Созмони хонандагони шаҳри Душанбе ба номи Исмоили Сомонӣ 20-сола шуд

Февраль 26, 2020 13:00

ДУШАНБЕ, 26.02.2020. /АМИТ «Ховар»/. Имрӯз ба муносибати 20-солагии рӯзи таъсиси Созмони хонандагони шаҳри Душанбе ба номи Исмоили Сомонӣ маросими гулгузорӣ ба пояи муҷассамаи шоҳ Исмоили Сомонӣ сурат гирифт. Ҳамчунин дар ин макони ифтихорӣ  ва рӯзи хотирмон беш аз 150 нафар хонандагони фаъоли пойтахт дар вазъияти тантанавӣ баъди қабули  савганд  ба сафи Созмони мазкур  аъзо гардиданд.

Тавре мухбири АМИТ «Ховар» хабар медиҳад,  дар маросими узвият ба сафи созмони хонандагони шаҳр намояндагони Мақомоти иҷроияи ҳокимияти давлатии шаҳри Душанбе, Сарраёсати маориф, шуъбаҳои маорифи пойтахт ва дигар сохторҳои дахлдори шаҳр  иштирок намуданд. Чун анъана гарданбандҳои аъзои нави Созмони хонандагонро  меҳмонон ва собиқадорони соҳаи маориф бастанд.

Имрӯз бахшида ба 20-солагии рӯзи таъсиси Созмони хонандагони шаҳри Душанбе ба номи Исмоили Сомонӣ дар Муассисаи давлатии «Маркази кӯдакону наврасони шаҳри Душанбе»  ҷамъомади тантанавӣ низ баргузор мегардад.

Ёдовар мешавем, ки Созмони талабагони шаҳри Душанбе ба номи Исмоли Сомонӣ шурӯъ аз соли 2000 дар пойтахт ба хотири пешбурди корҳои тарбиявӣ ва ҷалби хонандагони муассисаҳои таълимии шаҳр  ба кори худидора ҳамчун ташкилоти ҷамъиятии кӯдакону наврасон фаъолият менамояд.

Мақсадҳои оинномавии Созмони мазкур тарбияи насли наврас дар рӯҳияи ватандӯстиву худшиносии миллӣ, парвариши инсони комил, ҷалби хонандагон ба кори худидора, ҳифзи ҳуқуқу манфиатҳои кӯдакон ва ташкили чорабиниҳои фарҳангиву маърифатии дорои хусусияти ватандӯстона барои насли наврас мебошад.

Созмони  мазкур бо қарори мушовараи Вазорати маорифи Ҷумҳурии Тоҷикистон аз 26 феврали соли 1999 дар ҳамаи намуди муассисаҳои таълимии ҷумҳурӣ таъсис ёфта, ташкили кор, идора ва назорати фаъолияти рӯзмарраи он ба зиммаи муассисаҳои таҳсилоти иловагӣ гузошта шудааст.

Дар шаҳри Душанбе ин вазифаро Муассисаи давлатии “Маркази кӯдакон ва наврасони шаҳри Душанбе” иҷро намуда, Шӯрои шаҳрии Созмони талабагони пойтахт низ дар зиммаи он фаъолият менамояд. Фаъолияти созмон асосан дар муассисаҳои таълимӣ ба воситаи “Ахтарон” (хонандагони синфҳои 1-4), “Ворисони Сомониён” (хонандагони синфҳои 5-9), ва “Сомониён” (хонандагони синфҳои 10-11) амалӣ гардида, то ҳол шумораи умумии аъзои он дар пойтахт зиёда аз 120 000 нафарро ташкил медиҳад.

Дар тӯли фаъолияти бистсола Созмони талабагон дар шаҳри Душанбе тавонист, ки ба ташкилоти ягонаи муттаҳидкунандаи кӯдакону наврасон табдил ёбад.

Дар ин давра тамоми рукнҳои мустақилияти он муқаррар ва қабул гардиданд. Ҳоло Созмон дорои рамз, байрақ, суруд, галстук  ва нишони сарисинагии узвият  буда, иттиҳодияти муваффақу  барӯманди мактаббачагони пойтахт гардидааст.

       Рухсораи НУР,
АМИТ «Ховар»

Февраль 26, 2020 13:00

Хабарҳои дигари ин бахш

Китобхонаи марказонидашудаи шаҳрии ба номи А.Лоҳутӣ аз рӯи номинаи «Китобхонаи беҳтарини оммавӣ» сазовори ҷои аввал гардид
Муовини Раиси шаҳри Душанбе Дилбар Одилзода дар Иҷлосияи 28-уми Ассамблеяи байналхалқии пойтахтҳо ва шаҳрҳои бузург ба таври маҷозӣ иштирок кард
ЭЪЛОН! Мақомоти иҷроияи ҳокимияти давлатии шаҳри Душанбе пурра ба бинои собиқи МТС кӯчид
«ШАҲРИ ГУЛРЕЗ». Душанберо ба макони сарсабзу хуррам ва гулафшон табдил медиҳем
Барномаи рушди футбол дар шаҳри Душанбе барои солҳои 2022 – 2026 тасдиқ шуд
Барномаи рушди тарбияи ҷисмонӣ ва варзиш дар шаҳри Душанбе барои солҳои 2022-2026 тасдиқ гардид
Бахшида ба Рӯзи пойтахт таҳти унвони «Ту қалби Тоҷикистонӣ — Душанбе» барномаи фарҳангӣ баргузор гардид
НИММАРАФОНИ ХII БАЙНАЛМИЛАЛИИ ДУШАНБЕ-2022. Варзишгарон аз Кения ва Эфиопия миёни мардон ва занон ғолиб омаданд
«ШАҲРИ ИШҚАМ, ШАҲРИ БАХТАМ, ШАҲРИ АРМОНАМ, ДУШАНБЕ!». Меҳрномаи шоирон дар васфи пойтахти Тоҷикистон
ДУШАНБЕ, ИН ГУЛАФШОНАТ МУБОРАК! Сайре ба боғҳои шаҳр дар Рӯзи пойтахт
Пагоҳ дар Душанбе Ниммарафони ХII байналмилалӣ баргузор мешавад
ТАВАҶҶУҲ! Ҳаракати воситаҳои нақлиёт аз хиёбони Н. Махсум то кӯчаи А. Навоии Душанбе муваққатан қатъ мегардад