Футболбозони то 17-солаи тоҷик аз Ҷоми ҷаҳон-2019 ба Ватан баргаштанд
ДУШАНБЕ, 07.11.2019. /АМИТ «Ховар»/. Дастаи мунтахаби наврасони то 17-солаи Тоҷикистон оид ба футбол баъд аз иштирок дар Чемпионати ҷаҳон-2019 дар кишвари Бразилия ба Ватан баргашт. Дар ин бора шореҳи варзиши АМИТ «Ховар» Меҳрони Қурбон бо истинод ба Федератсияи футболи Тоҷикистон иттилоъ медиҳад.
Тибқи иттилои манбаъ, ба пешвози футболбозони наврас ба толори меҳмонони расмии Фурудгоҳи байналмилалии Душанбе намояндагони Федератсияи футболи Тоҷикистон, Кумитаи кор бо ҷавонон ва варзиш ва дӯстону пайвандон омада буданд. Пас аз пешвозгирии самимӣ масъулин бо ҳайати мунтахаб суҳбат доир карда, барои иштирокашон дар ин мусобиқоти бонуфуз ва муаррифии Тоҷикистон дар арсаи байналмилалӣ изҳори сипос намуданд.
Иштирок дар мусобиқоти фароҷаҳонӣ, ки воқеан футболбозони навраси мо новобаста аз рақибони пурқуввати хеш дар он бозии ҷолиб нишон доданд, гувоҳи он аст, ки мо дар оянда метавонем дар ин соҳа ба натиҷаҳои назаррас ноил гардем. Танҳо барои беҳтар аз худ кардани малака бо ин гуна рақибон бояд неру санҷид.
Сармураббии дастаи мунтахаби наврасони Тоҷикистон Зайниддин Раҳимов ба роҳбарияти Федератсияи футболи мамлакат барои муҳайё кардани шароити тамрин ҷиҳати омодагӣ ба чемпионат изҳори миннатдорӣ намуд. Ӯ ваъда дод, ки минбаъд баҳри баланд бардоштани обрӯю нуфузи футболи Тоҷикистон дар арсаи байналмилалӣ, хусусан соли оянда дар Ҷоми Осиё, ки дар Ӯзбекистон байни ҷавонони то 19-сола баргузор мегардад, тамоми қувваю маҳораташонро сарф менамояд, то дастпарваронаш бо сари баланд ба Ватан баргарданд.
Ёдовар мешавем, ки дар бозии ниҳоии даври гурӯҳии Чемпионати ҷаҳон-2019 дастаи мунтахаби наврасони Тоҷикистон аз дастаи мунтахаби наврасони Аргентина бо ҳисоби 1:3 мағлуб гардид. Голи дастаи Тоҷикистонро Рустам Соиров аз пеналтӣ ба ҳадаф расонид. Шогирдони Зайниддин Раҳимов дар гурӯҳи «Е» аз се бозӣ 3 хол ба даст оварда, натавонистанд ба даври 1/8-финал роҳ ёбанд. Аз ин гурӯҳ дастаҳои мунтахаби наврасони Испания ва Аргентина ба даври дигар баромаданд. Новобаста ба он ки футболбозони мо натавонистанд ба даври дигар роҳ ёбанд, вале мухлисон шоҳид шуданд, ки онҳо дар ҳар се бозӣ муқобили чемпионҳои Африқо, Аврупо ва Амрико бо тамоми қувва ҳунарнамоӣ карда, Ҷумҳурии Тоҷикистонро дар ҷаҳон ба таври шоиста муаррифӣ намуданд.
ФУТБОЛ. Дастаи олимпии Тоҷикистон (U-23) бо ҳамсолони худ аз Чин бозиҳои дӯстона баргузор мекунад
Ғолибони Чемпионати Осиё оид ба бокс қадрдонӣ карда шуданд
Ҳайати дастаи мунтахаби Тоҷикистон оид ба футбол барои бозиҳои дӯстона бо тими мунтахаби Ҳиндустон муайян гардид
ФУТБОЛ. Дастаи мунтахаби Тоҷикистон бо тими мунтахаби Ҳиндустон бозиҳои дӯстона анҷом медиҳад
Дар Ёвон гулгашти фарҳангию фароғатӣ бо муҷассамаи «Рамзи футбол» ба истифода дода шуд
Дар деҳаи ба номи Иброҳим Бозорови шаҳри Турсунзода бахшида ба Рӯзи ҷаҳонии футбол майдони варзишии «Ҳумо Арена» ифтитоҳ ёфт
Бахшида ба Рӯзи ҷаҳонии футбол Фестивали бошукуҳи футбол баргузор гардид
Дар Душанбе Варзишгоҳи миллӣ ба истифода дода мешавад
Хислатҳои неки роҳбарии Рустами Эмомалӣ -ҳадафмандӣ, таваҷҷуҳ ба таҷрибаҳои беназир, эҳтиром ба одамон ва муоширати сатҳи баланд
Эмомалӣ Раҳмон: «Футбол имрӯз на танҳо як намуди варзиш, балки омили муҳими таҳкими дӯстӣ, ҳамдигарфаҳмӣ ва ҳамбастагии халқҳо гардидааст»
Дар шаҳри Оснабрюки Олмон бахшида ба Рӯзи ҷаҳонии футбол мусобиқа баргузор гардид
25 МАЙ — РӮЗИ ҶАҲОНИИ ФУТБОЛ. Дар Варзишгоҳи марказии ҷумҳуриявӣ Фестивали футбол доир мегардад
