Дар деҳаи Пушинги ноҳияи Данғара Мусобиқаи кушоди гӯштини миллӣ доир гардид
ДУШАНБЕ, 19.03.2020. /АМИТ «Ховар»/. Бахшида ба ҷашни байналмилии Наврӯз дар деҳаи Пушинги ноҳияи Данғара Мусобиқаи кушоди гӯштини миллӣ бо доираи васеи паҳлавонони маъруфи тоҷик аз ҳар гӯшаву канори ҷумҳурӣ дар сатҳи баланду хотирмон баргузор гардид. Дар мусобиқаи мазкур зиёда аз 500 нафар паҳлавонон миёни наврасон, ҷавонон ва калонсолон байни ҳам рақобат намуданд. Дар ин бора мухбири АМИТ «Ховар», ки шоҳиди ин мусобиқа буд, хабар медиҳад.
Ба иттилои номбурда, қувваозмоиҳо дар вазнҳои мухталиф сурат гирифта, паҳлавонони шинохта ба даври ниҳоӣ роҳхат ёфтанд. Ду паҳлавони ҷавони тоҷик- Азиз Рамазонов ва Саидмухтор Расулов, ки ҳарду қаҳрамони Тоҷикистон дар вазни 73 кг-и гӯштини дзюдо мебошанд, назар ба дигар рақибони ҳамин вазн гӯштини хуб нишон дода, маҳорати паҳлавонии худро манзури тамошобинон гардониданд. Дар рақобати миёни гаронвазнҳо ду паҳлавони шинохтаи тоҷик- Саидҷалол Саидов ва Фарёд Шайхов миёни ҳам сабқат карданд.
Сабқати ин ду гӯштингири шинохта қариб 8 дақиқа давом ёфта, дар охир ғолибро муайян накард, аммо мухлисон шоҳиди гӯштини зебо гардиданд. Дар хотима ба варзишгарони беҳтарин туҳфаҳои арзишманд тақдим карда шуд.
Барои тамошои мусобиқаи мазкур аз тамоми гӯшаву канори мамлакат мухлисону ҳаводорони ин навъи зебои варзиши аҷдодӣ ҷамъ омада буданд. Мусобиқаи мазкур аз ҷониби Мақомоти иҷроияи ҳокимияти давлатии ноҳияи Данғара роҳандозӣ гардид.
Ёдовар мешавем, ки 21 март ба ифтихори таҷлили ҷашни ниёгонамон- Наврӯзи хуҷастапай бо дастгирии Мақомоти иҷроияи ҳокимияти давлатии шаҳри Душанбе дар ҳамкорӣ бо Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар Муассисаи давлатии Наврӯзгоҳи пойтахт Мусобиқаи ҷумҳуриявии гӯштини миллӣ барои дарёфти Ҷоми «Пойтахт — 2020» баргузор мешавад. Дар он ширкати беҳтарин паҳлавонони мамлакат аз вилоятҳои Суғду Хатлон ва ВМБК дар назар аст.
Ғолибонро туҳфаҳои арзишманд ва ғолиби вазни мутлақро Шоҳҷоиза – мошини сабукрав интизор аст.
ФУТБОЛ. Дастаи олимпии Тоҷикистон (U-23) бо ҳамсолони худ аз Чин бозиҳои дӯстона баргузор мекунад
Ғолибони Чемпионати Осиё оид ба бокс қадрдонӣ карда шуданд
Ҳайати дастаи мунтахаби Тоҷикистон оид ба футбол барои бозиҳои дӯстона бо тими мунтахаби Ҳиндустон муайян гардид
ФУТБОЛ. Дастаи мунтахаби Тоҷикистон бо тими мунтахаби Ҳиндустон бозиҳои дӯстона анҷом медиҳад
Дар Ёвон гулгашти фарҳангию фароғатӣ бо муҷассамаи «Рамзи футбол» ба истифода дода шуд
Дар деҳаи ба номи Иброҳим Бозорови шаҳри Турсунзода бахшида ба Рӯзи ҷаҳонии футбол майдони варзишии «Ҳумо Арена» ифтитоҳ ёфт
Бахшида ба Рӯзи ҷаҳонии футбол Фестивали бошукуҳи футбол баргузор гардид
Дар Душанбе Варзишгоҳи миллӣ ба истифода дода мешавад
Хислатҳои неки роҳбарии Рустами Эмомалӣ -ҳадафмандӣ, таваҷҷуҳ ба таҷрибаҳои беназир, эҳтиром ба одамон ва муоширати сатҳи баланд
Эмомалӣ Раҳмон: «Футбол имрӯз на танҳо як намуди варзиш, балки омили муҳими таҳкими дӯстӣ, ҳамдигарфаҳмӣ ва ҳамбастагии халқҳо гардидааст»
Дар шаҳри Оснабрюки Олмон бахшида ба Рӯзи ҷаҳонии футбол мусобиқа баргузор гардид
25 МАЙ — РӮЗИ ҶАҲОНИИ ФУТБОЛ. Дар Варзишгоҳи марказии ҷумҳуриявӣ Фестивали футбол доир мегардад
