Вазорати кишоварзӣ: дар нуҳ моҳ дар Тоҷикистон 161 ҳазору 722 тонна пахта истеҳсол шудааст
ДУШАНБЕ, 24.10.2019. /АМИТ «Ховар»/. Дар вилояти Суғд то 21 октябр 91 ҳазору 913 тонна «тиллои сафед» ҷамъоварӣ гардидааст, ки ба 71,2 фоизи нақша баробар аст.
Ба иттилои Мақомоти иҷроияи ҳокимияти давлатии вилояти Суғд, миёни 14 ноҳия имрӯз пахтакорони навоҳии Ашт 10 351 тонна, Бобоҷон Ғафуров 13 449 тонна, Ҷаббор Расулов 9551 тонна, Зафаробод 18 962 тонна, Конибодом 11783 тонна, Мастчоҳ 18441 тонна ва Спитамен 9331 тонна дурри гаронбаҳоро ба хирман супоридаанд.
Дар сегонаи навоҳии пешқадами маъракаи пахтачинӣ бо иҷрои 88,6 дарсади нақша шаҳри Конибодом, 74 дарсади нақша ноҳияи Ҷаббор Расулов ва 73,9 дарсади нақша ноҳияи Бобоҷон Ғафуров қарор доранд.
Тибқи нақша имсол дар вилояти Суғд бояд қариб 130 000 тонна пахта истеҳсол гардад.
Аз Сарраёсати кишоварзии вилояти Хатлон иттилоъ доданд, ки то 21 октябр 198 ҳазору 127 тонна пахта ба нуқтаҳои қабул супурда шудааст. Ин нишондиҳанда ба 72%-и дурнамои солона баробар аст.
Дар вилояти Хатлон аз 24 ноҳия 19 шаҳру ноҳияи он дорои хоҷагиҳои пахтакор мебошанд. Дар мавсими имсола дар майдони 122 ҳазору 97 гектар пунбадона кишт шуда, кишоварзони вилоят ният доранд, ки 275,2 ҳазор тонна пахта ҷамоварӣ намоянд.
Барои ҳавасманд гардонидани хоҷагиҳои кишоварзӣ дар вилояти Хатлон ситоди вилоятии «Ҳосил-2019»ташкил гардидааст. Он ҷараёни ҷамъоварии ҳосили пахтаро дар шаҳру ноҳияҳои вилоят давоми 15 рӯзи моҳ ҷамъбаст менамояд. Дар 15-рӯзаи ин моҳи октябр барои ба андозаи 2870,2 тонна супоридани пахта ва 34,57 фоиз таъмин намудани дурнамо ноҳияи Данғара сазовори ҷойи якум дониста шуд.
Ба ин муносибат ба раиси ноҳияи Данғара Исломиддин Раҳмон дар вазъияти тантанавӣ Сипосномаи раиси вилояти Хатлон ва 15 ҳазор сомонӣ мукофотпулӣ тақдим гардид.
Ёдовар мешавем, ки тибқи маълумоти омории Вазорати кишоварзии Ҷумҳурии Тоҷикистон, дар нуҳмоҳаи соли равон дар мамлакат 161 ҳазору 722 тонна пахта тонна истеҳсол шудааст.
Ҳоло дар пахтазори ҷумҳурӣ ҷамъоварии ҳосили пахта бомаром идома дошта, кишоварзони ҷумҳурӣ барои беталаф ғундоштани ҳосили бо заҳмат рӯёнида аз тамоми воситаю имкониятҳо самаранок истифода менамоянд.
КАМ АСТ Ё ЗИЁД? Тоҷикистон дар се моҳи аввали соли равон 600 тонна моҳӣ истеҳсол намудааст
БА ИСТИҚБОЛИ 25-СОЛАГИИ ВАҲДАТИ МИЛЛӢ. Қитъаи роҳи Шкев-Қалъаихум ба истифода дода мешавад
Дар Тоҷикистон барои соҳибкорони инфиродии тибқи патент ё шаҳодатнома фаъолияткунанда тартиби нави андозбандӣ муқаррар гардид
«Моликияти зеҳнӣ ва ҷавонон: Инноватсия барои ояндаи беҳтар». Таҳти чунин унвон дар Душанбе ҳамоиш доир шуд
Татбиқи «Барномаи рушди нақлиёти барқӣ дар Ҷумҳурии Тоҷикистон барои солҳои 2022-2026» истифодаи электромобилҳоро афзоиш медиҳад
ПАНҶСОЛАИ РУШДИ САНОАТ. ҶДММ «Тоҷфилиз» дар се моҳ ба маблағи зиёда аз 2 миллион сомонӣ маҳсулот истеҳсол намуд
ТАЪМИНИ АМНИЯТИ ОЗУҚАВОРӢ. Дар Маркази назорати давлатии санитарию эпидемиологии Суғд бо масъулини соҳаи савдо мулоқот доир шуд
«Somon Air» дар масири Душанбе-Алмато-Душанбе ҳафтае ду маротиба парвоз анҷом медиҳад
Дар Душанбе дурнамои нишондиҳандаҳои рушди соҳаҳои воқеии иқтисоди миллӣ баррасӣ гардид
Дар ноҳияи Ҷалолиддини Балхӣ вобаста ба содироти маҳсулоти кишоварзӣ ҷаласа доир шуд
Дар Душанбе рушди ҳамкории мутақобилан судманди Тоҷикистон ва Дафтари Швейтсария оид ба ҳамкории иқтисодӣ баррасӣ гардид
НАМОИШГОҲИ «ИННОПРОМ.Осиёи Марказӣ». Дар он маҳсулот ва хизматрасонии 28 корхонаи Тоҷикистон ба намоиш гузошта шудааст
