Дар Тоҷикистон дар ҳолати эълон гардидани карантин гурӯҳи волонтёрон байни аҳолӣ корҳои фаҳмондадиҳӣ мегузаронад
ДУШАНБЕ, 27.03.2020 /АМИТ «Ховар»/. Дар ҳолати эълон гардидани карантин дар Тоҷикистон гурӯҳи волонтёрон ҷиҳати пеш бурдани корҳои фаҳмондадиҳӣ байни аҳолӣ таъсис дода мешавад. Масъалаи мазкур дирӯз, 26 март зимни ҷаласаи навбатии ситоди Вазорати тандурустӣ ва ҳифзи иҷтимоии аҳолии Ҷумҳурии Тоҷикистон оид ба пешгирии сирояти коронавирус ва андешидани тадбирҳои қатъӣ ҷиҳати пешгирии интиқоли он ба мамлакат баррасӣ шуд.
Дар ҷаласаи навбатии ситод, ки таҳти роҳбарии муовини якуми Вазири тандурустӣ ва ҳифзи иҷтимоии аҳолии Ҷумҳурии Тоҷикистон Саида Умарзода ва бо иштироки муовинони вазир Мирҳамуддин Камолзода, Шодихон Ҷамшед, роҳбарон ва сардорони як зумра муассиса ва раёсатҳои тандурустӣ сурат гирифт, масъалаҳои омодагии муассисаҳои тандурустӣ ба ҳолати эҳтимолии хуруҷи коронавирус ба мамлакат баррасӣ гардиданд.
Ба иттилои вазорат, зимни ҷаласа, аз ҷумла масъалаҳои бистарӣ ва табобат намудани сироятёфтагон, дар ҳолатҳои ба қайд гирифтани сирояти мазкур таъмини шуъбаҳои эҳё бо таҷҳизоти зарурӣ, муносибат бо нафарони сироятёфта, таъмин намудани муассисаҳои тандурустӣ бо мавод ва таҷҳизот барои пешгирии коронавирус, баланд бардоштани сатҳи касбияти мутахассисони тиб дар ҳолати эълон намудани карантин дар миқёси ҷумҳурӣ, саҳми табибони оилавӣ дар ин ҳолат ва дигар масъалаҳои вобаста ба он мавриди муҳокима қарор гирифтанд.
«Ҳамзамон Саида Умарзода супориш дод, ки дар ҳолати эълон гардидани карантин дар ҷумҳурӣ бояд гурӯҳи волонтёрон ҷиҳати пеш бурдани корҳои фаҳмондадиҳӣ байни аҳолӣ таъсис дода шавад», — омадааст дар иттилоия.
Барои таъсиси гурӯҳи волонтёрон ва сафарбар намудани онҳо барои гузаронидани корҳои фаҳмондадиҳӣ дар байни аҳолӣ марказҳои тарзи ташаккули ҳаёти солим ва матбуоти вазорат муваззаф гардиданд.
Таъкид гардид, ки новобаста аз он ки то имрӯз дар Тоҷикистон сирояти коронавирус ба қайд гирифта нашудааст, аммо барои дар ҳолати эҳтимолии хуруҷи сирояти мазкур, аз ҷумла бистарӣ ва табобат намудани нафарони сироятёфта бояд муассисаҳои тандурустӣ ҳамаҷониба ба он омода бошанд.
Дар идомаи ҷаласа роҳбарони муассисаҳои тандурустӣ вобаста ба ҷараёни корҳои омодагӣ ҷиҳати пешгирии интиқоли сирояти коронавирус, аз ҷумла захира намудани мавод ва молҳои тиббӣ, муҳайё намудани шароит ва имконоти мусоид ба шаҳрвандоне, ки дар карантин қарор доранд ва дигар масъалаҳои марбута ба муовини якуми Вазири тандурустӣ ва ҳифзи иҷтимоии аҳолии Ҷумҳурии Тоҷикистон Саида Умарзода ҳисобот доданд.
Пас аз шунидани ҳисоботи роҳбарони муассисаҳои тандурустӣ ҷиҳати боз ҳам пурзӯр намудани корҳои омодагӣ ва андешидани тадбирҳои қатъӣ бо мақсади пешгирии интиқоли сирояти коронавирус ба ҷумҳурӣ ва дигар масъалаҳои вобаста ба масъулин дастуру супоришҳои мушаххас дода шуд.
Мавриди зикр аст, ки дар доираи ҳамкории Ҳукумати Ҷумҳурии Тоҷикистон бо Федератсияи Россия 25 март аз ҷониби Хадамоти федералии ҳимояи ҳуқуқи истеъмолкунандагони Россия «Роспотребнадзор» ба Вазорати тандурустӣ ва ҳифзи иҷтимоии аҳолии мамлакат барои муайян намудани коронавирус 20 ҳазор тестҳои оҷилӣ ҷудо карда шуданд.
Президенти Комиссияи Иттиҳоди Аврупо Урсула фон дер Ляйен аз иқтидори бузурги Неругоҳи азими барқи обии «Роғун»-и Тоҷикистон ёдовар шуд
Президенти Тоҷикистон тавсеаи ҳамкории давлатҳои Осиёи Марказиро бо Иттиҳоди Аврупо дар соҳаи энергетикаи «сабз» аз самтҳои ояндадор номиданд
Эмомалӣ Раҳмон: «Пиряхҳои Тоҷикистон танҳо манбаи об барои минтақа набуда, дар нигоҳдории иқлими минтақа низ нақши муҳим мебозанд»
Инъикоси густурдаи таҷлили Ҷашни байналмилалии Наврӯз бо иштироки Сарони се давлати Осиёи Марказӣ дар расонаҳои хабарии минтақаю ҷаҳон ва шабакаҳои иҷтимоӣ
Эмомалӣ Раҳмон: «Натиҷаҳои вохӯриҳои имрӯзаро мо ҳамчун пайки таҷдид ва оғози марҳилаи сифатан нав дар муносибатҳои се кишвар медонем»
Президенти Тоҷикистон: «Худдорӣ намудан аз ҳама гуна зиёдаравию исрофкорӣ вазифаи ҳар бандаи муъмин дар ҳама ҳолат, аз ҷумла дар айёми ид мебошад»
23 март-Рӯзи ҷаҳонии обуҳавошиносӣ. Дар ҳар се соат ҳавошиносони тоҷик ба Хадамоти ҷаҳонии ҳавошиносӣ маълумот пешниҳод менамоянд
«НАВРӮЗ ДАР АСЛ ҶАШНИ ЗИНДАГИСОЗ АСТ». Иқтибос аз суханрониҳои Президенти Ҷумҳурии Тоҷикистон
ИМРӮЗ-РӮЗИ БАЙНАЛМИЛАЛИИ ҲИФЗИ ПИРЯХҲО. Ҳифзи пиряхҳо аз обшавии босуръат ҳамкории дастҷамъонаи давлатҳо ва созмонҳои байналмилалиро тақозо менамояд
Пешвои миллат: «Тоҷикистони маҳбуби мо воқеан Ватани аслии Наврӯз аст»
Бузургии Зан-Модар- ин олиҳаи ҳаёт ҳамеша вирди забони башарият аст
Рӯзи Модар рамзи эҳтиром ва қадршиносии махсуси давлату ҳукумати Тоҷикистон нисбат ба Зан-Модар мебошад
