ҶАБҲАИ БУЗУРГИ СОЗАНДАГӢ ДАР ШАҲРУ ДЕҲОТИ ТОҶИКИСТОН. Фарҳоди Абдуназар дар ноҳияи Ҳамадонӣ бо маблағи 200 000 сомонӣ майдончаи варзишӣ бунёд кард

Ноябрь 16, 2019 12:58

ДУШАНБЕ, 16.11.2019 /АМИТ «Ховар»/. Дар ноҳияи Мир Сайид Алии Ҳамадонӣ бахшида ба Рӯзи Президенти Ҷумҳурии Тоҷикистон бо иштироки раиси ноҳия Бозоралӣ Одиназода, муовини раиси КВД «Роҳи оҳани Тоҷикистон» ҳамзамон муовини роҳбари гурӯҳи корӣ бахшида ба 30-солагии Истиқлолияти давлатии Ҷумҳурии Тоҷикистон дар ноҳия Усмон Қаландаров  як зумра  иншооти ҷашнӣ, аз ҷумла, майдончаи варзишӣ, дорухона, нуқтаи шустушӯйи мошинҳо мавриди баҳрабардорӣ қарор дода шуда,  2,6 км роҳи мошингарди  деҳоти Гулободи ҷамоати Меҳнатобод мумфарш гардид.

Тавре мухбири АМИТ «Ховар» иттилоъ медиҳад, майдончаи варзишӣ барои футболи хурд аз тарафи соҳибкори маҳаллӣ Фарҳоди Абдуназар ба маблағи 200 000 сомонӣ сохта шудааст. Ҳамчунин бинои дорухона аз тарафи соҳибкори дигари ноҳия Муҳаммадҷон Ҷурахонов ва нуқтаи шустушӯйи мошинҳо аз тарафи соҳибкори маҳаллӣ Машраб Сафаров ба маблағи 19 ҳазор сомонӣ ба истифода дода шуданд.

Раиси ноҳия Бозоралӣ Одиназода саҳми соҳибкорони ноҳияро дар рушду шукуфои Тоҷикистон хуб арзёбӣ карда, зикр намуд, ки “мояи хушнудист, ки имрӯз дар ноҳияи Ҳамадонӣ бо  дастуру ҳидоятҳои Асосгузори сулҳу ваҳдати миллӣ, Пешвои миллат, Президенти мамлакат муҳтарам Эмомалӣ Раҳмон як қатор иншооти  замонавӣ мавриди баҳрабадорӣ қарор гирифтаанд ва хурсандии сокинони ноҳия ҳадду канор надорад”.

Ҳамчунин иттилоъ дода шуд, ки то ҷашни 30-солагии Истиқлолияти давлатии Ҷумҳурии Тоҷикистон дар ноҳия бунёд ва навсозии 196 иншооти таъйиноти гуногун ба нақша гирифта шудааст.

Ноябрь 16, 2019 12:58

Хабарҳои дигари ин бахш

Истгоҳи обуҳавосанҷии Горбунов дар пиряхи «Тоҷикистон» навсозӣ карда мешавад
ҚАТЪНОМАИ ТАЪРИХӢ БАРОИ ОСИЁИ МАРКАЗӢ. Чӣ гуна ташаббуси Президенти Тоҷикистон зеҳни сунъиро ба рӯзномаи Маҷмаи Умумии СММ ворид кард
Ба бунёди боғҳои интенсивӣ ва суперинтенсивӣ таваҷҷуҳро бештар намоем. Шарҳи коршинос
Ҳаҷми маблағгузории Фонди иқлими сабз барои Тоҷикистон ба 235 миллион доллар расидааст
Ҷаласаи навбатии Гурӯҳи кории байниидоравӣ оид ба мониторинг ва арзёбии ҳуҷҷатҳои банақшагирии стратегӣ доир шуд
«БАРНОМАИ ДАВЛАТИИ РУШДИ МАЪРИФАТ ВА ФАРҲАНГИ ЭКОЛОГӢ». Он ба баланд бардоштани фарҳанги экологии аҳолӣ равона шудааст
ҶОМИ ҶАҲОН-2026. Дастаи мунтахаби наврасони Тоҷикистон (U-17) дастаи Кубаро мағлуб кард
Тоҷикистон дар COP31 таъсиси платформаи минтақавии инноватсияҳои «сабз»-ро дар Осиёи Марказӣ пешниҳод намуд
Директори Агентии авиатсияи гражданӣ Ҳабибулло Назарзода дар Ассамблеяи 43-юми ИКАО дар шаҳри Монреали Канада иштирок намуд
Ҳамкории Тоҷикистон бо Фонди ОПЕК дар самти ҳифзи муҳити зист густариш меёбад
Дар Кӯлоб таҳти роҳбарии муовини Сарвазири Тоҷикистон Усмоналӣ Усмонзода ҷаласаи гурӯҳи корӣ доир шуд
Тоҷикистон ва ИМА таъсиси Шурои муштараки кориро баррасӣ намуданд