Сомон Маҳмадбеков дар Чемпионати ҷаҳон–2019 соҳиби медали биринҷии «Osaka Grand Slam-2019» гардид
ДУШАНБЕ, 25.11.2019 /АМИТ «Ховар»/. Сомон Маҳмадбеков дар Чемпионати ҷаҳон–2019 оид ба дзюдо миёни ҷавонон медали биринҷии «Osaka Grand Slam-2019» ба даст овард. Дар ин бора аз Кумитаи кор бо ҷавонон ва варзиши назди Ҳукумати Ҷумҳурии Тоҷикистон ба АМИТ «Ховар» хабар доданд.
Чемпионати мазкур 22 ноябр дар шаҳри Осакаи Япония оғоз гардида, 24 ноябр ба анҷом расид.
Бино ба иттилои манбаъ, Сомон Маҳмадбеков дар рӯзи дуюми мусобиқа дар вазни -73кг қувваозмоӣ намуд. Ӯ дар даври аввал озод буда, дар даври дуюм бар варзишгари Франсия Бенймин Ахус, дар даври сеюм бар варзишгари Россия Евгений Прокопчук ғалаба кард. Вале дар чорякфинал аз варзишгари мизбон Масашӣ Ебинума, ки медали тиллои ин вазнро сазовор шуд, мағлуб гардид. Сомон Маҳмадбеков сипас, дар қувваозмоии тасаллобахш варзишгари Қазоқистон Жансай Смагулов ва дар қувваозмоӣ барои ҷои сеюм варзишгари дигари мизбон Арата Татсукаваро шикаст дод. Медали нуқра насиби варзишгари Япония Соишӣ Ҳашимото ва медали дигари биринҷӣ насиби варзишгари Муғулистон Одбайар Ганбаатар гардид.
Сомон Маҳмадбеков барои ҷои сеюм медали биринҷӣ ва 1500 доллари ИМА ҷоизапулӣ гирифта, соҳиби 500 хол гардид ва мавқеашро дар раддабандии ҷаҳонии олимпӣ беҳтар намуд. Ӯ феълан бо 2060 хол дар ҷои 16-уми вазни -73кг мавқеъ дорад.
Ёдовар мешавем, ки дар мусобиқа 486 нафар варзишгарон, аз ҷумла 280 мард ва 206 зан аз 87 давлат ширкат намуданд.
Самбочиёни Клуби марказии варзиши артиши Вазорати мудофиаи Тоҷикистон дар Москва соҳиби ду медали биринҷӣ шуданд
«ФУТБОЛ ВА РУШДИ ОН ДАР ҶУМҲУРИИ ТОҶИКИСТОН». Таҳти чунин унвон китоби иттилоотӣ-омӯзишӣ нашр гардид
Мунтахаби Тоҷикистон дар Чемпионати ҷаҳон оид ба гӯштини миллӣ (гӯштингирӣ) 12 медал ба даст овард
«Регар-ТадАЗ» ба марҳилаи гурӯҳии Лигаи даъвати КФО-2026/27 роҳ ёфт
ҶОМИ ТОҶИКИСТОН-2026. Дастаҳои «Равшан» – «Хуҷанд» ва «Эсхата» – «Сардор» ба даври нимниҳоии мусобиқа роҳ ёфтанд
Дар Чемпионати ҷаҳон оид ба гӯштини миллӣ (гӯштингирӣ) варзишгарони зиёда аз 70 давлати ҷаҳон иштирок менамоянд
ВАРЗИШ — ПАЙКИ СУЛҲ, ДӮСТӢ ВА СОЗАНДАГӢ. Ҳамоиши фарҳангию фароғатӣ ва варзишию солимгардонӣ доир шуд
НИШАСТИ МАТБУОТӢ. Дар ноҳияи Шаҳритус аз рӯи 13 намуди варзиш машғулият гузаронида мешавад
10 АВГУСТ — РӮЗИ ВАРЗИШГАРОНИ ТОҶИКИСТОН. Теъдоди иншооти соҳаи варзиш беш аз 9 маротиба афзоиш ёфтааст
Дастаи мунтахаби Тоҷикистон дар Чемпионати расмии ҷаҳон оид ба ҷиу-ҷитсу соҳиби 9 медал гардид
Бахшида ба Рӯзи варзишгарони Тоҷикистон дар ноҳияи Фирдавсии пойтахт ҳамоиши тантанавӣ доир шуд
ФУТБОЛ. Доварони Тоҷикистон дар семинари доварони элитаи КФО дар Тошканд иштирок намуданд
