Душанбе аз ҷониби ESCAP-ЭСКАТО ҳамчун аввалин шаҳри таҷрибавӣ дар истифодаи унсурҳои инноватсионии шаҳрсозии устувор интихоб гардид
ДУШАНБЕ, 19.02.2020. /АМИТ «Ховар»/. Комиссияи иқтисодӣ ва иҷтимоии Созмони Милали Муттаҳид оид ба Осиё ва ҳавзаи уқёнуси Ором (ESCAP-ЭСКАТО) тасмим гирифтааст, ки бо мақсади кумак ба шаҳри Душанбе дар рушди шаҳрсозӣ Лоиҳаи нави таҷрибавиро доир ба рушди иқтидор таҳти унвони «Пешгӯии шаҳрсозии устувор: Дастгирии устувори банақшагирии инфрасохтор дар шаҳрҳо»дар ин шаҳр татбиқ намояд. Амалишавии Лоиҳаи мазкур моҳи августи соли 2019 оғоз гардида, то декабри соли 2020 идома меёбад. Татбиқи лоиҳаи мазкур ба тарҳрезии беҳтари рушди инфрасохтори устувор, идоракунии шаҳр тавассути таҳия ва истифодаи методологияи пешгӯишаванда, инчунин сармоягузорӣ барои истифодаи захираҳои табиӣ, инфрасохтор, баровардани эҳтиёҷоти молиявии аҳолии пешбинишуда, инчунин рушди иқтисодӣ кумак мерасонад.
Тавре аз Раёсати иттилоот ва робитаҳои хориҷии дастгоҳи Раиси шаҳри Душанбе ба АМИТ «Ховар» хабар доданд, бахшида ба рушди шаҳрсозӣ 17-18 феврал бо ташаббуси мақомоти иҷроияи ҳокимияти давлатии шаҳри Душанбе дар ҳамкорӣ бо Комиссияи иқтисодӣ ва иҷтимоии Созмони Милали Муттаҳид оид ба Осиё ва ҳавзаи уқёнуси Ором (ESCAP-ЭСКАТО) дар пойтахт машғулият доир гардид. Дар он мутахассисону коршиносон, олимону муҳаққиқони сатҳи байналмилалӣ, намояндагону кормандони соҳаи шаҳрсозиву меъморӣ ва сохтору ниҳодҳои марбутаи соҳа атрофи масъалаҳои вобаста ба рушди инфрасохтори мунисипалӣ ва дастгирии навовариҳои сиёсати шаҳрсозӣ мубодилаи афкор намуданд.
Дар машғулият гуфта шуд, ки шаҳри Душанбе солҳои охир дар самти рушди шаҳрсозӣ ва меъморӣ ба пешравиҳои назаррас ноил гардидааст. Дар ин робита, интихоби Душанбе — ҳамчун аввалин шаҳри таҷрибавӣ дар истифодаи унсурҳои инноватсионии шаҳрсозии устувор аз ҷониби Шуъбаи муҳити зист ва рушди Комиссияи иқтисодӣ ва иҷтимоии Созмони Милали Муттаҳид оид ба Осиё ва ҳавзаи уқёнуси Ором (ESCAP-ЭСКАТО) ба баланд бардоштани рушди хизматчиёни давлатии шаҳр, ки дар гурӯҳҳои кории миллӣ ва минтақавӣ иштирок мекунанд, иқдоми хуб ва саривақтӣ маънидод мегардад.
Дар ноҳияи Шоҳмансури шаҳри Душанбе Озмуни ноҳиявии «Кадбонуи беҳтарин» баргузор гардид
«МОДАР — САРЧАШМАИ МЕҲРУ МУҲАББАТ». Дар Душанбе Рӯзи модарро ботантана таҷлил намуданд
Иҷлосияи панҷуми Маҷлиси вакилони халқи шаҳри Душанбе, даъвати ҳафтум баргузор мегардад
Маросими қадршиносии беҳтаринҳо дар соҳаҳои кор бо ҷавонон ва варзиши шаҳри Душанбе баргузор гардид
МОДАР — САРЧАШМАИ МЕҲРУ МУҲАББАТ. Дар ноҳияи Шоҳмансур ҳамоиши идонаи фарҳангӣ – фароғатӣ доир шуд
УФУҚҲОИ ДӮСТӢ. Муносибатҳои бародаршаҳрӣ байни Душанбе ва Боку тақвият меёбад
«ЗАН-МОДАР — ПАЙВАНДГАРИ НАСЛҲО». Дар Душанбе ҳамоиши маърифатӣ — фарҳангӣ доир гардид
«БАРОИ ДАВЛАТУ МИЛЛАТАМ СОДИҚОНА ХИЗМАТ МЕКУНАМ!». Дар Душанбе Фестивали дӯстии афсарону сарбозон доир гардид
«САЙРИ ГУЛИ ЛОЛА». Дар Душанбе таҳти чунин унвон Фестивали гулҳо баргузор мегардад
Форуми V байналмилалии «Наврӯзи Душанбе – меҳвари робитаҳои фарҳангию сайёҳӣ» баргузор мегардад
Дар Душанбе ба ифтихори Рӯзи Қувваҳои Мусаллаҳи Ҷумҳурии Тоҷикистон чорабинии бошукуҳ баргузор гардид
Соли 2025 зиёда аз 1 миллион сайёҳон ба шаҳри Душанбе ворид гардидаанд
