Рустам Азизӣ: «Давлатдории миллиро бе асоси дунявият тасаввур кардан имконнопазир аст»

Ноябрь 27, 2019 13:50

ДУШАНБЕ, 27.11.2019 /АМИТ «Ховар»/. Давлатдории миллиро бе асоси дунявият тасаввур кардан имконнопазир аст. Зеро дар такя ба он мо метавонем сохтори ҷамъиятӣ, истиқлолияти давлатӣ ва амнияти миллиро таъмин намуда, арзишҳои миллиро ҳифз ва барои рушди минбаъдаи ҷумҳурӣ заминаи мусоид фароҳам оварем. Ин нуктаро муовини директори Маркази исломшиносӣ дар назди Президенти Ҷумҳурии Тоҷикистон Рустам Азизӣ зимни ҷамъомади илмии «Таносуби арзишҳои миллӣ ва динӣ дар рушди ҷомеаи шаҳрвандӣ», ки имрӯз дар Маркази матбуоти ҷумҳуриявии АМИТ «Ховар» доир шуд, баён дошт.

Гуфта шуд, ки Ҷумҳурии Тоҷикистон баъди ба даст овардани истиқлолияти давлатӣ сохти давлатдории дунявиро пеш гирифта, заминаҳои меъёриву ҳукуқии онро дар Конститутсияи худ ба таври возеҳ муқаррар намуд.

Тавре мухбири АМИТ «Ховар» иттилоъ медиҳад, дар ҷамъомади мазкур  намояндагони Дастгоҳи  иҷроияи Президенти Ҷумҳурии Тоҷикистон, Академияи илмҳо, Донишкадаи исломии Тоҷикистон ба номи Имоми Аъзам, доираи васеи олимону донишмандон ва пажӯҳишгарон иштирок намуданд.

Зикр гардид, ки дар даврони ҷаҳонишавии босуръат ва таҳдиду хатарҳои гуногуни рушд тақвияти фарҳанги миллӣ омили асосии бақои миллатҳо мебошад.

«Пайванди фарҳанги арзишманди миллӣ бо суннатҳои мондагори динию мазҳабӣ ва маданияту арзишҳои умумибашарӣ асоси рушди ҷомеа ва устувории давлатдории навини тоҷикон мебошад», — афзуд Рустам Азизӣ.

Сармутахассиси шаъбаи дин, танзими анъана ва ҷашну маросими Дастгоҳи иҷроияи Президенти Ҷумҳурии Тоҷикистон Саидаъзам Қодирзода баргузории ҷамъомадро муҳим шуморида, гуфт: «Дар партави сиёсати хирадмандонаи Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Тоҷикистон тавонист, ки дар шароити ниҳоят мураккаби сиёсати ҷаҳонӣ барномаи муваффақонаи эҳёи фарҳанги миллӣ ва арзишҳои диниро дар солҳои соҳибистиқлолӣ татбиқ намуда, иқтидори омӯзанда ва ахлоқии онро барои татбиқи ҳадафҳои стратегии худ сафарбар намояд».

Ба гуфтаи иштирокдорон, мавзӯҳое, ки зимни ин ҷамъомад баррасӣ гардиданд, барои баҳогузории дурусти таносуби арзишҳои милливу динӣ ва таҳия намудани роҳу усулҳои пешгирӣ аз равандҳои ифротгароӣ ва шомилшавии ҷавонон ба сафи ҳизбу ҷараёнҳои гуногун мусоидат менамояд.

«Дар давлатҳои миллии рушдкунанда маҳз муносибати низоми давлатдории дунявӣ ва фарҳанги милливу арзишҳои динӣ яке аз омилҳои муҳими суботу амнияти ҷомеаи шаҳрвандӣ мебошад», — илова намуд  Саидаъзам Қодирзода.

Дар ҷамъомад муҳаққиқон оид ба мушкилоти таҳлил ва шинохти арзишҳои миллӣ ва динӣ, пайванди арзишҳои динӣ бо фарҳанги муосири миллӣ дар таҷрибаи давлатдории навини тоҷикон, нақши арзишҳои миллӣ дар рушди ҷомеаи шаҳрвандӣ, инчунин таносуби арзишҳои миллӣ ва динӣ дар мероси фарҳангии ниёгон ибрози назар намуданд.

 

Ноябрь 27, 2019 13:50

Хабарҳои дигари ин бахш

«Телевизиони Сафина» дар ҳамкорӣ бо студияи «Hong Pictures»-и Корея филми мустанади муштарак ба навор мегирад
Пагоҳ Кумитаи забон ва истилоҳот, Агентии назорат дар соҳаи маориф ва илм, Палатаи савдо ва саноат, МД «Тоҷикфилм» нишасти матбуотӣ баргузор менамоянд
«ТОҶИКИСТОН-ВАТАНИ АЗИЗИ МАН». Дар озмуни ҷумҳуриявӣ дар давоми 3 сол 8 858 нафар иштирок намудааст
Пагоҳ Кумитаи ҳолатҳои фавқулода ва мудофиаи гражданӣ, Суди Олии иқтисодӣ, Агентии суғуртаи иҷтимоӣ ва нафақа, Хадамоти зиддиинҳисорӣ нишасти матбуотӣ баргузор менамоянд
Дар Маҷмааи таърихиву фарҳангии «Қалъаи Хуҷанд» деворҳои куҳандиз эҳё мегарданд
НИШАСТИ МАТБУОТӢ. Чаро дар 28 китобхонаи ҷамоатҳои шаҳраку деҳоти ноҳияи Лахш китобҳои бачагона ва бадеии тозанашр ниҳоят каманд?
ТАВАҶҶУҲ! Дар Озмуни ҷумҳуриявии «Тоҷикистон-Ватани азизи ман» фаъолона иштирок менамоем
САДА ҶАШНИ МЕҲР АСТ. Дар Донишгоҳи миллии Тоҷикистон ин иди ниёгони тоҷикон бо шукӯҳ таҷлил гардид
Дар Суғд 39 нафар ғолиби Озмуни вилоятии «Хомаи созанда-2022» гардид
6 феврал «Амонатбонк», Хадамоти иҷро, Маркази миллии тестӣ ва Иттифоқи «Тоҷикматлубот» нишасти матбуотӣ баргузор менамоянд
«ТОҶИКИСТОН-ВАТАНИ АЗИЗИ МАН». Имсол дар ин озмуни ҷумҳуриявӣ рассомон ва дизайнерон иштирок мекунанд
««ТОҶИКОН» – ОИНАИ ТАЪРИХИ МИЛЛАТ». Шоҳҷоиза барои ғолибон дар ҳар гурӯҳи ин озмуни ҷумҳуриявӣ 70 ҳазор сомонӣ пешбинӣ шудааст