Хадамоти иҷро аз таҷрибаи пешқадами ҷаҳонӣ дар ин самт истифода мекунад

Январь 31, 2020 16:20

ДУШАНБЕ, 31.02.2020/АМИТ «Ховар»/. Ба Хадамоти иҷрои назди Ҳукумати Ҷумҳурии Тоҷикистон ва воҳидҳои сохтории он дар маҳалҳо соли сипаригардида қариб 50 ҳазор  мавод ва арзу  муроҷиати шахсони воқеию ҳуқуқӣ  вобаста ба масъалаҳои   таъмини иҷрои   санадҳои судӣ   ва сандаҳои дигари  мақомот   ворид гардидаанд.  Дар ин хусус  сардори Хадамоти иҷрои назди Ҳукумати Ҷумҳурии Тоҷикистон Илёс Идрисзода  имрӯз дар Душанбе дар ҷамъи хабарнигорон иттилоъ дод.

Мавсуф зикр кард, ки  дар самти иҷрои санадҳои  судӣ ва санадҳои дигар мақомот қариб  50 ҳазор ҳуҷҷати иҷро, аз ҷумла  38 ҳазору 538 адади он  аз мақомоти судӣ, беш аз 11 ҳазор адад аз дигар мақомот  ва ҳамзамон 45 навиштаҷоти нотариалӣ ворид гардида, дар асоси талаботи онҳо  истеҳсолоти иҷро  оғоз гардидааст. Гуфта шуд, ки  бо татбиқи чораҳои  маҷбурӣ  соли гузашта  иҷрои воқеии  беш аз 40 ҳазор ё 69 фоизи  ҳуҷҷатҳои иҷро таъмин  гардида, аз ҷониби иҷрочиёни Хадамоти иҷро тавассути андешидани тадбирҳои маҷбурӣ беш аз 32 миллион сомонӣ ба манфиати давлат рӯёнида шудааст.

Бо дахли истифода ва ҷорӣ намудани таҷрибаи пешқадами   кишварҳои хориҷӣ дар  самти истеҳсолоти иҷро Илёс Идрисзода афзуд, ки Хадамот  бо роҳбарияти  барномаи «Мусоидат ба волоияти қонун  дар кишварҳои Осиёи Марказӣ»-и Ҷамъияти  ҳамкории  байналмилалии  Олмон (GIZ) дар шаҳри  Душанбе  соли 2019 Созишномаи ҳамкориро ба имзо расонида, дар заминаи ин санад  Хадамоти иҷро бо  GIZ  ва ҷалби мушовирони байналмилалӣ дар шаҳри Душанбе ва вилоятҳои Суғду Хатлон  бо иштирокчиёни Хадамот  машғулиятҳои  омӯзишӣ  дар мавзӯи «Низоми истеҳсолоти иҷрои Тоҷикистон: воқеият, мушкилот ва дурнамо» мизи мудаввар баргузор кард. Ҳамзамон  соли гузашта кормандони Хадамоти иҷро  баҳри омӯзиши таҷрибаи пешқадами ҳамкасбони хориҷии худ  дар конфронсҳои илмию амалӣ, ки дар Россия ва Қирғизистон доир  гардид, ширкат намуданд, ки он барои  ба роҳ мондани  ҳамкории Хадамоти иҷро бо мақомоти иҷрои маҷбурии  давлатҳои иштироккунанда  шароити мусоид фароҳам овард.

Алҳол дар Хадамоти иҷрои назди Ҳукумати Ҷумҳурии Тоҷикистон 300 нафар корманд фаъолият намуда, беш аз 65 фоизи онҳоро ҷавонон ташкил медиҳанд.

 

Январь 31, 2020 16:20

Хабарҳои дигари ин бахш

Кумитаи меъморӣ ва сохтмони Тоҷикистон баҳри густариши раванди рақамикунонӣ Созишнома ба имзо расонид
Дар Маҷмааи варзишии шаҳри Хоруғ барои ҷоми Раиси вилоят мусобиқаи футболи хурд оғоз шуд
Имрӯз дар Тоҷикистон ҳавои тағйирёбандаи бебориш пешгӯӣ мешавад
«Фалсафаи ваҳдат ва истиқрори сулҳи тоҷикон». Таҳти ин унвон дар Донишгоҳи давлатии Кӯлоб ҳамоиш доир гардид
СОЛИ МАЪРИФАТИ ҲУҚУҚӢ. Бо сокинону фаъолони шаҳри Бохтар вохӯрӣ доир гардид
Дар шаҳри Турсунзода ҳамоиши «Корвони зиддимухаддиротӣ – 2024» доир шуд
«Ҷоми Ҳизби Халқии Демократии Тоҷикистон» насиби дастаи футболбозони ноҳияи Ҷалолиддини Балхӣ шуд
Донишҷӯёни Донишгоҳи техникии Тоҷикистон таҷрибаомӯзии истеҳсолиро дар Неругоҳи барқи обии «Қайроқум» мегузаронанд
Дар Хоруғ таҳти унвони «Модару бонувони ваҳдатсаро» ҳамоиш доир гардид
15-17 июн дар минтақаҳои алоҳидаи Тоҷикистон хавфи омадани сел боқӣ мемонад
ҲИФЗ ВА МУАРРИФИИ МЕРОСИ НИЁГОН. Ин мавзуъ дар меҳвари мулоқоти Президенти Тоҷикистон бо аҳли илм ва маорифи мамлакат қарор дошт
Имрӯз дар Тоҷикистон ҳавои тағйирёбанда пешгӯӣ мешавад