Мушовири бахши Ёрдамчии Президенти Ҷумҳурии Тоҷикистон оид ба масъалаҳои кадрҳо номзад ба вакилии Маҷлиси намояндагони Маҷлиси Олии Ҷумҳурии Тоҷикистон аз ҳавзаи интихоботии якмандатаи Кӯлоб №37 пешбарӣ шуд

 ДУШАНБЕ, 9.01.2020 /АМИТ «Ховар»/.  Дар Конференсияи Ҳизби Халқии Демократии Тоҷикистон дар шаҳри Кӯлоб номзад ба вакилии Маҷлиси намояндагони Маҷлиси Олии Ҷумҳурии Тоҷикистон аз ҳавзаи интихоботии якмандатаи Кӯлоб №37 пешбарӣ шуд.

Дар кори Конференсия муовини аввали Раиси ҲХДТ Абдуҷаббор Азизӣ, раиси Кумитаи иҷроияи ҲХДТ дар вилояти Хатлон Абдулло Раҳмонзода, раиси Кумитаи иҷроияи ҲХДТ дар шаҳри Кӯлоб Орзу Ҳамидиён иштирок намуданд.

Дар конференсия масъалаи  пешбарии  номзад  ба  вакилии  Маҷлиси  намояндагони  Маҷлиси  Олии  Ҷумҳурии  Тоҷикистон  дар  ҳавзаи интихоботии  якмандатаи Кӯлоб №37 мавриди баррасӣ қарор гирифт.

Мушовири бахши Ёрдамчии Президенти Ҷумҳурии Тоҷикистон оид ба масъалаҳои кадрҳо Шариф Ҳакимзода номзад ба вакилии Маҷлиси намояндагони Маҷлиси Олии Ҷумҳурии Тоҷикистон аз ҳавзаи интихоботии якмандатаи Кӯлоб №37 пешбарӣ шуд.

Шариф Ҳакимзода аз 21 феврали  соли 2014 дар мансаби мушовири бахши Ёрдамчии Президенти Ҷумҳурии Тоҷикистон оид ба масъалаҳои кадрҳо  кор мекунад.