COVID-19 ДАР ИДМ. Дар Арманистон, Беларус ва Ӯзбекистон теъдоди мубталоён ба коронавирус афзоиш ёфт
ДУШАНБЕ, 20.03.2020 /АМИТ «Ховар»/. Имрӯз бо ошкор гардидани 14 ҳолати сироятёбӣ аз коронавирус дар Арманистон, 18 ҳолат дар Беларус ва 10 ҳолат дар Ӯзбекистон шумораи мубталоён дар ин кишварҳо мутаносибан ба 136, 69 ва 33 нафар расид. Дар ин бора АМИТ «Ховар» бо истинод ба маълумоти Созмони умумиҷаҳонии тандурустӣ хабар медиҳад.
Гуфта мешавад, ки аз 10 нафари имрӯз дар Ӯзбекистон сироятёфта 9 нафарашон хешовандони наздики бемори қаблан ба коронавирус мубталошуда ва 1 нафар мусофире, ки ба наздикӣ аз хориҷа омада буд, мебошанд.
Чанде пеш шумораи гирифторони коронавирус дар Арманистон 122 нафар, дар Беларус – 69 ва дар Ӯзбекистон — 8 нафар буд.
Тавре қаблан АМИТ «Ховар» иттилоъ дода буд, ба ҳолати субҳи 20 март шумораи умумии гирифторони коронавирус дар дигар давлатҳои ИДМ, аз ҷумла, дар Россия 199 нафар, дар Молдова – 49, дар Қазоқистон – 49, дар Озарбойҷон — 44, дар Украина — 26 ва дар Қирғизистон — 6 нафарро ташкил медиҳад.
Илова бар ин, имрӯз дар Афғонистони ҳамсоя низ ду ҳолати сироятёбӣ аз коронавирус ба қайд гирифта шуда, шумораи умумии онҳо дар ин кишвар ба 24 нафар расид, ки миёни онҳо 1 кас аз беморхона ҷавоб шуд.
Бояд тазаккур дод, ки то имрӯз дар Тоҷикистон ва Туркманистон ягон ҳолати сирояти коронавирус ба қайд гирифта нашудааст.
Ҳамагӣ дар ҷаҳон беш аз 247 ҳазор нафар ба коронавирус гирифтор шудаанд, ки аз ин шумора беш аз 10 ҳазор нафар вафот карда, зиёда аз 88,5 ҳазор кас шифо ёфтаанд ва беш аз 7,4 ҳазор тан дар ҳолати вазнин қарор доранд.
Ёдовар мешавем, ки 11 март Созмони умумиҷаҳонии тандурустӣ хуруҷи COVID-19-ро пандемия эълон кард.
Раёсат дар Иттиҳоди Давлатҳои Мустақил дар соли 2026 ба Туркманистон гузашт
Президенти Ҷумҳурии Тоҷикистон Эмомалӣ Раҳмон бо медали «Барои хизматҳо дар рушди ҳамкории башардӯстона» сарфароз гардонида шуданд
ТОҶИКИСТОН — МИЗБОНИ ЧОРАБИНИҲОИ МУҲИМИ БАЙНАЛМИЛАЛӢ. Интихоби Душанбе чун макони баргузории ин чорабиниҳои муҳим ба таҷриба, эътибор ва нуфузи байналмилалии мамлакат асос ёфтааст
Вуруди Резервати биосферии «Ромит» ба Шабакаи ҷаҳонии мамнуъгоҳҳои ЮНЕСКО — рӯйдоди муҳим дар соҳаи экологии Тоҷикистон
Имрӯз дар Минск ҷаласаи Шурои сарони ҳукуматҳои ИДМ баргузор мегардад
ДИПЛОМАТИЯИ ТОҶИКИСТОН: АЗ СУХАНРОНИИ ТАЪРИХӢ ТО ТАШАББУСҲОИ ГЛОБАЛӢ. Эҳдо ба Рӯзи кормандони хизмати дипломатии Тоҷикистон
Президенти Тоҷикистон: «Таъсиси Маркази минтақавии зеҳни сунъиро дар шаҳри Душанбе салоҳи кор мешуморем»
Пиряхҳо ва дигар манбаъҳои обии Тоҷикистон то 60 фоизи захираҳои оби Осиёи Марказиро ташкил медиҳанд
Тоҷикистон дар соҳаи дипломатияи об мавқеи фаъол дорад
Тоҷикистон аз пайомадҳои манфии раванди тағйирёбии иқлим нигарон мебошад
Эмомалӣ Раҳмон: «Қатъномаи махсуси СММ оид ба эълон кардани «Даҳсолаи таҳкими сулҳ ба хотири наслҳои оянда» мавриди баррасӣ қарор дода шавад»
Президенти Тоҷикистон: «Маҷмаи Умумии СММ имконияти эълон намудани Соли байналмилалии маърифати ҳуқуқиро мавриди баррасӣ қарор диҳад»
