Дар Душанбе зери роҳбарии муовини Сарвазири Тоҷикистон Азим Иброҳим ҷаласаи ҷамъбастии даъвати тирамоҳии шаҳрвандон ба хизмати ҳарбӣ баргузор гардид

Февраль 1, 2020 08:58

ДУШАНБЕ, 01.02.2020. /АМИТ «Ховар»/. Дирӯз дар Вазорати мудофиаи Ҷумҳурии Тоҷикистон зери роҳбарии муовини Сарвазири мамлакат Азим Иброҳим ҷаласаи ҷамъбастии даъвати тирамоҳии шаҳрвандон ба хизмати ҳарбӣ дар соли 2019 баргузор гардид.

Азим Иброҳим зикр намуд, ки  бо вуҷуди  пеш аз муҳлат иҷро гардидани даъвати тирамоҳии шаҳрвандон ба хизмати ҳарбӣ, усул, тарз ва сифати корҳои анҷомдода дар ин самт ба талабот ҷавобгӯ набуд.

«Тавассути дуруст ба роҳ мондани корҳои фаҳмондадиҳӣ бо сокинони мамлакат, бо падару модарони шаҳрвандони синашон ба хизмат  расида, даъватшавандагон  бояд бо хоҳиши худ барои иҷро намудани қарзи фарзандӣ  дар назди Модар-Ватан ба комиссариатҳои ҳарбии шаҳру ноҳияҳо муроҷиат намоянд», — илова намуд муовини Сарвазир.

Бо дарназардошти таҳлилҳои гузаронида, муовини Сарвазири мамлакат натиҷаи фаъолияти комиссариатҳои ҳарбии шаҳру ноҳияҳоро дар даъвати тирамоҳии соли 2019 нокифоя баҳодиҳӣ намуд. Вобаста ба ин, барои 34 корманди комиссариатҳои ҳарбӣ ҷазоҳои интизоми ҳарбӣ то озод намудан аз вазифаи ишғолнамуда татбиқ карда шуд. Аз ҷумла, 6 комиссари ҳарбии вилоятҳои Суғд, Хатлон, шаҳри Душанбе, шаҳри Ваҳдат, ноҳияи Шоҳмансур ва ноҳияи Шуғнон бинобар ҷой доштани камбудиҳои ҷиддӣ дар фаъолияти хизматиашон ва сабабҳои дигар аз вазифаҳои ишғолнамудаашон озод карда шуданд.

Инчунин нисбат ба комиссарони ҳарбии шаҳри Хуҷанд, ноҳияи Бобоҷон Ғафуров, сардорони шуъбаҳои даъват ва тайёрии ҷавонон ба хизмати ҳарбии комиссариатҳои ҳарбии шаҳру ноҳияҳои Хуҷанд, Исфара, Бобоҷон Ғафуров, Спитамен, Кӯшониён, Ваҳдат, Ҳисор ва Рӯдакӣ ҷазоҳои интизомӣ татбиқ карда шуд.

Ҳамчунин супориш дода шуд, ки бинобар сабаби роҳ додан ба баъзе  камбудиҳо дар рафти маъракаи даъвати тирамоҳии шаҳрвандон ба хизмати ҳарбӣ нисбат ба комиссарони ҳарбии шаҳру ноҳияҳои Панҷакент, Конибодом, Восеъ, Ҳамадонӣ, Фархор, Ҷайҳун, А. Ҷомӣ, Қубодиён, Кӯлоб, Ҳисор, Варзоб, Истаравшан, Турсунзода, Ҷ. Балхӣ, Вахш, Нуробод, Сино, Фирдавсӣ ва И.Сомонӣ  тадбирҳои  зарурии дахлдор андешида шавад.

Муовини Сарвазири Тоҷикистон изҳори нигаронӣ  намуд, ки дар ин раванд хунукназарӣ аз ҷониби бархе аз масъулин дида мешавад. Ин камбудиҳо дар ҳоле  ба вуҷуд меоянд, ки хароҷоти вобаста ба даъвати тирамоҳии наваскарон аз ҷониби Вазорати молияи Ҷумҳурии Тоҷикистон сари вақт ва пурра пардохт мегардад.

Муовини Сарвазир аз фаъолияти комиссияҳои тиббӣ низ эродҳои ҷиддӣ гирифта, бо тарзи иҳотагирӣ (облава)  ҷалб намудани ҷавононро ба сафи Қувваҳои Мусаллаҳ ҳамчун як амалӣ номатлуб  номид.

Дар ҷаласа  гуфта шуд, ки мояи ифтихор аст, ки қишре аз ҷавонони бо нангу номус, барои адои хизмат ба комиссариатҳои ҳарбӣ худашон муроҷиат мекунанд. Ҳамасола тамоюли рӯ ба афзоиш овардани   шумораи ихтиёриён умедворкунанда аст.  Дар баробари ин аз ҷониби Вазорати мудофиа лоиҳаи Қонуни Ҷумҳурии Тоҷикистон «Дар бораи уҳдадории умумӣ ва хизмати ҳарбӣ»  бо таҳрири нав таҳия гардида, барои моҳиятан баррасӣ намудан ба вазорату идораҳои дахлдор  ирсол карда шудааст.

Февраль 1, 2020 08:58

Хабарҳои дигари ин бахш

Дар Душанбе татбиқи минбаъдаи Барномаи ислоҳоти милитсия барои солҳои 2021-2025 баррасӣ шуд
Прокуратураи генералӣ дар ноҳияи Файзобод ҳолатҳои ғайриқонунӣ додан ва хариду фурӯши заминро ошкор намуд
Сел дар Панҷакент ба 48 гектар замин ва 22 манзили сокинон зарар расонд
СММ омори риққатангези марги кӯдаконро дар Афғонистон расонаӣ кард
Тоҷикистон ҳамкориро бо Кумитаи зиддитеррористии Шӯрои амнияти СММ муҳим арзёбӣ намуд
Дар қароргоҳи СММ «Стратегияи Ҷумҳурии Тоҷикистон оид ба муқовимат ба терроризм ва экстремизм барои солҳои 2021-2025» баррасӣ гардид
Прокурори генералии Тоҷикистон бо Роҳбари Намояндагии Иттиҳоди Аврупо дар СММ мулоқот кард
Тоҷикистон ва Дафтари зиддитеррористии СММ иқдомҳои муштарак оид ба мубориза бар зидди терроризмро баррасӣ намуданд
«ВАТАНПАРВАР». Маҳз чунин мусобиқот имкон медиҳанд, ки ҷавонон маҳорату малакаи ҳарбӣ-варзишии худро такмил диҳанд
Давоми 20 рӯз дар Тоҷикистон маъракаи даъвати ҳарбӣ ба қадри 50 фоиз таъмин шуд
ДАР РАМАЗОН ИНФИҶОР ВА…ЧАШМОНИ АШКБОР. Бар асари ду таркиш дар Кобул беш аз 20 нафар мактаббачагон ҷон бохтанд
Дар Қазоқистон машқҳои Низоми муштараки мудофиаи зиддиҳавоии ИДМ баргузор шуданд