Ҷамшед Аҳмадзода: «Сифати иншооти сохтмонӣ дар мамлакат зери назорати доимӣ қарор дорад»
ДУШАНБЕ, 31.01.2020 /АМИТ «Ховар»/. Сифати иншооти сохтмонӣ дар мамлакат зери назорати доимӣ қарор дорад, — иброз дошт имрӯз дар ҷараёни нишасти матбуотӣ раиси Кумитаи меъморӣ ва сохтмони назди Ҳукумати Ҷумҳурии Тоҷикистон Ҷамшед Аҳмадзода.
Ба зикри мавсуф, соли гузашта аз ҳисоби мутахассисони мақомоти дахлдор комиссия ташкил карда шуд. Танҳо дар шаҳри Душанбе сифати сохтмони 204 бино аз назар гузаронида шуд. Дар ҷараёни санҷиш бетон, арматура ва дигар масолеҳи дар сохтмон истифодашаванда дида шуд.
«Дар иншооти сохтмонии мамлакат асосан арматураҳои истеҳсоли Россия ва Қазоқистон, ки ба талабот ҷавобгӯ мебошанд, истифода бурда мешаванд»,- таъкид намуд Ҷамшед Аҳмадзода.
Бояд зикр намуд, ки Сарвари давлат муҳтарам Эмомалӣ Раҳмон ҳангоми мавриди бахрабардорӣ қарор додани иншооти дорои аҳамияти гуногуни иқтисодиву иҷтимоӣ пайваста дастур медиҳанд, ки корҳои сохтмонӣ бояд бо сифати баланд ва ҷавобгӯ ба талаботи замон ба роҳ монда шаванд.
Мутобиқ ба талаботи Кодекси шаҳрсозии Ҷумҳурии Тоҷикистон нисбат ба корҳои сохтмониву васлкунӣ дар 65 шаҳру ноҳияҳои ҷумҳурӣ санҷишҳо гузаронида шуданд. Илова бар ин вобаста ба корҳои сохтмониву васлкунӣ 3741 синҷиш гузаронида шуд, ки дар натиҷа ба маблағи 841650,0 сомонӣ ҷарима ситонида шуд.
Имрӯз шумораи иншооти сохтмонӣ дар қаламрави ҷумҳурӣ 1483 ададро ташкил медиҳад. Ҳамзамон аз 65 шаҳру ноҳияҳои ҷумҳурӣ таҳияи нақшаҳои генералии 62 шаҳру ноҳияҳо пурра ба анҷом расида, бо қарорҳои Ҳукумати Ҷумҳурии Тоҷикистон тасдиқ ва мавриди амал қарор доранд.
«ТОП – 35 ШАРИКИ БОЭЪТИМОДИ СОЛ». Ба муносибати 35-солагии Истиқлолияти давлатӣ озмун баргузор мегардад
Дар ноҳияи Деваштич Маркази ҷумҳуриявии инноватсия ва технологияҳо дар соҳаи картошкапарварӣ таъсис дода мешавад
Бахшида ба Рӯзи байналмилалии ҳимояи ҳуқуқи истеъмолкунандагон корҳои фаҳмондадиҳӣ доир гардид
ИМРӮЗ-РӮЗИ БАЙНАЛМИЛАЛИИ ҲИМОЯИ ҲУҚУҚИ ИСТЕЪМОЛКУНАНДАГОН. Зиёда аз 86 тонна маҳсулоти бесифати бозорҳои истеъмолӣ нобуд карда шуд
Байни ширкати ҳавопаймоии хусусии «Shohin Airlines» ва Бунёди сармоягузории аврупоӣ Созишномаи сармоягузорӣ ба имзо расид
Ҷаласаи Гурӯҳи кории байниидоравӣ оид ба мониторинг ва арзёбии ҳуҷҷатҳои банақшагирии стратегӣ доир гардид
Дар Вашингтон дурнамои ҳамкории Тоҷикистон бо Бонки ҷаҳонӣ дар самти рушди инфрасохтори роҳу нақлиёт баррасӣ шуд
Тоҷикистон ҳамкориро бо Барномаи ҷаҳонии озуқаворӣ дар самти устувории иқлимӣ тақвият медиҳад
То соли 2030 ҳаҷми савдо байни Тоҷикистон ва Қазоқистон ба 2 миллиард доллар расонида мешавад
Тоҷикистон ба таҷрибаи бузургтарин оператори бозори неруи барқи Аврупо — Nord Pool мароқ зоҳир намуд
Дар Бохтар таҳти роҳбарии муовини Сарвазири Тоҷикистон Усмоналӣ Усмонзода ҷаласаи гурӯҳи корӣ доир шуд
Хизматрасонии техникии зеристгоҳҳои конвертории тарҳи «CASA-1000» дар Тоҷикистон ва Покистон соли 2028 ба анҷом мерасад
