Дастаи мунтахаби футзали Тоҷикистон ғолиби ду бозии дӯстона гардид
ДУШАНБЕ, 14.02.2020. /АМИТ «Ховар»/. Футзалбозони тоҷик дар шаҳри Даммом ба муқобили дастаҳои мунтахаби футзали Арабистони Саудӣ ва Кувайт ду бозии дӯстона анҷом дода, дар ҳар ду ғалаба карданд. Дар ин бора шореҳи варзиши АМИТ «Ховар» Меҳрони Қурбон бо истинод ба Федератсияи футболи Тоҷикистон иттилоъ медиҳад.
Тибқи иттилои манбаъ, дастаи мунтахаби футзали Тоҷикистон силсилаи бозиҳои рафиқонаашро дар моҳи феврал ба анҷом расонид, ки барои шогирдони мутахассиси гурҷӣ Александр Дзабирадзе марҳилаи омодагӣ ба Чемпионати Осиё-2020 дар Ашқобод маҳсуб мешавад.
Бозӣ бо дастаи мунтахаби Арабистони Саудӣ 12 феврал баргузор шуда, бо ҳисоби 2:1 ба нафъи футболбозони тоҷик анҷом ёфт. Голҳоро дар ҳайати дастаи мунтахаби Тоҷикистон Рустам Ҳомидов ва Иқбол Воситзода ба ҳадаф расониданд.
13 феврали соли равон дар бозии дигари дӯстона футзалбозони тоҷик ба муқобили дастаи мунтахаби Кувайт ба майдон баромада, бо ҳисоби 4:2 пирӯз гардиданд. Голҳоро дар ҳайати дастаи мунтахаби Тоҷикистон Баҳодур Хоҷаев, Умед Кузиев ва Собирҷон Гулаков ба дарвоза ворид карданд. Як голи дигарро кувайтиҳо ба дарвозаи худашон заданд.
Акнун дастаи мунтахаби футзали Тоҷикистон ба шаҳри Душанбе баргашта, омодагиро ба Чемпионати Осиё-2020 идома медиҳад.
Ёдовар мешавем, ки футзалбозони тоҷик дар Чемпионати Осиё-2020, ки дар шаҳри Ашқободи Туркманистон доир мегардад, дар гурӯҳи «А» ҳамроҳ бо дастаҳои мунтахаби Туркманистон, Ветнам ва Уммон бозӣ мекунанд.
Президенти Кумитаи паралимпии Осиё ба натиҷаи иштироки дастаи мунтахаби Тоҷикистон дар Бозиҳои паралимпии Осиё баҳои баланд дод
Дар деҳаи Варзоб — Қалъаи ноҳияи Варзоб майдончаи варзишӣ ба истифода дода шуд
Дастаи мунтахаби наврасони Тоҷикистон (U-17) бозии дуюми дӯстонаро бо Қатар мусовӣ анҷом дод
Дастаи мунтахаби наврасони Тоҷикистон (U-15) дар Чемпионати ҷаҳон-2026 оид ба футбол бар тимҳои Бермуд ва Филиппин пирӯз шуд
Варзишгарони паралимпии Тоҷикистон пас аз иштирок дар Бозиҳои V параосиёӣ ба Ватан баргаштанд
Ҳайати васеи дастаи мунтахаби Тоҷикистон оид ба футбол барои иштирок дар мусобиқаи «Кing’s Сup 2026» эълон гардид
«KING’S CUP 2026». Дастаи мунтахаби Тоҷикистон дар даври нимниҳоӣ бо тими миллии Умон бозӣ мекунад
Дар Душанбе таҳти унвони «Зебоӣ, доноӣ ва тавоноӣ аз варзиш аст» машқи пагоҳирӯзӣ баргузор гардид
«Истиқлол» барои роҳхат ёфтан ба плей-оффи Лигаи даъватии КФО-2026/27 бо дастаи «Ҳомс Ал-Фида»-и Сурия бозӣ мекунад
Дастаи мунтахаби наврасони Тоҷикистон (U-17) бо дастаи Қатар бозиҳои дӯстона анҷом медиҳад
ФУТБОЛ. Дастаи мунтахаби наврасони Тоҷикистон (U-15) дар Ҷоми ҷаҳон-2026 иштирок менамояд
Шоҳрух Назаров якумин медали нуқраи Тоҷикистонро дар таърихи Бозиҳои параосиёии тобистона соҳиб шуд
