ОБУ ҲАВО: Имрӯз дар Тоҷикистон ҳаво абрнок шуда, борон ва барф меборад

ДУШАНБЕ, 07.01.2020. /АМИТ «Ховар»/.  7-9 январи соли равон дар бештари ноҳияҳои тобеи марказ, вилоятҳои Хатлон ва Суғд фаромадани туман дар назар буда, дурии биниш дар ағбаҳо метавонад то 300 метрро ташкил диҳад. Дар роҳҳои нақлиётгарди минтақаҳои кўҳӣ яхбандӣ пешгўӣ мешавад. Аз 6 то 8 январ дар ноҳияҳои кўҳии ноҳияҳои тобеи марказ ва нишебиҳои ҷанубии қаторкўҳҳои Ҳисор фаромадани тарма аз эҳтимол дур нест. Дар ин бора аз Агентии обуҳавошиносии Тоҷикистон ба АМИТ «Ховар» хабар доданд.

Ба иттилои Агентии обуҳавошиносӣ, имрӯз дар Вилояти Мухтори Кӯҳистони Бадахшон ҳаво абрнок шуда, дар ноҳияҳои алоҳида барф меборад.  Шамол аз самти ғарб бо суръати 2-7 метр дар як сония мевазад. Ҳаво дар ғарби вилоят шабона  6-11  дараҷа хунук ва рӯзона аз 1 дараҷа хунук то 4 дараҷа     гарм мешавад. Дар  шарқи вилоят  ҳаво шабона аз 15-20  ва рӯзона 7-12 дараҷа хунук мешавад.

Ҳаво дар вилояти Суғд абрнок шуда,  борон ва барф меборад.  Дар  ноҳияҳои алоҳида туман мефарояд.  Шамол  аз  самти ғарб бо суръати  3-8   метр дар як  сония мевазад. Ҳаво дар водиҳо шабона аз 3 дараҷа хунук то 2 дараҷа гарм  ва рӯзона 1+6 дараҷа гарм мешавад. Дар ноҳияҳои кӯҳӣ ҳаво шабона 7-12 ва   рӯзона   1-6 дараҷа хунук мешавад.

Дар вилояти Хатлон   ҳаво абрнок шуда, дар водиҳо шабона ва саҳар борони суст меборад. Рӯзона  ҳавои бе бориш дар назар аст. Дар   доманакӯҳҳо борон ва барф борида, дар баъзе ноҳияҳо туман мефарояд. Шамол аз самти  ғарб бо суръати  3-8 метр дар як сония мевазад. Ҳаво дар водиҳо ҳаво шабона аз 2 дараҷа хунук то 3 дараҷа гарм  ва рӯзона 4+9 дараҷа гарм мешавад. Дар  доманакӯҳҳо ҳаво шабона аз 4 дараҷа хунук то 1  дараҷа гарм ва рӯзона 0+5 дараҷа гарм мешавад.

Дар шаҳру ноҳияҳои тобеи марказ ҳавои абрнок шуда,  борон ва барф меборад. Дар  баъзе ноҳияҳо  боришот  шиддат гирифта, дар ноҳияҳои алоҳида туман мефарояд. Шамол аз самти  ғарб бо суръати 3-8  метр дар як сония  мевазад.  Ҳаво  дар водиҳо  шабона  аз 4 дараҷа хунук то 1 дараҷа гарм  ва рӯзона 3+8  дараҷа гарм мешавад. Дар  ноҳияҳои кӯҳӣ ҳаво шабона  2-7  дараҷа хунук  ва  рӯзона аз 3 дараҷа хунук то 2 дараҷа гарм  мешавад.

Дар  шаҳри Душанбе  ҳаво абрнок шуда,  борон ва барф меборад.  Шамол аз самти  ғарб бо суръати 2-7  метр дар як сония   мевазад.  Ҳаво шабона 0+2  ва  рӯзона 5+7 дараҷа гарм мешавад.