Шералӣ Мирзо дар ҷаласаи Шӯрои вазирони мудофиаи кишварҳои ИДМ дар Боку иштирок мекунад
ДУШАНБЕ, 30.10.2019 /АМИТ «Ховар»/. 30 октябр дар Боку ҷаласаи Шӯрои вазирони мудофиаи кишварҳои аъзои Иттиҳоди Давлатҳои Мустақил доир мегардад, ки дар он Вазири мудофиаи Ҷумҳурии Тоҷикистон, генерал-полковник Шералӣ Мирзо иштирок менамояд. Дар ин бора ба АМИТ «Ховар» сардори маркази матбуоти Вазорати мудофиаи Ҷумҳурии Тоҷикистон Ориф Нозимиён хабар дод.
Ба иттилои номбурда, интизор меравад, ки дар ҷаласа Раиси Кумитаи иҷроияи ИДМ Сергей Лебедев иштирок намояд.
Аъзои Шӯро лоиҳаи Консепсияи ҳамкории ҳарбии кишварҳои аъзои ИДМ то соли 2025 ва самтҳои асосии рушди низоми Муттаҳидаи назорат ва арзёбии ҳолати радиатсионӣ, кимиёвӣ ва биологии вазоратҳои мудофиаи кишварҳои аъзои ИДМ то соли 2025-ро баррасӣ менамоянд.
Инчунин таҷрибаи зада гардонидани ҳамлаи оммавии дастгоҳи парвозкунандаи бесарнишин ҳангоми амалиёти зиддитеррористӣ дар Ҷумҳурии Сурияи Араб ва иҷрои вазифаҳои инсондӯстона оид ба безарар гардонидани мина дар Ҷумҳурии Халқии Демократии Лаос матраҳ мешавад.
Дар ҷаласа натиҷаҳои Бозиҳои байналмилалии артишӣ -2019 натиҷагирӣ, инчунин масъалаҳои омода намудани кадрҳои афсарӣ барои қувваҳои мусаллаҳи кишварҳои ИДМ, гузаронидани Фестивали байналмилалии ғояҳои «Навгонии илмӣ» ва омодагӣ ба таҷлили 75-солагии Ғалаба дар Ҷанги дуюми ҷаҳон баррасӣ мешаванд.
Ғайр аз ин баргузории чорабиниҳои муштараки низоми муттаҳидаи мудофиаи зиддиҳавоии кишварҳои ИДМ ба нақша гирифта шуда, инчунин фаъолияти ташкилоти асосии кишварҳои аъзои ИДМ (Донишгоҳи миллии Вазорати мудофиаи Федератсияи Россия) оид ба омода намудани мутахассисони самти ҳарбӣ-гуманитарӣ ва масъалаҳои ташкили роҳбаладии иттилоотии чорабиниҳои муштараки ҳамкории ҳарбии бисёрҷониба баррасӣ мегарданд.
Инчунин рушди ҳамкории ҳарбии кишварҳои ИДМ дар соли 2019 натиҷагирӣ карда шуда, нақшаи кори Шӯрои вазирони мудофиаи кишварҳои аъзои ИДМ барои соли 2020 таҳия мегардад. Вазирони мудофиа масъалаҳои баҳисобгирии заминаи ҳуқуқии байналмилалии ҳамкории низомӣ ва такмили танзими ҳуқуқиро дар соҳаи дастгирии метрологии қувваҳои мусаллаҳи ИДМ муҳокима хоҳанд кард.
Дар ҷаласа инчунин як зумра масъалаҳои молиявӣ, кадрӣ ва ташкилӣ мавриди баррасӣ қарор мегиранд.
«ПАЁМ-РОҲНАМОИ ЗАНОН ДАР ҶОМЕА». Дар Душанбе ҳамоиши кормандзанони мақомоти корҳои дохилӣ доир шуд
Дар ноҳияи Шаҳритус ба ҷойи дарсхонӣ ба бозиҳои компютерӣ машғул шудани хонандагон ошкор карда шуд
Изҳороти Маркази матбуоти Қӯшунҳои сарҳадии Кумитаи давлатии амнияти миллии Ҷумҳурии Тоҷикистон
Дар Душанбе ҷаласаи Комиссияи байниидоравӣ оид ба муқовимат ба савдои одамон доир шуд
Котиби Шурои амнияти Ҷумҳурии Тоҷикистон бо Сафири Чин мулоқот намуд
ЭҲТИЁТ-КАФИЛИ АМНИЯТ. Риояи қоидаҳои бехатарӣ ҳангоми истифодаи гази моеъ омили асосӣ барои ҳифзи ҷони инсон аст
Милитсияи шаҳри Душанбе беш аз 160 ҳолати ба фолбинӣ машғул шудани шаҳрвандонро ошкор намуд
Дар Душанбе масъалаи таҳкими ҳамкорӣ дар самти муқовимат ба хариду фурӯши одамон баррасӣ гардид
Ҳамкории милитсия ва соҳаи маорифи шаҳри Душанбе дар самти пешгирии ҷинояткории наврасону ҷавонон тақвият меёбад
ТАРМАФАРОӢ. Дар Тоҷикистон фаромадани тарма аз нимаи моҳи декабр то моҳи апрел дар назар аст
Соли 2026 дар Тоҷикистон ҷаласаи Шурои вазирони корҳои дохилии давлатҳои ИДМ баргузор мегардад
Дар вохӯрӣ бо аҳли ҷамоати шаҳри Ҳисор масъалаи пешгирии ноболиғон аз ҷинояткорӣ баррасӣ карда шуд
