Муовини якуми Раиси шаҳри Душанбе: «Дар хусуси кӯчонидани «Чойхонаи Роҳат» ҳанӯз иқдоме рӯи кор наомадааст»

Февраль 12, 2020 14:58

ДУШАНБЕ, 12.02.2020. /АМИТ «Ховар»/. Татбиқи  нақшаи генералии шаҳри Душанбе тақозо менамояд, ки  бинои Мақомоти иҷроияи ҳокимияти давлатии шаҳри Душанбе (собиқ бинои ДИПҶТ) тахриб карда шавад. Дар ҷои он  биноҳои бисёрошёнаи муосир  бунёд мегарданд. Дар хусуси кӯчонидани «Чойхонаи Роҳат»  ҳанӯз иқдоме рӯи кор наомадааст. Айни замон лоиҳаи навсозии роҳи танобӣ дар мавзеи «Боғи Ғалаба»-и пойтахт таҳия гардида,  татбиқгари он низ ояндаи наздик  муайян  мешавад.

Ин матлаб посухи муовини якуми Раиси шаҳри Душанбе Маҳмадсаид Зувайдзода  аст, ки имрӯз зимни нишасти матбуотӣ ба намояндагони воситаҳои ахбори омма иброз дошт.

«Мақомоти иҷроияи ҳокимияти давлатии шаҳри Душанбе  нақшаи дурнамои вайронкунии биноҳои фарсудашуда ва дар навбати аввал биноҳои камошёнаи дар ҳолати садамавӣ қарордоштаро  тартиб дода, онро давра ба давра  то соли 2025 амалӣ менамояд. Дар ҳудуди заминҳои  ба пойтахт  аз ҳисоби  заминҳои ноҳияи Рӯдакӣ  воридшуда мутобиқи Нақшаи генералии тасдиқшудаи шаҳри Душанбе сохтмони инфрасохтори шаҳр, маҷмааҳои шаҳрофар, иншооти варзишӣ, биноҳои намоишӣ, боғҳои фарҳангию фароғатӣ  ва майдонҳо ба  нақша гирифта шудаанд»,-афзуд М.Зувайдзода.

 Ҳамчунин гуфта шуд, ки дар доираи татбиқи Нақшаи генералии шаҳри Душанбе, ки то соли 2040 марҳила ба марҳила амалӣ мегардад, дар пойтахт, аз ҷумла,  дар маркази шаҳр даҳҳо биноҳои баландошёнаи истиқоматӣ, маъмурӣ, таълимӣ ва марказҳои муосири савдою хизматрасонӣ  бунёд мегарданд.

Февраль 12, 2020 14:58

Хабарҳои дигари ин бахш

ХАЙРУ ЭҲСОН БАР ЯТИМОН ПЕШАИ МАРДОН БУВАД. Раиси шаҳри Душанбе Рустами Эмомалӣ ба зиёда аз 7,5 ҳазор ниёзмандон кумак расонданд
Бо қарори Раиси шаҳри Душанбе Рустами Эмомалӣ ба иштирокчиёну маъюбони ҶБВ кумакҳои пулӣ расонида мешаванд
Дар Душанбе корҳои омодагӣ ба таҷлили Рӯзи Ғалаба оғоз гардиданд
Дар чор ноҳияи шаҳри Душанбе ярмаркаҳои фурӯши маҳсулот ҷараён доранд
Пешниҳод гардид, ки ба Душанбе унвони «Шаҳри шуҷоати меҳнатӣ» дода шавад
Китобхонаи марказонидашудаи шаҳрии ба номи А.Лоҳутӣ аз рӯи номинаи «Китобхонаи беҳтарини оммавӣ» сазовори ҷои аввал гардид
Муовини Раиси шаҳри Душанбе Дилбар Одилзода дар Иҷлосияи 28-уми Ассамблеяи байналхалқии пойтахтҳо ва шаҳрҳои бузург ба таври маҷозӣ иштирок кард
ЭЪЛОН! Мақомоти иҷроияи ҳокимияти давлатии шаҳри Душанбе пурра ба бинои собиқи МТС кӯчид
«ШАҲРИ ГУЛРЕЗ». Душанберо ба макони сарсабзу хуррам ва гулафшон табдил медиҳем
Барномаи рушди футбол дар шаҳри Душанбе барои солҳои 2022 – 2026 тасдиқ шуд
Барномаи рушди тарбияи ҷисмонӣ ва варзиш дар шаҳри Душанбе барои солҳои 2022-2026 тасдиқ гардид
Бахшида ба Рӯзи пойтахт таҳти унвони «Ту қалби Тоҷикистонӣ — Душанбе» барномаи фарҳангӣ баргузор гардид