Болоравии қимати нафт дар бозори ҷаҳон пас аз ҳамлаи мушакии Эрон ба пойгоҳҳои низомии Амрико дар Ироқ

ДУШАНБЕ, 08.01.2020/АМИТ «Ховар»/. Хабаргузории CNN аз болоравии якбораи қимати нафт, пас аз ҳамлаи мушакии Эрон ба пойгоҳҳои низомии Амрико дар Ироқ хабар дод, менависад АМИТ «Ховар».

Қимати як бушка нафт аз $62.70 баъди тасдиқ гардидани хабари ҳамла аз чониби Пентагон, мақоми расмии Иёлоти Муттаҳида дар бегоҳии шоми сешанбе, якбора ба $65.48 ё муодили 4% боло рафт.
Гуфта мешавад, ин аз камтарин таъсир ба бозори иқтисод    пас аз шиддат гирифтани таниш байни ин  Амрикову Эрон аст, ки метавонад паёмадхои бадтар аз инро низ ба бор оварад

Хотиррасон мешавем, ки субҳи чоршанбе, 8-уми январи соли чори бештар аз даҳ мушак аз ҷониби неруҳои Ҷумхурии исломии Эрон ба самти пойгоҳҳои низомии Амрико, мустақар дар Ироқ шиллик гардид. Талафоти ҷонӣ ва тафсилоти бештар дар пайи ин ҳамалот ҳанӯз маълум нест.

Амрико то ин дам аз тасмимаш дар вокуниш ба посухи интиқомии Эрон иттилое пахш накардааст.

                                                                                                   АКС аз сомонаи ТВ «Звезда»