ИНТИХОБОТ-2020: Наздики 100 нафар нозирони байналмилалӣ аз ИДМ ҷараёни баргузории интихоботи вакилони парлумонро дар Тоҷикистон мушоҳида мекунанд
ДУШАНБЕ, 10.02.2020 /АМИТ «Ховар»/. «Ҷараёни баргузории интихоботи вакилони Маҷлиси намояндагони Маҷлиси Олии Ҷумҳурии Тоҷикистонро аз кишварҳои Иттиҳоди Давлатҳои Мустақил /ИДМ/ наздики 100 нафар нозири байналмилалӣ мушоҳида мекунанд»,-чунин иброз намуд роҳбари миссияи мушоҳидони ин созмон, муовини раиси Кумитаи иҷроияи ИДМ Агибай СМАГУЛОВ ба хабарнигори АМИТ «Ховар» Мавҷуда АНВАРӢ.
«Дар доираи сафар мо бо намояндагони баъзе аз вазорату идораҳои Ҷумҳурии Тоҷикистон мулоқот намуда, аз ҳавзаҳо ва участкаҳои интихоботӣ дидан менамоем. Ҷараёни омодагиҳо дар ҳавзаю участкаҳои интихоботӣ ва корҳои тарғиботию ташвиқотиро назорат мекунем. Изҳори боварӣ менамоем, ки интихоботи вакилони Маҷлиси намояндагони Маҷлиси Олии Ҷумҳурии Тоҷикистон бо риояи қонунгузории амалкунандаи Ҷумҳурии Тоҷикистон ва санадҳои байналмилалӣ дар фазои орому осуда баргузор мегардад ва ба рушду нумуи минбаъдаи Ҷумҳурии Тоҷикистон мусоидат менамояд»,-хулоса намуд Агибай Смагулов.
Тавре қаблан АМИТ «Ховар» навишт, Агибай Смагулов – дипломатии маъруф ва мутахассиси соҳаи байналмилалист, ки забони тоҷикиро хуб медонад, қаблан дар Қазоқистон, Тоҷикистон, Эрон, Афғонистон кор кардааст, дар Қӯшунҳои сарҳадии собиқ ИҶШС ба ҳайси афсар хидмат намуда, дорои рутбаи Сафири фавқулода ва мухтор ва муаллифи се китоб мебошад.
Бояд гуфт, ки ҷиҳати таъмини шаффофият ва мушоҳидаи ошкорои давраи омодагӣ ва баргузории интихоботи Маҷлиси намояндагони Маҷлиси Олии Ҷумҳурии Тоҷикистон Комиссияи марказии интихобот ва раъйпурсии Ҷумҳурии Тоҷикистон то 5 феврали соли равон 36 нафар мушоҳидони байналмилалиро аккредитатсия намудааст. Ин мушоҳидони байналмилалӣ аз Ассамблеяи байнипарлумонии ИДМ, Кумитаи иҷроияи Иттиҳоди Давлатҳои Мустақил, Ҷумҳурии Беларус ва корпуси дипломатии муқими Тоҷикистон мебошанд.
Аккредитатсияи дигар мушоҳидони байналмилалӣ идома дорад.
Мавриди зикр аст, ки мутобиқи талаботи конунгузории интихобот мушоҳидони байналмилалӣ дар ҳудуди Ҷумҳурии Тоҷикистон таҳти ҳимояи давлат мебошанд.
Ҷумҳурии Тоҷикистон тавассути Вазорати корҳои хориҷии Ҷумҳурии Тоҷикистон ба як қатор созмонҳои байналмилалӣ барои иштироки мушоҳидон даъватнома фиристода буд.
Дар назар аст, ки ҷараёни баргузории ин маъракаи сиёсиро мушоҳидони байналмилалӣ, аз ҷумла аз Иттиҳоди Давлатҳои Мустақил, Ассамблеяи байнипарлумонии Иттиҳоди Давлатҳои Мустақил, Созмони ҳамкории Шанхай ва корпуси дипломатии муқими Тоҷикистон мушоҳида кунанд.
Файзалӣ Идизода дар ҷаласаи муштараки Шуро ва ҷаласаи ҳаждаҳуми пленарии Ассамблеяи парламентии СААД иштирок намуд
Ҷаласаи Комиссияи Маҷлиси миллии Маҷлиси Олии Ҷумҳурии Тоҷикистон оид ба назорати Дастур баргузор гардид
Ҷаласаи кумитаи Маҷлиси миллӣ оид ба таъмини асосҳои конститутсионӣ, ҳуқуқу озодиҳои инсон, шаҳрванд ва қонуният доир гардид
Дар ҷаласаи кумитаи Маҷлиси миллӣ Қонуни Ҷумҳурии Тоҷикистон «Дар бораи мақоми омӯзгор» баррасӣ шуд
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Масъалаи Қонуни Ҷумҳурии Тоҷикистон «Оид ба ворид намудани иловаҳо ба Қонун «Дар бораи хизмати дипломатӣ» баррасӣ гардид
Шермуҳаммад Шоҳиён дар ҷаласаи навбатии Кумитаи доимии умури сиёсии Ассамблеяи парлумонии Осиё иштирок намуд
Вакилони тоҷик дар конфронси байналмилалӣ оид ҳамкории байнипарламентии кишварҳои ИДМ иштирок намуданд
Ориф Амирзода муовини раиси Шурои коршиносон оид ба экология ва истифодаи табиат дар назди Ассамблеяи байнипарламентии ИДМ интихоб шуд
Дар иҷлосияи дуюми Маҷлиси намояндагони Маҷлиси Олии Ҷумҳурии Тоҷикистон ба якчанд қонун тағйиру илова ворид карда шуд
Файзалӣ Идизода бо Раиси Маҷлиси Бузурги Миллии Ҷумҳурии Туркия Нумон Куртулмуш мулоқот намуд
Раиси Маҷлиси миллии Маҷлиси Олӣ Рустами Эмомалӣ бо Раиси Маҷлиси Бузурги Миллии Туркия Нуман Куртулмуш дар ҳузури ҳайатҳои парламентҳо мулоқот анҷом доданд
