Хуршед Маҷидов дар Ҷоми Осиё оид ба дзюдо сазовори медали биринҷӣ гардид
ДУШАНБЕ, 02.12.2019 /АМИТ «Ховар»/. Варзишгари тоҷик Хуршед Маҷидов дар Ҷоми Осиё оид ба дзюдо сазовори медали биринҷӣ шуд. Дар ин бора аз Кумитаи миллии олимпии Тоҷикистон ба АМИТ «Ховар» хабар доданд.
Ба иттилои манбаъ, мусобиқаи мазкур аз 30 ноябр то 1 декабр дар Гонг Конг бо иштироки 163 нафар варзишгарон (96 мард, 67 зан) аз 30 давлат баргузор гардид.
Ҷумҳурии Тоҷикистонро дар ин мусобиқа ду варзишгар: Хайёмиддин Ҷабборов дар вазни -73 кг ва Хуршед Маҷидов дар вазни -100 кг намояндагӣ карданд.
Хуршед Маҷидов дар даври аввал аз Даниел Дичеви булғористонӣ, ки ғолиби вазни -100 кг гардид, мағлуб шуда, барои ҷои сеюм дар қувваозмоӣ варзишгари Чехия Радек Ҳеклро шикаст дод. Медали нуқраро варзишгари Муғулистон Хангал Одбаатар ба даст овард.
Хайёмиддин Ҷабборов дар даври аввал озод буда, дар даври дуюм бар варзишгари мизбон Чо Фунг Леунг ва дар чорякфинал бар варзишгари Муғулистон Чоиҷилсурен Ганболд пирӯз гардида, ба нимфинал роҳ ёфт. Ӯ дар нимфинал аз намояндаи Россия Маҳмадбек Маҳмадбеков, ки ғолиби вазни -73кг гардид, шикаст хӯрд. Инчунин дар қувваозмоӣ барои ҷои сеюм аз варзишгари дигари Муғулистон Болор-Очир Герелтуйа мағлуб шуда, ҷои панҷумро ишғол намуд. Медали нуқраи вазни -73кг насиби намояндаи Қазоқистон Медиёр Сембаев, медали дигари биринҷӣ насиби варзишгари Канада Константин Габун гардид.
Варзишгарони тоҷик дар Бозиҳои XX Осиёӣ иштирок менамоянд
Дар Олмон бахшида ба 35-солагии Истиқлоли давлатии Тоҷикистон мусобиқаи муштараки футбол доир шуд
Мусобиқаи байналмилалӣ оид ба теннис барои дарёфти «Ҷоми Президенти Ҷумҳурии Тоҷикистон» оғоз гардид
Дар шаҳри Ҳисор бо иштироки муовини Сарвазири Тоҷикистон ду иншооти варзишӣ ба истифода дода шуд
Дастаи мунтахаби ҷавонони Тоҷикистон (U-20) ба марҳилаи ниҳоии Ҷоми Осиё-2027 роҳ ёфт
Дар Тоҷикистон нахустин толори варзишии шамшербозии «Шеру Шамшер» ифтитоҳ шуд
ҶОМИ ОСИЁ-2027. Дастаи мунтахаби Тоҷикистон (U-20) дар бозии даври дуюми марҳилаи интихобӣ тими Афғонистонро мағлуб кард
ҶОМИ ОСИЁ-2027. Имрӯз дастаи мунтахаби ҷавонони Тоҷикистон бо дастаи Афғонистон бозӣ мекунад
Дастаи мунтахаби Тоҷикистон оид ба футбол моҳҳои сентябр ва октябр дар сафар се бозии дӯстона баргузор мекунад
35-СОЛАГИИ ИСТИҚЛОЛИ ДАВЛАТӢ. Дар шаҳри Турсунзода зиёда аз 31 иншооти варзишӣ ба истифода дода шуд
ФУТБОЛ. 31 август марҳилаи интихобии Ҷоми Осиё-2027 байни мунтахабҳои ҷавонони то 20-сола оғоз мешавад
Сармураббии нави дастаи мунтахаби наврасони Тоҷикистон (U-17) оид ба футбол таъйин гардид
