Дар Донишгоҳи славянии Россия ва Тоҷикистон ҳамоиши маърифатӣ-тарбиявӣ баргузор шуд

Февраль 15, 2020 10:59

ДУШАНБЕ, 15.02.2020 /АМИТ «Ховар»/. Бо ташаббуси мақомоти иҷроияи ҳокимияти давлатии шаҳри Душанбе  дар   Донишгоҳи славянии Россия ва  Тоҷикистон  ҳамоиши маърифатӣ-тарбиявӣ   таҳти унвони «Рушди маънавиёт  омили солимии фард ва ҷомеа» бо иштироки доираи васеи муҳассилину унвонҷӯён ва омӯзгорону устодон баргузор шуд.

Дар ҳамоиш муовини Раиси шаҳри Душанбе Мавсума Муинӣ зикр кард, ки чунин ҳамоишҳо  дар пойтахт бо мақсади ташаккули тарзи ҳаёти солим, тарғиби ғановати маънавӣ, таҳаммулпазириву инсондӯстӣ, ҳифзи солимии модиву маънавии оила, фард ва ҷомеа аз хатару таҳдидҳои номатлуби иҷтимоӣ, бемориҳои сироятӣ, терроризму ифротгароӣ, исрофкорӣ,  таҳкими андешаи солим, масъулият ва рисолати инсонӣ дар иртибот ба рушди маънавии ҷомеа шурӯъ аз 8 ноябри соли 2019 то 4 июли соли 2020 дар асоси Нақшаи чорабиниҳои тарҳрезигардида, ки аз ҷониби Раиси шаҳри Дашанбе муҳтарам Рустами Эмомалӣ ба тасвиб расидааст,  баргузор мешаванд.

Ҳамоишҳои маърифатӣ-тарбиявӣ бо иштироки олимону коршиносон, равоншиносону мутахассисон, ходимони дин дар муассисаҳои таҳсилоти ибтидоӣ, миёна ва олии касбии мамлакат, ки дар шаҳри Душанбе фаъолият менамоянд, доир  мешаванд.

Дар ҳамоиш олимону коршиносон  оид ба мавзӯи мавриди назар ибрози назар намуда, ҷавононро ба омӯзиши илму ҳунар ҳидоят намуданд. Аз ҷумла, гуфта шуд, ки тамоми мушкилиҳои ҷавонон, аз қабили худкушӣ, озори лафзӣ, дуздию ғоратгарӣ, ба ҳар гуна ҳаракатҳои тундгарою ифротӣ ҳамроҳ шудан, хурофотпарастӣ, мардумфиребӣ ва ғайра аз нахондани китоб ва вақти худро беҳуда сарф намудан маншаъ мегирад, яъне маънавиёти костаи онҳо  сабаби даст задан ба ин амалҳои номатлуб мегардад. Мутолиаи китоб ва пайваста машғул будан ба омӯзиши илму ҳунар, вақти худро босамар истифода бурдан асоси саодатмандии ҷавонон хоҳад буд.

Сипас донишҷуёни фаъол ва устодни ин донишгоҳ дар ин мавзӯъ  мубодилаи афкор намуданд.

Февраль 15, 2020 10:59

Хабарҳои дигари ин бахш

«Ҷавонон – пайравони Пешвои миллат ва меросдори анъанаҳои наврӯзӣ». Дар Душанбе Фестивали чоруми дӯстии ҷавонон доир мешавад
«КАРНАВАЛИ НАВРӮЗӢ». Имрӯз дар Майдони Истиқлоли шаҳри Душанбе бахшида ба ҷашни байналмилалии Наврӯз барномаи фарҳангӣ доир мегардад
«Карнавали Наврӯзӣ» дар Майдони Истиқлоли шаҳри Душанбе 25 март баргузор мегардад
ХУШ ОМАДӢ, НАВРӮЗИ МАН! Дар Боғи фарҳангӣ-фароғатии ба номи Садриддин Айнӣ сокинону меҳмонон ҷашни Наврӯз таҷлил гардид
Аз ҷониби Раиси шаҳри Душанбе Рустами Эмомалӣ ба қишри ниёзманди ҷомеа ва сарбозони қисмҳои низомӣ кумак расонида шуд
ТАНТАНАҲОИ НАВРӮЗӢ. Имрӯз дар тамоми боғҳои пойтахт барномаҳои рангини фарҳангӣ баргузор мегарданд
Субҳи имрӯз дар «Боғи Ғалаба» сокинони чор ноҳияи пойтахт бо оростани гулхани ҷашнӣ фарорасии Соли нави аҷдодиро пешвоз гирифтанд
Дар шаҳри Душанбе Фестивали байналмилалии «Наврӯз-мероси фарҳангию ҷаҳонгардӣ» баргузор гардид
РАМЗИ БАҲОРУ НАВРӮЗ. Дар чор ноҳияи шаҳри Душанбе табақи суманак гузошта шуд
Дар Душанбе бо мақсади муаррифии имконияти сайёҳӣ ва фарҳанги миллии тоҷикон фестивали байналмилалӣ оғоз ёфт
«НАВРӮЗ-МЕРОСИ ФАРҲАНГИЮ ҶАҲОНГАРДӢ». Дар шаҳри Душанбе фестивали байналмилалӣ баргузор мегардад
ДУШАНБЕ-МАКОНИ БЕҲТАРИНИ САЙЁҲӢ. Дар айёми баҳор пойтахт барои гардишгарӣ хеле муносиб аст