Дар ноҳияи Вахш ҷамъоварии ангур идома дорад
ДУШАНБЕ, 20.09.2026 /АМИТ «Ховар»/. Дар Ҷамоати деҳоти «20 солагии Истиқлолият»-и ноҳияи Вахш беш аз 300 гектар токзор мавҷуд буда, 370 хоҷагии деҳқонӣ ба парвариши ангур машғул мебошанд. Дар ин хусус ба АМИТ «Ховар» аз Раёсати кишоварзии ноҳияи Вахш иттилоъ доданд.
Дар хоҷагии деҳқонии «Бобозода» 1,5 гектар токзор мавҷуд аст. Дар ин хоҷагӣ беш аз 2,5 ҳазор ниҳоли ангур парвариш карда мешавад. Ба ҳисоби миёна аз ин майдон дар як мавсим аз 15 то 25 тонна ангур ҷамъоварӣ карда мешавад. Дар ин хоҷагӣ навъҳои маҳаллӣ, ба монанди тоифӣ, дили кафтар, ҳафизӣ ва ҳусайнӣ парвариш карда мешаванд. Ин навъҳо ба иқлими ноҳияи Вахш хеле мувофиқ буда, таъми ширин ва обдориашон зиёд аст. Қанднокии онҳо муътадил буда, вобаста ба навъ аз моҳи июл то моҳи октябр ҷамъоварӣ карда шуда, ҳамзамон дар сардхонаҳо ба муддати тӯлонӣ нигоҳ дошта мешаванд.
Роҳбари хоҷагӣ Абдухолиқ Бобоев изҳор дошт, ки бештари ниҳолҳои ангур беш аз 40-сола мебошанд. Барои дарозумрӣ ва ҳосили фаровон нигоҳубини дуруст, аз ҷумла тарзи дурусти буриш, бастани навдаҳо ва хомток кардан муҳим аст. Дар натиҷа як ниҳол то 50-60 сол умр дида, ҳосили хуб медиҳад. Ангур вобаста ба шароити парвариш дар як мавсим аз 4 то 6 маротиба обёрӣ карда мешавад. Аз ҳад зиёд об додан боиси кафидани мева мегардад. Вақти ниҳолшинонӣ — баҳор ва тирамоҳ ва вақти пайвандкунӣ фасли баҳор мебошад.
Афзоиши майдони токзор ва шумораи хоҷагиҳо нишон медиҳад, ки токпарварӣ дар ноҳияи Вахш рушд ёфта, барои сокинон манбаи муҳими даромад гардидааст. Хусусияти асосии навъҳои маҳаллӣ — гармидӯстӣ, ширинӣ ва имкони нигоҳдории тӯлонӣ буда, имкон медиҳад маҳсулот на танҳо дар дохили ноҳия, балки берун аз он низ ба фурӯш бароварда шавад. Токпарварон мақсад доранд, ки дар оянда парвариши навъҳои гуногуни ангурро ба роҳ монда, инчунин тавассути пайвандкунӣ навъҳои маҳаллиро низ нигоҳ доранд.
Рушди токпарварӣ дар ноҳияи Вахш бори дигар собит мекунад, ки бо истифодаи дурусти замин, риояи агротехника ва тавсияҳои илмӣ имкони гирифтани ҳосили баланди ангур мавҷуд аст.
АКС: АМИТ «Ховар»
Дар вилояти Хатлон ҷамъоварии пахта 40,76 фоизи нақшаи солонаро ташкил медиҳад
Дар ноҳияи Мир Сайид Алии Ҳамадонӣ зеристгоҳи нави 110 кВ-и «Чубек» ба истифода дода шуд
Дар Туркманистон ҷаласаи 95-уми Комиссияи байнидавлатии ҳамоҳангсозии хоҷагии обии Осиёи Марказӣ доир шуд
«Саноатсодиротбонк» ба натиҷаҳои назарраси молиявӣ ноил гардид
Бунёди зеристгоҳи нави барқии 220 кВ дар шаҳри Душанбе ва таҷдиду навсозии НБО «Варзоб-2» баррасӣ гардид
Дастовардҳои миллии Тоҷикистон дар Намоишгоҳи кишварҳои ИДМ муаррифӣ гардиданд
Дар Душанбе Форуми сеюми соҳибкории кишварҳои Осиёи Марказӣ ва Амрико доир мегардад
ИМРӮЗ-РӮЗИ ҶАҲОНИИ ПОЧТА. «Почтаи Тоҷикистон» то соли 2030 ба маркази миллии логистика ва хизматрасониҳои рақамӣ табдил меёбад
Дар Тоҷикистон беш аз 300 тонна пилла истеҳсол гардидааст
Дар Душанбе масъалаи рушди технологияҳои рақамӣ ва ҳифзи кӯдакон дар муҳити рақамӣ баррасӣ гардид
Корхонаи коркарди пахтаи ноҳияи Фархор баъд аз таъмир ба истифода дода шуд
РӮЗИ ҶАҲОНИИ ПАХТА. Як килограмм нахи пахта дар бозори ҷаҳонӣ ба 16 килограмм гандум баробар аст
