Таэквондочиёни тоҷик дар мусобиқаи кушоди Чин сазовори 3 медал шуданд
ДУШАНБЕ, 11.11.2019. /АМИТ «Ховар»/. Тавре қаблан хабар дода будем, таэквондочиёни тоҷик дар мусобиқаи байналмилалӣ дар Ҷумҳурии Мардумии Чин сазовори 3 медал гардиданд. Дар ин бора раиси Федератсияи таэквондо WTF-и Тоҷикистон Ҷаҳонзеб Қармишев ба шореҳи варзиши АМИТ «Ховар» Меҳрони Қурбон хабар дод.
Тибқи иттилои манбаъ, Мусобиқаи байналмилалӣ оид ба таэквондои ҷаҳонӣ миёни ҷавонон ва калонсолон аз 7 то 9 ноябр дар шаҳри Сиани Ҷумҳурии Мардумии Чин («The Belt and Road China Open International Taekwondo Championships — World Taekwondo — G-1») доир гардид. Дар мусобиқа беш аз 500 варзишгар аз 20 давлати қораҳои Осиё ва Африқо ширкат карданд. Аз ҷумҳурии Тоҷикистон 5 варзишгар – Манижа Мадкаримова, Ширинмоҳ Миршакарзода, Моҳру Ҳалимова, Хуррам Меҳтаршоев ва Муҳаммадҳасан Шоҳмаҳмадов бо роҳбарии раиси Федератсияи таэквондо ВТФ-и Тоҷикистон Ҷаҳонзеб Қармишев ва мураббӣ Исломиддин Фозилов ба Чин сафарбар гардиданд. Дар он таэквондочиёни мо ба гирифтани 3 медал – 1 нуқра ва 2 биринҷӣ мушарраф шуданд.
Медали нуқраро Муҳаммадҳасан Шоҳмаҳмадов дар вазни -73кг миёни ҷавонон, медалҳои биринҷиро Ширинмоҳ Миршакарзода дар вазни -49кг ва Моҳру Ҳалимова дар вазни -67кг миёни калонсолон ба даст оварданд.
Ба иттилои раиси Федератсияи таэквондо WTF-и Тоҷикистон Ҷаҳонзеб Қармишев, шумораи медалҳои таэквондочиён тоҷик дар мусобиқаҳои байналмилалӣ дар соли 2019 ба 43 адад расид.
Дар Ҷамоати деҳоти Роҳатии ноҳияи Рӯдакӣ иншооти нави таълимию варзишӣ ба истифода дода шуданд
Дар вилояти Хатлон беш аз 40 мактаби варзишӣ фаъолият дорад
Дастаи мунтахаби наврасони Тоҷикистон (U-17) бо дастаи Русия бозии дӯстона анҷом медиҳад
ФУТБОЛ. Дастаи мунтахаби Тоҷикистон омодагиро ба бозӣ бо мунтахаби Чин оғоз намуд
ФУТБОЛ. Дастаи мунтахаби олимпии Тоҷикистон (U-23) бо ҳамсолони худ аз Умон ду бозии дӯстона анҷом медиҳад
Дар ноҳияи Мурғоб майдончаҳои нави варзишӣ ба истифода дода шуданд
«ФУТБОЛ — ОМИЛИ ВАҲДАТ ВА ҲАМДИЛИИ ҶАВОНОН». Байни устодону кормандони Донишгоҳи миллии Тоҷикистон мусобиқаи футболи хурд доир гардид
Ҷудокорони тоҷик ҳангоми ба даст овардани медалҳои Бозиҳои Осиёӣ бо ҷоизаҳои пулӣ қадрдонӣ мешаванд
Ба ғолибону ҷоизадорони Бозиҳои Осиёӣ-2026 Ҷоизаи Президенти Ҷумҳурии Тоҷикистон дода мешавад
Имрӯз дастаи мунтахаби Тоҷикистон оид ба футбол бо дастаи мунтахаби Озарбойҷон бозии дӯстона доир менамояд
Мирзобек Умаров ва Отабек Раҷабов дар Бозиҳои Осиёӣ-2026 аввалин медалҳои тиллоро соҳиб шуданд
Се варзишгари Тоҷикистон ба финали мусобиқаи ММА дар Бозиҳои Осиёии Ҷопон роҳ ёфтанд
