Дар Австрия Конфронси байналмилалии «Пешгирии ҷиноятҳо ва зӯроварӣ миёни ҷавонон тавассути варзиш» оғоз гардид
ДУШАНБЕ, 23.01.2020. /АМИТ «Ховар»/. 22 январ дар шаҳри Венаи Ҷумҳурии Австрия дар мавзӯи «Пешгирии ҷиноятҳо ва зӯроварӣ миёни ҷавонон тавассути варзиш» конфронси байналмилалӣ ба кори худ оғоз намуд. Дар он намояндагони беш аз 187 кишвари олам иштирок доранд.
Ҷумҳурии Тоҷикистонро дар конфронси мазкур муовини якуми раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Ризо Назарзода ва намояндаи Прокуратураи генералии Ҷумҳурии Тоҷикистон Фурқат Хоҷазода намояндагӣ менамоянд.
Тавре аз Кумитаи кор бо ҷавонон ва варзиш ба АМИТ «Ховар» иттилоъ доданд, конфронси мазкур ду рӯз идома ёфта, намояндагони давлатҳои ҷаҳон вобаста ба масъалаи мазкур дар таҷрибаи давлати хеш сухан мегӯянд.
Мавриди зикр аст, ки Конфронси байналмилалии «Пешгирии ҷиноятҳо ва зӯроварӣ миёни ҷавонон тавассути варзиш» аз ҷониби Созмони Милали Муттаҳид роҳандозӣ шуда, ҳадафи асосии он табодули таҷрибаи давлатҳои ҷаҳон дар мубориза бар зидди ҷинояту ҷинояткорӣ миёни ҷавонону наврасон мебошад.
Дар кори конфронс намояндагони Тоҷикистон доир ба масъалаи мазкур ва саҳми Ҳукумати ҷумҳурии мо дар доираи қарорҳои дахлдори СММ вобаста ба татбиқи сиёсати давлатии ҷавонон ибрози назар мекунанд.
Дар Тоҷикистон Форуми байналмилалии ҷавонони давлатҳои аъзои Созмони ҳамкории Шанхай баргузор шуд
Шаҳри Кӯлоб мизбони Ҷоми Президенти Ҷумҳурии Тоҷикистон оид ба гӯштини ҷудо мегардад
Дастаи «Сипар»-и Хуҷанд бори дуюм унвони чемпиони Ҷоми Тоҷикистон оид ба футзалро сазовор гардид
Рустами Эмомалӣ дар ноҳияи Дарвоз варзишгоҳи болопӯшидаи «Нури Модар Арена», майдони хурди футбол ва ҳавзи шиновариро мавриди истифода қарор доданд
Президенти Федератсияи футболи Тоҷикистон Рустами Эмомалӣ дар Дарвоз Академияи футболи Вилояти Мухтори Кӯҳистони Бадахшонро ифтитоҳ намуданд
Дар ноҳияи Мир Сайид Алии Ҳамадонӣ Фестивали бозиҳои миллии варзишӣ баргузор гардид
Дар вилояти Суғд ғолибони мусобиқаи вилоятӣ муайян гардиданд
Дастаи мунтахаби духтаронаи Тоҷикистон тими Амороти Муттаҳидаи Арабиро мағлуб намуд
Мусобиқаи байналмилалӣ оид ба камонварӣ ҷамъбаст гардид
Дастаи мунтахаби Тоҷикистон ба садгонаи беҳтаринҳои раддабандии ФИФА ворид шуд
Дастаи мунтахаби футзали Тоҷикистон бо дастаи яккачини Русия бозиҳои дӯстона анҷом медиҳад
Маросими гусели ҳайати дастаи мунтахаби паралимпии мамлакат ба Бозиҳои V Параосиёӣ баргузор гардид
