Аз ҶДММ «Шау-Сун» 50 адад чархҳои мошини тамғаи «Дулан»-ро дуздиданд

ДУШАНБЕ, 15.11.2019. /АМИТ «Ховар»/. Ба шуъбаи 1-уми Вазорати корҳои дохилӣ  дар ноҳияи Синои шаҳри Душанбе   марди 48-солаи шаҳрванди Ҷумҳурии  Мардумии Чин, директори ҶДММ «Шау-Сун», ки айни ҳол истиқоматкунандаи  кӯчаи Ҷ.Расулови  пойтахт мебошад, муроҷиат намудааст.

Номбурда дар  муроҷиаташ  зикр кардааст, ки шаби 10 ба 11 ноябри соли  равон, тахминан соати 03:20, шахси номаълум бо роҳи пинҳонӣ ба корхонаи мазкур, воқеъ дар кӯчаи Ҷ.Расулов даромада, аз он ҷо 50  адад чархҳои  мошини  тамғаи «Дулан»-ро дуздидааст.  Дар натиҷаи ин дуздӣ  ба корхонаи «Шау-Сун» 150 ҳазор сомонӣ зарар  расидааст.

Тавре аз маркази матбуоти Вазорати корҳои дохилии Ҷумҳурии Тоҷикистон ба АМИТ «Ховар» хабар доданд, ҳангоми гузаронидани чорабиниҳои  фаврӣ — ҷустуҷӯӣ аз ҷониби кормандони милитсия ҷавони  19-солаи сокини ноҳияи Ёвони вилояти Хатлон  бо гумони дуздӣ дастгир гардид. Айни ҳол аз рӯи ин ҳодиса корҳои тафтишотӣ  идома доранд.