки интизораш буданд.
Намоиши «Достони Сиёвуш» таърих ва тамаддуни миллати тоҷику форсро инъикос карда, тарғибгари некӣ, дӯстӣ, адолатхоҳӣ ва инсондӯстию мардонагӣ мебошад.
Бояд гуфт, ки намоишномаи «Достони Сиёвуш» дар Фестивал-озмуни ҷумҳуриявии театрҳои касбӣ – «Парасту 2025» сазовори шоҳҷоиза гардида буд.
АКС: АМИТ «Ховар»
Намоишномаи мазҳакавии таҳти унвони «Хоҳ биёӣ, хоҳ наё» дар Москва ба саҳна гузошта шуд
Ҳайти эҷодии Тоҷикистон дар Фестивали V байналмилалии театрӣ дар Ашқобод ҳунари миллии театриро муаррифӣ намуд
Бузургтарин ситораҳои санъати Тоҷикистон дар Театри ба номи Лоҳутӣ тарбия ёфтаанд
РӮЗИ ТЕАТРИ ТОҶИК. Дар Тоҷикистон беш аз 20 театри халқӣ фаъолият мекунад
Дар Душанбе бахшида ба Рӯзи театр ҳамоиш доир гардид
Дар Душанбе намоиши асарҳои рассомони Тоҷикистону Чин доир гардид
Одил Дониш аз Осорхонаи миллии Тоҷикистон боздид намуд
Ҳаракати фарҳангии «Корвони китоб» дар минтақаи Кӯлоб идома дорад
Дар Донишкадаи давлатии фарҳанг ва санъат оид ба нақши фарҳангу санъат дар муносибатҳои байналмилалӣ ҳамоиш баргузор гардид
Ҷилди панҷуми китоби «Таърихи халқи тоҷик» рунамоӣ гардид
«ТОҶИКИСТОН-ВАТАНИ АЗИЗИ МАН». Дар ҳашт сол шумораи иштирокчиёни озмун ба беш аз 33 ҳазор нафар расидааст
Доир ба таъриху фарҳанги Кӯшониён конфронси ҷумҳуриявӣ баргузор шуд
