Дар Вазорати фарҳанг натиҷаҳои фаъолияти соли 2019-ро баррасӣ намуданд
ДУШАНБЕ, 15.01.2020 /АМИТ «Ховар»/. 14 январ дар Вазорати фарҳанги Ҷумҳурии Тоҷикистон ҷаласаи ҳайати мушовара баргузор гардид, ки дар он натиҷаҳои фаъолияти соли 2019-ро мавриди баррасӣ ва таҳлил қарор доданд, хабар медиҳад АМИТ «Ховар» бо истинод ба Вазорати фарҳанги Ҷумҳурии Тоҷикистон.
Бино ба иттилои манбаъ дар ҷаласа Вазири фарҳанг Шамсиддин Орумбекзода, мушовири бахши ёрдамчии Президент оид ба масоили кадрӣ Меҳрӣ Гуломшоева, аъзои ҳайати мушовара, роҳбарони раёсату шӯъбаҳо ва муассисаҳои зерсохтори вазорат, намояндагони бахш ва шӯъбаҳои фарҳанги шаҳру ноҳияҳо ва кормандони дастгоҳи марказӣ иштирок намуданд.
Дар кори ҷаласа бурду бохти соҳа дар соли 2019, вазъи воқеии ёдгориҳои таърихию фарҳанги, «Барномаи давлатии рушди санъати театрӣ дар Тоҷикистон барои солҳои 2013-2019», нақшаи фаъолият оид ба самтҳои афзалиятноки пешбурди соҳа дар соли 2020 ва дигар мавзӯъҳо мавриди баррасӣ қарор гирифтанд.
Вазири фарҳанг Шамсиддин Орумбекзода доир ба дар сатҳи баланд гузаронидани ҷашнвораҳои ҷумҳуриявӣ дар соли 2020 ибрози назар намуда, низомномаҳои чанд ансамбл, аз қабили «Низомномаи намунавии ансамблҳои оилавӣ», «Низомномаи намунавии ансамблҳои рақсӣ», «Низомномаи намунавии ансамблҳои тарона ва рақс» ва «Низомномаи намунавии ансамблҳои фолклорӣ-этнографӣ»-ро ба баррасии аъзои ҳайати мушовара пешниҳод намуд.
Ҳамчунин ба чанд нафар ҷавонон ва фаъолони соҳа, ки дар соли гузашта дар чорабиниҳои байналмилалӣ фарҳангу санъати тоҷикро муаррифӣ намуданд сипоснома ва мукофоти пулӣ супорида шуд. Аз ҷумла, Чоршанбе Аловатов, Рухшона Умарова, Афзалшоҳ Сафарзода, Фарзона Назарова, Муҳаммад Шарифзода, Ансамбли рақсии кӯдаконаи «Зебо», Ансамбли фолклории «Помир»-и Муассисаи давлатии сафарию ҳунарии «Базморо», Театри давлатии академии драмавии ба номи А. Лоҳутӣ, Театри давлатии ҷавонони Тоҷикистон ба номи М. Воҳидов, Театри давлатии ҷумҳуриявии лӯхтаки шаҳри Душанбе, Театри давлатии мазҳакавӣ мусиқии ба номи Камоли Хуҷандӣ, Театри давлатии драмаи ба номи Т. Фозиловаи шаҳри Конибодом ва дигарон, ки дар соли гузашта дар ҷашнвораву озмунҳои байналмилалӣ ғолибият ба даст оварданд, қадр гардиданд.
«МИРЗО ТУРСУНЗОДА ДАВОМДИҲАНДАИ НАЗМИ ҲАЗОРСОЛАИ ХАЛҚИ ТОҶИК МЕБОШАД». Андешаҳои адибони бузург дар васфи шоир
Дар Осорхонаи миллӣ маҳфили «Шоҳномахонӣ» баргузор гардид
«ОН ҚАДАР ДАР ДИЛПИСАНДӢ ДИЛПИСАНД АСТӢ, ВАТАН…». Имрӯз зодрӯзи Қаҳрамони Тоҷикистон устод Мирзо Турсунзода аст
«БЕҲТАРИН ТАРҒИБГАРИ ЛИБОСИ МИЛЛӢ-2024». Дар Донишгоҳи технологии Тоҷикистон даври ҷамъбастии озмун гузаронида шуд
«ҲУНАР БЕҲТАР АЗ ЗАР БУВАД». Дар Бадахшон даври вилоятии фестивали ҳунармандон ҷамъбаст гардид
«САЙРИ ГУЛИ ЛОЛА». Имрӯз дар Боғи фарҳангӣ-фароғатии ба номи Абулқосим Фирдавсӣ даври ҷумҳуриявии озмун баргузор мегардад
«БО ҲАМ». Дар Осорхонаи миллӣ намоиши асарҳои рассомони муосири тоҷик оғоз шуд
Муовини вазири корҳои хориҷии Ҷумҳурии Мардумии Чин Қалъаи Ҳисорро тамошо намуд
Чор иншооти муҳими шаҳри қадимии Панҷакент барқарор карда шуд
Дар Институти физикаю техника озмоишгоҳи замонавӣ ба истифода дода шуд
Дар мактаби миёнаи № 35-и шаҳри Минск ба номи Домулло Азизов барномаи фарҳангӣ доир шуд
Дар пояи муҷассамаи Ҳаким Абулқосим Фирдавсӣ дар шаҳри Рими Италия аз номи Пешвои миллат Эмомалӣ Раҳмон гулчанбар гузошта шуд
