Бо иштироки Сарвазири Тоҷикистон Қоҳир Расулзода натиҷаҳои рушди иҷтимоию иқтисодии вилояти Хатлон ҷамъбаст гардиданд

Январь 10, 2020 16:43

БОХТАР, 10.01.2020 /АМИТ «Ховар»/.  Дар шаҳри Бохтар таҳти раёсати Сарвазири Ҷумҳурии Тоҷикистон Қоҳир Расулзода оид ба натиҷаҳои рушди иҷтимоию иқтисодии вилояти Хатлон барои соли 2019 ҷаласаи корӣ баргузор гардид.

Дар ҷаласа роҳбарони вазорату идораҳои мамлакат, муовинони раиси вилояти Хатлон, роҳбарони шаҳру ноҳияҳо, инчунин ташкилоту корхонаҳо ширкат варзиданд.

Зимни ҷаласа муовини раиси вилояти Хатлон Раҷабалӣ Раҷабов дар бораи вазъи иҷтимоию иқтисодии вилояти Хатлон гузориш дода, зикр намуд, ки соли 2019 дар тамоми соҳаҳои рушди иҷтимоию иқтисодии вилояти Хатлон нишондодҳои мусбат ба даст омаданд. Барномаи рушди иҷтимоию иқтисодии вилояти Хатлон барои солҳои 2016-2020 98% таъмин карда шуд.

Бо дастгирии Ҳукумати Ҷумҳурии Тоҷикистон дар соҳаҳои иқтисодӣ ва иҷтимоии вилоят ба маблағи 469 миллион доллар дар шаҳру ноҳияҳои он 30 лоиҳаи сармоягузории давлатӣ татбиқ шуда истодаанд.

Гардиши савдои хориҷии вилоят 404,5 миллион долларро ташкил дод, ки нисбат ба соли гузашта 36,4 миллион доллар зиёд мебошад. Дар гардиши савдои хориҷӣ содирот 46% ва воридот 54%-ро ташкил дод. Ҳиссаи нахи пахта дар содироти молҳо 23%, калобаҳои ресандагӣ 21%, семент 15% ва неруи барқ ​​34%-ро ташкил дод.

Соли гузашта содироти мол асосан ба Федератсияи Россия, Ӯзбекистон, Афғонистон, Туркия, Чин ва Покистон сурат гирифт.

Баъдан Сарвазири мамлакат Қоҳир Расулзода сухан ронда, муҳимияти чорабиниҳои бахшида ба таҷлили сазовори 30-солагии Истиқлолияти давлатии ҷумҳуриро махсус таъкид намуд.

Сипас, натиҷаҳои озмуни «Ободгари Ватан», ки бо Қарори Раиси вилояти Хатлон Қурбон Ҳакимзода аз соли 2019 то 2021 дар вилояти Хатлон гузаронида мешавад, ҷамъбаст гардид.

Дар ҷаласа ҳамчунин чорабиниҳо доир ба омодагӣ ба таҷлили 30-солагии Истиқлолияти давлатии Тоҷикистон баррасӣ шуданд.

Зимни ҷаласа Сарвазири мамлакат Коҳир Расулзода ба соҳибкорони фаъоли шаҳру ноҳияҳои вилояти Хатлон дар фазои тантанавӣ туҳфаҳои хотиравии раиси вилояти Хатлон Қурбон Ҳакимзодаро тақдим намуд.

Ғолибони озмуни «Ободгари Ватан» барои саҳмашон дар бунёди майдончаҳои варзишӣ, марказҳои саломатӣ, иншооти иҷтимоӣ ва таъмири муассисаҳои таълимӣ мукофотонида шуданд.

Январь 10, 2020 16:43

Хабарҳои дигари ин бахш

Дар Тоҷикистон беш аз 184 ҳазор хоҷагии деҳқонӣ фаъолият менамоянд
«ДУШАНБЕ ИНВЕСТ-2025». Дар маҷмуъ 52 санад ба маблағи беш аз 4 миллиард доллар ба имзо расид
«ДУШАНБЕ ИНВЕСТ-2025». Аз рӯи натиҷаҳои Форуми байналмилалии сармоягузорӣ нишасти матбуотӣ доир шуд
РАМЗИ 7 СИТОРАИ ПАРЧАМИ МИЛЛӢ ДАР РУШДИ ИҚТИСОД. Ва ё 7 омиле, ки сармоягузорони хориҷиро ба Тоҷикистон ҷалб менамоянд
Ҷаласаи навбатии Комиссияи байниҳукуматии Тоҷикистону Қатар баргузор гардид
Коршиносон самтҳои асосии рушди маблағгузории иқлимӣ дар Тоҷикистонро баррасӣ намуданд
Соли 2028 дар Тоҷикистон Конфронси Созмони Милали Муттаҳид оид ба захираҳои об баргузор мешавад
«DUSHANBE INVEST-2025». 26 созишномаи ҳамкорӣ ба маблағи беш аз 3 миллиард доллар ба имзо расид
Ғолибони Озмуни «Маҳсулот ва хизматрасонии беҳтарин дар Ҷумҳурии Тоҷикистон» қадрдонӣ карда шуданд
«ДУШАНБЕ ИНВЕСТ-2025». 8 санади ҳамкорӣ оид ба рушди инноватсия ва рақамикунонии соҳа ба имзо расид
РӮЗИ КИШОВАРЗОНИ ТОҶИКИСТОН. Таъмини амнияти озуқаворӣ ҳадафи асосии кишоварзон аст
Тоҷикистон ҳамкориро бо UNECE дар соҳаи инноватсия ва иқтисоди рақамӣ тақвият медиҳад