Ғолибони озмуни «Беҳтарин шеъри бачагона» муайян шуданд
ДУШАНБЕ, 21.11.2019. /АМИТ «Ховар»/. Нашрияи расмии Ҳукумати Ҷумҳурии Тоҷикистон- «Ҷумҳурият» дар якҷоягӣ бо мақомоти иҷроияи ҳокимияти давлатии вилояти Суғд бо мақсади саҳмгузорӣ дар татбиқи сиёсати маорифпарваронаи Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон вобаста ба тарбияи насли ояндасози миллат дар роҳи худогоҳиву худшиносӣ, арҷгузорӣ ба арзишҳои миллӣ, ташаккули ҳисси ватандӯстӣ ва илмомӯзиву фарҳангпарварӣ дар замири онҳо озмуни «Беҳтарин шеъри бачагона»-ро дар шаҳри Хуҷанд барпо намуданд.
Тавре ходими адабии АМИТ «Ховар» Камол Насрулло аз шаҳри Хуҷанд хабар дод, дар озмун, ки аз 1 июни соли 2018 то 19 ноябри соли 2019 идома ёфт, зиёда аз 100 муаллиф иштирок карда, беш аз 300 шеъри тозаэҷоди онҳо дар рӯзномаи «Ҷумҳурият» нашр шуд.
Имрӯз ин озмун дар толори Қасри ҷавонони ба номи Лоиқ Шералии шаҳри Хуҷанд бо иштироки Раиси вилояти Суғд Раҷаббой Аҳмадзода, мушовири бахши Ёрдамчии Президенти ҶумҳурииТоҷикистон оид ба масъалаҳои рушди иҷтимоӣ ва робита бо ҷомеа Шӯҳрат Азиззода, сармуҳаррири «Ҷумҳурият» Қурбоналӣ Раҳмонзода ва аҳли фарҳанг ҷамъбаст гардид.
Ҷойи аввал ба Ҷумъагул Назар аз шаҳри Ваҳдат, ҷойҳои дуюм ба Султонмурод Ҳоҷибоев ва Ёсумани Шерафкан аз Айнӣ, ҷойҳои сеюм ба Шукронаи Тоҳир, Мирзо Рустамзода аз Душанбе дода шуданд.
Ду ҷоизаи махсуси озмун ба Шоири халқии Тоҷикистон Гулназар Келдӣ ва Шоири халқии Тоҷикистон Ҷӯра Ҳошимӣ тақдим шуд.
Ҳамчунин ба як гурӯҳ шоирони шинохта, аз ҷумла Муҳаммад Ғойиб, Алӣ Бобоҷон, Латофати Кенҷа, Озар Салим ва чанде аз шоирони наврас ифтихорнома ва туҳфаҳо тақдим гардиданд.
«САД РАНГИ ЧАКАН». Дар Душанбе ин фестивали ҷумҳуриявӣ ҷамъбаст гардид
Роҳбарзанони Узбекистон бо табиати зебои шаҳри Норак шинос шуданд
Дар Душанбе ҳамкории илмии Академияи миллии илмҳои Тоҷикистон ва Донишгоҳи Акитаи Ҷопон баррасӣ шуд
Дар Донишгоҳи техникии Тоҷикистон даври аввали Озмуни ҷумҳуриявии «Илм-фурӯғи маърифат» баргузор шуд
Донишкадаи давлатии фарҳанг ва санъати Тоҷикистон бо 4 муассисаи таҳсилоти олии Узбекистон ҳамкорӣ мекунад
«ШОҲРОҲИ БУЗУРГИ АБРЕШИМ». Тоҷикистон барои иштирок дар ин намоиши байналмилалӣ омодагии ҷиддӣ мебинад
Дар Душанбе конференсияи ҷумҳуриявӣ оид ба ҳифзи ёдгориҳои таърихию фарҳангӣ доир гардид
Дар Душанбе бо иштироки олимону зиёиёни Тоҷикистон ва Узбекистон конференсияи байналмилалӣ баргузор шуд
Дар доираи Ҳафтаи илм оид ба мероси уран дар Осиёи Марказӣ конфронси байналмилалӣ баргузор гардид
ИМРӮЗ-РӮЗИ ҶАҲОНИИ ҲИФЗИ ЁДГОРИҲОИ ТАЪРИХИЮ ФАРҲАНГӢ. Дар Тоҷикистон зиёда аз 100 ёдгории таърихиву фарҳангӣ тармиму барқарор гардид
Дар Қасри фарҳанги ноҳияи Варзоб ба алоқамандони синамо филми ҳунарии «Таҳаввулот» намоиш дода шуд
Ҳамкории Академияи миллии илмҳои Тоҷикистон ва муассисаҳои илмии Чин густариш меёбад
