COVID-19 ДАР ИДМ. Шумораи гирифторони коронавирус дар Россия аз ҳазор нафар гузашт
ДУШАНБЕ, 27.03.2020 /АМИТ «Ховар»/. Шумораи шахсони гирифтор ба навъи нави коронавируси COVID-19 дар Россия 182 нафар зиёд шуда, акнун теъдоди умумии онҳо дар ин давлат 1036 нафарро ташкил медиҳад. Шумораи беморони шифоёфта ва фавтидагон низ дар Россия зиёд шуда, мутаносибан ба 45 ва 3 нафар расид. Дар ин бора АМИТ «Ховар» бо истинод ба маълумоти охирини Созмони умумиҷаҳонии тандурустӣ (СУТ) хабар медиҳад.
Ҳамчунин бо ошкор гардидани 22 ҳолати нави сироятёбӣ аз коронавирус дар Украина ва 14 ҳолати дигар дар Қирғизистон шумораи мубталоён дар ин давлатҳо мутаносибан ба 218 ва 58 нафар расид.
Қаблан шумораи сироятёфтагон дар Россия 840 нафар, Украина — 196 ва Қирғизистон — 44 нафар буд.
Дар дигар давлатҳои ИДМ, аз ҷумла Арманистон, Беларус, Қазоқистон, Молдова, Озарбойҷон ва Ӯзбекистон шумораи мубталоён бетағйир боқӣ монда, он мутаносибан 329, 86, 124, 177, 122 ва 83 нафарро ташкил медиҳад.
Дар баъзе аз ин давлатҳо шумораи бемороне, ки шифо ёфтаанд, низ рӯз аз рӯз меафзояд. Масалан, то имрӯз дар Россия 45 нафар, Беларус — 29, Арманистон — 18, Озарбойҷон — 15, Ӯзбекистон – 5, Молдова — 2, Қазоқистон — 2 ва Украина — 1 нафар шифо ёфта, ба манзили зисташон баргаштаанд.
Илова бар ин, дар Россия 2 ҳолати фавт бар асари коронавирус, Озарбойҷон – 3, Молдова – 2, Арманистон – 1, Қазоқистон — 1, Ӯзбекистон — 1 ва Украина – 5 ҳолат ба қайд гирифта шуд.
Миёни давлатҳои Осиёи Марказӣ ва ИДМ танҳо дар Тоҷикистон ва Туркманистон то имрӯз ягон ҳолати сирояти коронавирус ба қайд гирифта нашудааст.
Мувофиқи маълумоти нави СУТ, дар ҷаҳон беш аз 537 ҳазор нафар ба коронавирус гирифтор шудаанд, ки аз ин шумора беш аз 24 ҳазор нафар вафот карда, зиёда аз 124 ҳазор кас шифо ёфтаанд ва беш аз 19 ҳазор тан дар ҳолати вазнин қарор доранд.
Ёдовар мешавем, ки 11 март СУТ хуруҷи COVID-19-ро пандемия эълон кард.
ДАР АКС: Маркази тиббии бисёрҷанбаи «Новомосковский» дар Коммунарка, Москва, Россия
АКС аз Валерий Шарифулин (ТАСС)
Эмомалӣ Раҳмон: «Қаҳрамонони сулҳу субот ва ваҳдати миллӣ танҳо мардуми шарифу сарбаланди Тоҷикистон мебошанд»
10 АМАЛИ ЗАМИНАСОЗИ СУЛҲУ ВАҲДАТ. Ба истиқболи 28-солагии Рӯзи Ваҳдати миллӣ
ВАҲДАТИ МИЛЛӢ – КАФОЛАТИ ПОЙДОРИИ ДАВЛАТ. Мулоҳизаҳои Прокурори генералии Ҷумҳурии Тоҷикистон дар ин мавзуъ
Эмомалӣ Раҳмон ва Си Ҷинпин оғози парвозҳои мустақими мусофирбарӣ байни Душанбе ва Пекинро рӯйдоди муҳим номиданд
Ҷашни Тиргон бо баргузории иди зардолу ва намоиши «Хушкмеваҳои Тоҷикистон» таҷлил мегардад
Каролин Глейч: «Тоҷикистон сарзамине бо табиати нотакрор аст ва мебояд, ин зебоиро ба тамоми ҷаҳон нишон дод!»
Кирти Вардхан Сингҳ: «Ҳифзи пиряхҳо ҳамбастагӣ, ҳамкории байналмилалӣ ва фаҳмиши муштараки илмиро талаб мекунад»
Кэтрин Рассел, директори иҷроияи ЮНИСЕФ: «Мо мехоҳем, ки садои кӯдакон ва ҷавонон дар сиёсати иқлимӣ шунида шавад»
Ясмин Сиддиқӣ: «Обшавии пиряхҳо танҳо як мушкили муҳити зист нест, ин буҳрони об, ғизо ва рӯзгор аст»
Қоҳир Расулзода Конфронси байналмилалии сатҳи баланд оид ба ҳифзи пиряхҳоро натиҷагирӣ намуд
Шамс Аббосӣ: «Таҳти роҳбарии Эмомалӣ Раҳмон мардуми тоҷик дар самти мубориза бо тағйирёбии иқлим ва пешбурди донишҳои экологӣ қадамҳои бузург мегузоранд»
Султон Ҷамшед: «ВАО-и Тоҷикистон дар инъикоси кори конфронси сатҳи баланд муваффақ буд»
