«Washington Post»: Эрон огоҳона зарба зад, то ба ИМА камтар зарар бирасад

ДУШАНБЕ, 09.01.2020 /АМИТ «Ховар»/. Ҳукумати Эрон зарбаҳои мушакиро санҷидаю огоҳона  ба иншооти ИМА дар Ироқ равона сохт, то шумораи ками неруҳои амрикоӣ зарар бинанд. Тавре АМИТ «Ховар» хабар медиҳад, дар ин бора рӯзномаи “The Washington Post”  бо истинод ба намояндаи баландпояи маъмурияти ИМА хабар додааст.  

«Ин  ба эрониён  имкон дод, ки обрӯи худро нигоҳ доранд  ва ҳамчунин барои  ду ҷониб эҳтимолияти аз  чанги ҷанг  раҳо шуданро фароҳам овард», — гуфт  мансабдор.  «Мақомоти ИМА аллакай   рӯзи сешанбе (7 январ) номгӯи  иншоотеро, ки Эрон  нияти  ба онҳо зарба задан дошт,  медонистанд, вале аниқ маълум набуд, ки кадом иншоот мушаххас ҳадаф қарор мегирад».  Маълумоти дахлдорро артиши ИМА  аз  мақомоти Ироқ  чанд соат  қабл  аз ҳуҷум  ба даст овард» , — тасдиқ   намудааст рӯзнома.

Қаблан шабакаи телевизионии CNN бо истинод ба манбаи дипломатӣ гуфтааст, ки Ироқ қаблан ИМА-ро аз ҳамла ба пойгоҳҳояшон огоҳ намуд, зеро маълумоти дахлдорро аз Эрон гирифта буд.