7 паҳлавони тоҷик дар мусобиқаи «Rabat Grand Prix 2020» иштирок мекунанд
ДУШАНБЕ, 26.02.2020. /АМИТ «Ховар»/. Аз 6 то 8 март дар пойтахти Марокаш — шаҳри Работ мусобиқаи калони «Rabat Grand Prix 2020» баргузор мешавад. Дар мусобиқаи мазкур Ҷумҳурии Тоҷикистонро 7 нафар паҳлавонони шинохта муаррифӣ мекунанд. Дар ин бора мухбири АМИТ «Ховар» хабар медиҳад.
Дар ин мусобиқаи сатҳи ҷаҳонӣ иштироки 646 нафар варзишгарон, аз ҷумла 379 мард ва 267 зан аз 95 давлати дунё дар назар аст.
Ёдовар мешавем, ки моҳи марти соли 2019 дар Марокаш мусобиқаи байналмилалии дзюдо аз силсилаи мусобиқоти Гран При баргузор шуд, ки дар он варзишгари тоҷик Темур Раҳимов сазовори медали биринҷӣ гардида буд.
Дар он мусобиқаи бонуфуз аз Тоҷикистон се нафар паҳлавонон — Беҳрӯз Хоҷазода дар вазни -73 кг, Акмал Муродов дар вазни -81кг ва Темур Раҳимов дар вазни аз 100 кг боло дар қатори 487 нафар варзишгарон (288 мард, 199 зан) аз 71 давлати дунё иштирок карданд.
Темур Раҳимов дар аввалин рақобаташ бар варзишгари ҳолландӣ Ҷ. Спикерс пирӯз гардида, аз ғолиби мусобиқа дар ин вазн -Свен Ҳейнлии немис мағлуб шуд. Дар зӯрозмоиҳо барои медали биринҷӣ Темур бар Файсал Ҷабадаҳ аз Тунис ғалаба карда, Валадут Симонескуро аз Руминия шикаст дод ва дар натиҷа ба гирифтани медали биринҷии Гран Прии Марокаш ноил гардид.
Дар ин вазн Свен Ҳейнли (Германия) -барандаи медали тилло, Ерасул Казибаев (Қазоқистон) -соҳиби медали нуқра ва Темур бо Андрей Колесник аз Украина барандагони медалҳои биринҷӣ гардиданд.
Намояндаи дигари дзюдои Тоҷикистон -Беҳрӯзи Хоҷазода дар вазни то 73 кг дар аввалин қувваозмоӣ аз Серик Акилбеки қазоқ мағлуб гардида, бо ҳамин муборизаро барои медалҳо аз даст дод.
Дар вазни то 81 кг Акмал Муродов низ ба нокомӣ рӯ ба рӯ шуда, дар зӯрозмоии нахустин аз Мабуи Калонҷӣ аз кишвари Когои Демократӣ мағлуб гардид.
Хотиррасон менамоем, ки Федератсияи байналмилалии дзюдо ба ғолибони ҷойҳои аввал 3000 доллари ИМА, ба ҷойҳои дуюм 2000 доллар ва ба ҷойҳои сеюм 1000 доллари ИМА ҷоиза тақдим карда буд. Ҳамчунин иштирокчиёни мусобиқа соҳиби холҳои олимпӣ гардида буданд.
ФУТБОЛ. 31 август марҳилаи интихобии Ҷоми Осиё-2027 байни мунтахабҳои ҷавонони то 20-сола оғоз мешавад
Сармураббии нави дастаи мунтахаби наврасони Тоҷикистон (U-17) оид ба футбол таъйин гардид
Дастаи мунтахаби ҷавонони Тоҷикистон (U-20) оид ба футбол бозии дуюми санҷиширо бо дастаи Лубнон мусовӣ анҷом дод
Дастаи мунтахаби ҷавонони Тоҷикистон (U-20) дар бозии якуми санҷишӣ бар дастаи Лубнон пирӯз шуд
Ҳайати васеи дастаи мунтахаби Тоҷикистон оид ба футбол барои бозиҳои дӯстонаи моҳҳои сентябр ва октябр эълон гардид
Ҳайати дастаи мунтахаби ҷавонони Тоҷикистон (U-20) оид ба футбол барои марҳилаи интихобии Ҷоми Осиё-2027 муайян шуд
Дастаи мунтахаби ҷавонони Тоҷикистон (U-20) оид ба футбол бо дастаи Лубнон бозии санҷишӣ баргузор мекунад
Самбочиёни Клуби марказии варзиши артиши Вазорати мудофиаи Тоҷикистон дар Москва соҳиби ду медали биринҷӣ шуданд
«ФУТБОЛ ВА РУШДИ ОН ДАР ҶУМҲУРИИ ТОҶИКИСТОН». Таҳти чунин унвон китоби иттилоотӣ-омӯзишӣ нашр гардид
Мунтахаби Тоҷикистон дар Чемпионати ҷаҳон оид ба гӯштини миллӣ (гӯштингирӣ) 12 медал ба даст овард
«Регар-ТадАЗ» ба марҳилаи гурӯҳии Лигаи даъвати КФО-2026/27 роҳ ёфт
ҶОМИ ТОҶИКИСТОН-2026. Дастаҳои «Равшан» – «Хуҷанд» ва «Эсхата» – «Сардор» ба даври нимниҳоии мусобиқа роҳ ёфтанд
