Шералӣ Мирзо дар ҷаласаи Шӯрои вазирони мудофиаи кишварҳои ИДМ дар Боку иштирок мекунад
ДУШАНБЕ, 30.10.2019 /АМИТ «Ховар»/. 30 октябр дар Боку ҷаласаи Шӯрои вазирони мудофиаи кишварҳои аъзои Иттиҳоди Давлатҳои Мустақил доир мегардад, ки дар он Вазири мудофиаи Ҷумҳурии Тоҷикистон, генерал-полковник Шералӣ Мирзо иштирок менамояд. Дар ин бора ба АМИТ «Ховар» сардори маркази матбуоти Вазорати мудофиаи Ҷумҳурии Тоҷикистон Ориф Нозимиён хабар дод.
Ба иттилои номбурда, интизор меравад, ки дар ҷаласа Раиси Кумитаи иҷроияи ИДМ Сергей Лебедев иштирок намояд.
Аъзои Шӯро лоиҳаи Консепсияи ҳамкории ҳарбии кишварҳои аъзои ИДМ то соли 2025 ва самтҳои асосии рушди низоми Муттаҳидаи назорат ва арзёбии ҳолати радиатсионӣ, кимиёвӣ ва биологии вазоратҳои мудофиаи кишварҳои аъзои ИДМ то соли 2025-ро баррасӣ менамоянд.
Инчунин таҷрибаи зада гардонидани ҳамлаи оммавии дастгоҳи парвозкунандаи бесарнишин ҳангоми амалиёти зиддитеррористӣ дар Ҷумҳурии Сурияи Араб ва иҷрои вазифаҳои инсондӯстона оид ба безарар гардонидани мина дар Ҷумҳурии Халқии Демократии Лаос матраҳ мешавад.
Дар ҷаласа натиҷаҳои Бозиҳои байналмилалии артишӣ -2019 натиҷагирӣ, инчунин масъалаҳои омода намудани кадрҳои афсарӣ барои қувваҳои мусаллаҳи кишварҳои ИДМ, гузаронидани Фестивали байналмилалии ғояҳои «Навгонии илмӣ» ва омодагӣ ба таҷлили 75-солагии Ғалаба дар Ҷанги дуюми ҷаҳон баррасӣ мешаванд.
Ғайр аз ин баргузории чорабиниҳои муштараки низоми муттаҳидаи мудофиаи зиддиҳавоии кишварҳои ИДМ ба нақша гирифта шуда, инчунин фаъолияти ташкилоти асосии кишварҳои аъзои ИДМ (Донишгоҳи миллии Вазорати мудофиаи Федератсияи Россия) оид ба омода намудани мутахассисони самти ҳарбӣ-гуманитарӣ ва масъалаҳои ташкили роҳбаладии иттилоотии чорабиниҳои муштараки ҳамкории ҳарбии бисёрҷониба баррасӣ мегарданд.
Инчунин рушди ҳамкории ҳарбии кишварҳои ИДМ дар соли 2019 натиҷагирӣ карда шуда, нақшаи кори Шӯрои вазирони мудофиаи кишварҳои аъзои ИДМ барои соли 2020 таҳия мегардад. Вазирони мудофиа масъалаҳои баҳисобгирии заминаи ҳуқуқии байналмилалии ҳамкории низомӣ ва такмили танзими ҳуқуқиро дар соҳаи дастгирии метрологии қувваҳои мусаллаҳи ИДМ муҳокима хоҳанд кард.
Дар ҷаласа инчунин як зумра масъалаҳои молиявӣ, кадрӣ ва ташкилӣ мавриди баррасӣ қарор мегиранд.
Ҳайати Тоҷикистон дар вохӯрии сеюми «Шабакаи занон GLO.ACT» иштирок менамояд
Дар ноҳияи Рӯдакӣ оид ба нақши шаҳрвандон дар таҳкими Истиқлоли давлатӣ ва ваҳдати миллӣ мулоқот доир гардид
«SOS». Барномаи мобилие, ки дар ҳолатҳои фавқулода ба шаҳрвандон кумак мерасонад
Тоҷикистон ва шарикони минтақавию байналмилалӣ ҳамкориро дар самти идоракунии хавфҳои иқлимӣ тақвият медиҳанд
Ҷаласаи Кумитаи роҳбарикунандаи Барномаи муштараки «Тағйир додани низоми озуқаворӣ барои беҳтар намудани ғизо дар Тоҷикистон» доир шуд
ОГОҲӢ! Аз 5 то 7 август дар баъзе минтақаҳои Тоҷикистон сар задани сел пешгӯӣ мешавад
Аз 1 август ҳаракати нақлиёт дар баъзе кӯчаҳои шаҳри Душанбе муваққатан маҳдуд карда мешавад
ИМРӮЗ — РӮЗИ КОРМАНДОНИ ХАДАМОТИ ОТАШНИШОНӢ. Кормандони ин ниҳод барои ҳифзи ҷони шаҳрвандон ба таври шабонарӯзӣ фаъолият менамоянд
Масъалаҳои таҳкими ҳамкории Тоҷикистон ва Чин дар самти мубориза бо ҷинояткорӣ баррасӣ гардиданд
Котиби Шурои амнияти мамлакат бо Сафири Покистон дар Тоҷикистон мулоқот намуд
ҚОИДАҲОИ БЕХАТАРӢ АЗ СӮХТОРРО РИОЯ НАМОЕД! Дар Тоҷикистон беш аз 500 ҳодисаи сӯхтор ба қайд гирифта шудааст
Прокуратураи генералӣ оид ба иҷрои қонунгузории мамлакат беш аз 4,6 ҳазор санҷиш гузаронид
