Сарҳадбонон ворид намудани 400 кг носро аз Тоҷикистон ба Россия пешгирӣ карданд

ДУШАНБЕ, 11.02.2020 /АМИТ «Ховар»/. Кормандони Хадамоти назорати сарҳадии ФСБ-и Россия кӯшиши ба қаламрави вилояти Кургон ворид намудани миқдори зиёди носро, ки фурӯши он дар Федератсияи Россия аз соли 2013 манъ шудааст,  пешгирӣ карданд. Тавре АМИТ «Ховар» бо истинод ба хабаргузории ТАСС иттилоъ медиҳад, дар ин бора хадамоти матбуоти департаменти ФСБ дар вилоятҳои Қурғон ва Тюмен хабар додааст.

«Дар гузаргоҳи автомобилии Петухово афсарони Раёсати марзбонии Хадамоти федералии амнияти Россия дар минтақаҳои Қурғон ва Тюмен дар якҷоягӣ бо кормандони Идораи назоратии вилояти  Қурғон кӯшиши ворид кардани носро ба Россия пешгирӣ карданд. Бори манъшуда аз ҷониби сарҳадбонон дар 13 халта ва халтаи пластикии вазнаш қариб 400 кг дарёфт карда шуд», — омадааст дар хабар.

Хадамоти матбуот илова намуд, ки ин аввалин ҳодисаи рухдода дар гузаргоҳи Петухово дар моҳи феврал нест. «7 феврал як шаҳрванди Қирғизистон дар дохили либосаш аз Бишкек ба Сургут ҳудуди 50 кг нос интиқол дода буд», — гуфтанд онҳо.