MADE IN TAJIKISTAN. Содироти маҳсулоти тавлидотии Тоҷикистон ба бозорҳои ҷаҳонӣ рӯ ба афзоиш аст

Январь 16, 2020 15:36

ДУШАНБЕ,16.01.2020/АМИТ «Ховар»/. Маҳсулоти тавлидотии Тоҷикистон зери тамғаи «MADE IN TAJIKISTAN» ба бозорҳои ҷаҳон роҳ ёфта, содироти он рӯ ба афзоиш аст. Бори нахуст дар таърихи саноати хӯроквории мамлакат содирот шудани  маҳсулоти консервашудаи «Пиёзи анзур» ва  «Ғураоб» ба Амрико, хушкмеваи «Тут» ба Туркия, нӯшобаи «Хуч» ва афшураи «Зардолу» ба Литва, обҳои маъданию ошомидании «Хаватаг», «Оби Зулол» ва «Сиёма» ба Озарбойҷону Аморати Мутаҳидаи Араб шаҳодати ин гуфтаҳост.

Тавре аз Вазорати саноати мамлакат ба АМИТ «Ховар» иттилоъ доданд,  ҳоло дар саноати хӯрокворӣ беш аз 480 корхона ба истеҳсоли маҳсулоти ғизоии саноатӣ машғул буда, дар онҳо зиёда аз даҳ ҳазор нафар коргарону мутахассисон фаъолият доранд.

Тибқи иттилои сарчашма, ҳаҷми истеҳсоли маҳсулоти корхонаҳои саноати хӯрокворӣ дар cоли 2019  беш аз 5 миллиарду 373 миллион  сомониро ташкил дод, ки ин нишондод нисбат ба ҳамин давраи соли 2018-ум  наздик ба 110 фоиз ё  беш аз  450 миллион сомонӣ зиёд мебошад.

Мавриди зикр аст, ки истифодаи хатҳои технологии муосир  имконият фароҳам овард, ки имрӯзҳо иқтидорҳои истеҳсолии корхонаҳои соҳа талаботи бозори дохилиро  бо маҳсулоти  гӯштию ширӣ, консерваи меваю сабзавот, орд, макарон, нон ва маҳсулоти нонӣ, намаки ошию техникӣ, нӯшокиҳо ва ғайра пурра таъмин намуда, қисми он ба хориҷи кишвар содирот шавад.

Бо зиёд гардидани ҳаҷми истеҳсоли маҳсулоти ғизоии саноатӣ, дар баробари таъмини бозори истеъмолии кишвар, содироти он мунтазам афзоиш ёфта, дар соли 2019 маблағи 121,9 млн сомониро ташкил дод, ки нисбат ба соли 2018-ум 2,6 баробар ва ё беш аз 74 миллион сомонӣ зиёд мебошад.

Январь 16, 2020 15:36

Хабарҳои дигари ин бахш

Истеҳсоли неруи барқ дар Бадахшон қариб 5 баробар афзоиш ёфтааст
Тоҷикистон ва WIPO ҳамкориро дар соҳаи рушди инноватсия тақвият медиҳанд
Хайринисо Идрисова: «Дастрасӣ ба маблағи гранти президентӣ имкон дод, ки фаъолияти ҳунармандиямро васеъ намоям»
Панҷакент — яке аз аввалин шаҳрҳои Тоҷикистон, ки дар солҳои соҳибистиқлолӣ аз шаҳри аграрӣ ба саноативу аграрӣ табдил ёфт
Дар Душанбе оғози Даҳсолаи байналмилалии амал оид ба илмҳои яхшиносӣ (криосферӣ), солҳои 2025-2034 баррасӣ гардид
Дастовардҳои Тоҷикистон дар Форуми иқтисоди рақамии Созмони ҳамкории Шанхай-2025 муаррифӣ гардид
Дар ноҳияи Данғара корхонаи истеҳсоли маҳсулоти саноатӣ сохта мешавад
Имсол дар Бадахшон 45 корхонаву коргоҳҳои саноатӣ ба фаъолият оғоз намуд
Ҳайати Тоҷикистон дар ҷаласаи маҳдуди сатҳи вазирони иқтисоди СҲШ дар Чин иштирок намуд
Иттиҳоди Аврупо дар Тоҷикистон лоиҳаҳои соҳаи энергетикаро амалӣ менамояд
Дар Вазорати рушди иқтисод ва савдои Тоҷикистон татбиқи ташаббуси ҷаҳонии «Global Gateway» баррасӣ гардид
ДАРАИ АЛМОСӢ. Аз ҷониби ҷомеаи ҷаҳонӣ ҳамчун мавзеи беназири таърихии кишоварзӣ этироф гардид