Мубориза бо коррупсия — кори дастаҷамъона, — бардошт аз вохӯрии судманд дар Хуҷанд
ДУШАНБЕ, 22.01.2020. /АМИТ «Ховар»/. Коррупсия яке аз зуҳуроти хавфноки ҷомеа ва унсури таҳдидкунанда ба пешрафти давлатдории миллӣ ба ҳисоб рафта, мубориза бар зидди он танҳо дар ҳолате натиҷабахш шуда метавонад, ки агар ҳар узви ҷомеа бо истифода аз тамоми имконоти мавҷуда барои паст кардани сатҳи он дар канор наистода, балки барои мубориза бо ин кирдори нангин бо сохторҳои давлатӣ ҳамкорӣ намояд.
Ин нуктаро сардори шуъбаи пешгирии коррупсияи Раёсати Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар вилояти Суғд Шоира Мутаваллиён зимни мулоқот бо роҳбарону кормандони шуъбаю идораҳои мақомоти иҷроияи ҳокимияти давлатии шаҳри Хуҷанд баён дошт.
Бино ба иттилои хабарнигори минтақавии АМИТ «Ховар», зимни мулоқот ҷараёни татбиқи нишондодҳои “Стратегияи муқовимат ба коррупсия барои солҳои 2013-2020” баррасӣ гардид.
Ҳамзамон зикр шуд, ки Давлат ва Ҳукумати мамлакат аз рӯзҳои нахустини ба даст овардани истиқлолияти давлатӣ мубориза бо коррупсияро самти афзалиятноки фаъолияти худ қарор дода, барои ташаккули сиёсати давлатии зиддикоррупсионӣ ва фароҳам овардани заминаҳои мусоид барои муқовимати самаранок бо ин зуҳурот тадбирҳои заруриро амалӣ мегардонанд.
Дар ҷамъомад ҳамчунин нуктаҳои асосии Паёми навбатии Президенти мамлакат, ки моҳи декабри соли гузашта ба Маҷлиси Олӣ ироа гардида буд, мавриди баррасӣ қарор гирифтанд.
Оид ба Конститутсия ва ҷойгоҳи он дар танзими муносибатҳои идоракунии давлатӣ ҳамоиши ҷумҳуриявӣ доир шуд
«КОНСТИТУТСИЯ-КАФИЛИ АДОЛАТИ СУДӢ». Дар Суди Олии иқтисодии Тоҷикистон ҳамоиш доир гардид
Муассисаи «Шабакаи гармидиҳии шаҳри Душанбе»: «Муштариён метавонанд барои ҳалли мушкилот ба рақами кӯтоҳи 14-44 занг зананд»
Доир ба саҳми академик Муҳаммадҷони Шакурӣ дар рушди илму адаб конференсияи илмӣ баргузор шуд
«КОНСТИТУТСИЯ–ПОЙДОРИИ ДАВЛАТИ ҲУҚУҚБУНЁД». Таҳти чунин унвон конференсияи ҷумҳуриявӣ доир гардид
Роҳҳои баланд бардоштани ҳосилнокии зироатро дар шаҳри Кӯлоб баррасӣ намуданд
Дар мавзуи «Конститутсия ва таъмини ҳуқуқ ба озодии эътиқод» конференсияи ҷумҳуриявӣ доир шуд
Дар ҷаласаи Шурои ҷамъиятии Ҷумҳурии Тоҷикистон механизмҳои нави ҳимояи ҳуқуқи муҳоҷирони меҳнатӣ баррасӣ гардид
Бахшида ба Рӯзи Конститутсия дар Кумитаи иҷроияи ҲХДТ дар вилояти Суғд ҳамоиш доир шуд
Дар ноҳияи Данғара нақшаи ҷамъоварии пахта 100 фоиз иҷро гардид
Дар ноҳияи Деваштич иншооти гуногуни иҷтимоӣ ба истифода дода шуданд
Дар Академияи идоракунии давлатӣ оид ба нақши Конститутсия дар таъмини баробарии гендерӣ ҳамоиш доир шуд
