Дар Франсия либосҳои занонаи миллии тоҷикӣ таблиғ мешаванд
ДУШАНБЕ, 17.02.2020. /АМИТ «Ховар»/. Дар Франсия либосҳои занонаи миллии тоҷикӣ таблиғ ва ташвиқ мегарданд. Ин матлаб зимни мулоқоти ректори Донишкадаи санъати тасвирӣ ва дизайни Тоҷикистон Ҷамшед Ғанизода бо Сафири Фавқулода ва Мухтори Ҷумҳурии Франсия дар Ҷумҳурии Тоҷикистон хонум Ясмин Гуедар баён гардид. Дар ин бора ба хабарнигори АМИТ «Ховар» аз Донишкадаи санъати тасвирӣ ва дизайни Тоҷикистон хабар доданд.
Зимни мулоқот пешниҳод гардид, ки номгӯи либосҳои занонаи миллии тоҷикӣ ташвиқ гардида, ба ин восита бонувони Франсия ба либоси занонаи тоҷикон дастрасӣ пайдо намоянд.
Хонум Ясмин Гуедар бо боварӣ иброз намуд, ки аз ҷониби бонувони Франсия либоси занонаи мардуми тоҷик хуб истиқбол гирифта мешавад.
Бино ба иттилои манбаъ, ояндаи наздик Ясмин Гуедар тасмим гирифтааст, ки дар мавзӯи мӯди либос барои омӯзгорон ва донишҷӯён тренинг ташкил намояд.
Зимни мулоқот масъалаҳои ҳамкорӣ байни Донишкадаи давлатии санъати тасвирӣ ва дизайни Тоҷикистон ва донишкадаҳои санъати тасвирӣ ва дизайни Франсия, ҳамчунин мубодилаи донишҷӯёни ду давлат муҳокима гардид. Сафири Франсия аз робитаҳои дуҷониба ва ҳамкорӣ миёни Тоҷикистон ва Франсия изҳори қаноатмандӣ намуд.
Сипас аз ҷониби Сафири Фавқулода ва Мухтори Ҷумҳурии Франсия дар Ҷумҳурии Тоҷикистон ба донишкадаи мазкур якчанд китобҳои дизайнерӣ ва таълимӣ туҳфа гардиданд.
Шоири халқии Тоҷикистон Доро Наҷот аз олам даргузашт
ДАСТОВАРДИ ДАВРОНИ СОҲИБИСТИҚЛОЛӢ. Китобхонаи миллии Тоҷикистон иқтидори нигоҳдории то 10 миллион нусха китобро дорад
Дар Душанбе ҷаласаи Комиссияи ҷумҳуриявии озмунҳо баргузор гардид
Китоби «Ориёиҳо ва шинохти тамаддуни ориёӣ»-и Президенти Ҷумҳурии Тоҷикистон бо хати форсӣ рӯнамоӣ гардид
Олимони Ҳиндустон дар Осорхонаи миллии Тоҷикистон бо ёдгориҳои беназир ва бозёфтҳои нодири бостоншиносӣ шинос шуданд
Бахшида ба 35-солагии Истиқлоли давлатӣ таҳти унвони «Меъмори кохи бузурги маънавӣ» китоб нашр шуд
ЭҲЁИ ҶАШНҲОИ МИЛЛӢ ДАР 35 СОЛИ ИСТИҚЛОЛИЯТ. Ва ё мақоми байналмилалиро соҳиб гардидани онҳо
СИНАМОИ ТОҶИК ДАР 35 СОЛИ ИСТИҚЛОЛИ ДАВЛАТӢ. Дар ин давра беш аз 300 филм ба навор гирифта шудааст
Пешвои миллат Эмомалӣ Раҳмон: «24 ёдгории таърихию фарҳангии Тоҷикистон ба Феҳристи мероси моддии ҷаҳонии ЮНЕСКО сабт гардидааст»
Президенти Тоҷикистон: «Мо барои арҷгузорӣ ба арзишҳои асили тамаддуни тоҷикону форсизабонон иқдомоти муассирро амалӣ намудем»
ШЕЪР ВА ИСТИҚЛОЛ. Назми муосири тоҷик дар солҳои соҳибистиқлолии Тоҷикистон дар сафи пеши худшиносии миллӣ ва ҳаракати ваҳдати миллӣ қарор гирифт
Кормандони соҳаи фарҳанг бо мукофотҳои давлатӣ сарфароз гардиданд
