ҶАБҲАИ БУЗУРГИ СОЗАНДАГӢ ДАР ШАҲРУ ДЕҲОТИ ТОҶИКИСТОН. Соҳибкори маҳаллӣ дар Конибодом бинои истиқоматии бисёрошёна месозад
ДУШАНБЕ, 18.03.2020 /АМИТ «Ховар»/. Бахшида ба 30-солагии Истиқлолияти давлатӣ дар шаҳри Конибодом аз ҷониби соҳибкори маҳаллӣ Самиҷон Қобилов бинои истиқоматии бисёрошёна бунёд мегардад. Дар ин бора хабарнигори АМИТ «Ховар» бо истинод ба маркази матбуоти раиси вилояти Суғд иттилоъ медиҳад.
Раиси вилоят Раҷаббой Аҳмадзода ҷиҳати шиносоӣ бо ҷараёни бунёдкориҳо ба шаҳри Конибодом сафари корӣ анҷом дод. Тавре зикр гардид, дар шаҳр аз тарафи соҳибкори маҳаллӣ Самиҷон Қобилов бинои истиқоматии бисёрошёна ба истифода дода мешавад. Навбати аввали сохтмон бо таваққуфгоҳи зеризаминӣ барои нақлиёт ва майдончаҳои бозии кӯдакон моҳи сентябри соли 2020 мавриди истифода қарор мегирад.
Ҳамчунин то моҳи сентябри соли равон дар шаҳри Конибодом майдони Нишони давлатӣ ба истифода дода мешавад. Нишони мазкур дар маркази шаҳр ҷойгир буда, масоҳати умумии он 1 гектарро ташкил медиҳад,
Раиси вилоят бо ҷараёни навсозии собиқ кинотеатри ба номи Комил Ёрматов, ки дар ҳудуди боғи фарҳанг ва истироҳати шаҳри Конибодом ҷойгир аст, шинос гардид. Бинои кинотеатр соли 1959 бунёд ёфта, айни замон дар мувозинаи мақомоти иҷроияи ҳокимияти давлатии шаҳри Конибодом қарор дорад. Навсозии бинои мазкур бо 500 ҷойи нишаст бо маблағгузории буҷети мақомоти иҷроияи ҳокимияти давлатии вилоят амалӣ карда мешавад.
Ҳамчунин бо маблағгузорӣ аз буҷети мақомоти иҷроияи ҳокимияти давлатии шаҳри Конибодом навсозии боғи фарҳанг ва истироҳати шаҳр сурат мегирад. Боғи мазкур дар кӯчаи ба номи Исмоили Сомонӣ ҷойгир буда, масоҳати он 3,8 гектарро ташкил медиҳад.
Дар шаҳри Конибодом ҶСК «Конибодом» фаъолият мекунад, ки ба истеҳсоли конвсерва машғул мебошад. Айни замон дар он зиёда аз 70 нафар машғули коранд. Роҳбарияти корхона тасмим дорад, ки бо мақсади васеъ намудани доираи фаъолият барои нигоҳдории 1200 тонна маҳсулот сардхона ва барои коркарди меваи хушк сехи банду баст ташкил намояд.
Дар ҷараёни сафар Раҷаббой Аҳмадзода ташаббуси соҳибкоронро хуш истиқбол намуда, ҷиҳати бо сифати баланд бунёд кардани иншооти ба нақша гирифташуда, зиёд намудани истеҳсоли маҳсулот ва содироти он ба хориҷи мамлакат тавсия дод.
Суханронии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар мулоқот бо роҳбарону фаъолони вилояти Суғд ба ифтихори ҷашни 35-солагии истиқлоли давлатии Ҷумҳурии Тоҷикистон
Пешвои миллат Эмомалӣ Раҳмон бо роҳбарону фаъолони вилояти Суғд мулоқот намуданд
Ба ифтихори 35-солагии Истиқлоли давлатӣ дар Ёвон 649 иншооти гуногун ба истифода дода шуд
Дар Ҳамбурги Олмон 35-солагии Истиқлоли давлатии Тоҷикистон таҷлил гардид
«ИСТИҚЛОЛ — ГАНҶИ МИЛЛАТ, БАҚОИ ДАВЛАТ». Бо чунин унвон дар шаҳри Хуҷанд ҳамоиши ҷумҳуриявӣ доир шуд
Дар иншооти ҷашнии ноҳияи Ашт корҳои ободониву созандагӣ идома доранд
Намояндагони баландпояи Бонки ҷаҳонӣ бо мукофотҳои давлатии Ҷумҳурии Тоҷикистон сарфароз гардиданд
Дар Екатеринбург 35-солагии Истиқлоли давлатии Тоҷикистонро таҷлил намуданд
Сарвари давлат Эмомалӣ Раҳмон дар шаҳри Хуҷанд аз чойхонаи Сирдарё дидан намуданд
Пешвои миллат Эмомалӣ Раҳмон дар шаҳри Хуҷанд якчанд иншооти нави истеҳсоливу иҷтимоиро ба таври фосилавӣ ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар шаҳри Хуҷанд муассисаи томактабии «Хуршеди Истиқлол»-ро ба истифода доданд
Сарвари давлат Эмомалӣ Раҳмон дар шаҳри Хуҷанд муассисаи таҳсилоти миёнаи умумии №26-и «Нури Раҳмон»-ро ба истифода доданд
