«ФОИЗҲОИ САБУК». Бо чунин ном «Спитамен Бонк» аксияи баҳорӣ доир менамояд

ДУШАНБЕ, 18.02.2020 /АМИТ «Ховар»/. «Спитамен Бонк»  бо номи «Фоизҳои сабук» аксияи баҳорӣ эълон намуда,  аз паст шудани фоизи қарзҳо хабар мерасонад. Иқдоми баҳорӣ ба ҳама маҳсулоти қарзӣ дахл дошта, аз 17 феврал то 30 апрели соли 2020 гузаронида мешавад.

Дар доираи ин  аксия мизоҷон метавонанд бо фоизҳои пасткардашуда,  аз ҷумла, бо асъори хориҷӣ бо 14% солона ва бо пули миллӣ бо 22% солона қарз гиранд. Ба ғайр аз ин, агар маблағи қарз бо сомонӣ аз 200 000 сомонӣ зиёд бошад, пас фоизҳо 2 зинаи дигар (20%) кам карда мешаванд.

Ҳамзамон дар давраи иқдоми баҳорӣ метавон барои харидани мошини шахсӣ аз хизматрасонии автоқарз истифода кард. Ин хизматрасонӣ  на танҳо бо фоизҳои пастшуда, балки бе пешпардохт низ сурат мегирад. Шартҳои автоқарз ҳам нисбат ба мошинҳои нав ва ҳам ба мошинҳои бозори дуюм татбиқ мешаванд.

Иқдоми навбатии Спитамен Бонк барои ба таври шоиста зиндагӣ намудани мардум равона гардидааст.

Ёдовар мешавем, ки айни замон 25 филиал ва марказҳои хизматрасонии “Спитамен Бонк”  дар саросари мамлакат фаъолият  дошта,  ба  шахсони  воқеӣ ва ҳуқуқӣ номгӯи васеи хизматрасонӣ пешниҳод мекунанд.