КОРОНАВИРУС ДАР ОСИЁИ МАРКАЗӢ. Имрӯз дар Қазоқистон вазъияти фавқулода ва маҳдудият барои гузариши сарҳад ҷорӣ карда шуд
ДУШАНБЕ, 16.03.2020 /АМИТ «Ховар»/. Маҳдудиятҳо барои вуруд ва хуруҷ аз Ҷумҳурии Қазоқистон, ки дар доираи вазъияти фавқулодаи бинобар коронавирус 16 март ҷоригардида пешбинӣ шудаанд, нисбат ба шаҳрвандони ин ҷумҳурӣ ва хориҷиён татбиқ карда мешаванд. Тавре АМИТ «Ховар» бо истинод ба ТАСС хабар медиҳад, дар ин бора рӯзи якшанбе хадамоти матбуоти Вазорати корҳои хориҷии Қазоқистон иттилоъ дод.
«Дар робита ба ҷорӣ гардидани вазъияти фавқулода дар Ҷумҳурии Қазоқистон аз соати 8:00-и 16 марти соли 2020, дар давраи амали он тадбирҳои зерин андешида мешаванд: зимни амали вазъияти фавқулода ба вуруд ва хуруҷ тавассути сарҳади давлатӣ барои шаҳрвандони Ҷумҳурии Қазоқистон ва хориҷиён маҳдудият ҷорӣ карда мешавад», — зикр менамояд хадамоти матбуоти Вазорати корҳои хориҷии Қазоқистон.
Аз ҷумла, мақомоти Қазоқистон тасмим гирифтанд, ки рафту омади сокинони маҳаллиро тавассути гузаргоҳҳои сарҳади давлатии Қазоқистону Россия боздоранд.
Илова бар ин, ҳамаи хориҷиёни хоҳишманде, ки қаблан ба Қазоқистон ворид шудаанд, метавонанд онро тарк намоянд. Ҳамчунин кормандони хадамоти дипломатии Қазоқистон ва давлатҳои хориҷӣ ва аъзои оилаи онҳо, инчунин аъзои ҳайатҳои давлатҳои хориҷӣ ва созмонҳои байналмилалӣ, ки бо даъвати Вазорати корҳои хориҷии Қазоқистон ба ин кишвар сафар мекунанд, метавонанд аз сарҳад гузаранд.
Ин истисноҳо инчунин ба аъзои бригадаҳои қатораҳо ва локомотивҳо, ҳайати сарнишинони ҳавопаймо ва киштиҳо; ҳайати хидматрасонии иншооти фаросарҳадии хориҷӣ дар қаламрави Қазоқистон ва кормандони хадамоти иншооти фаросарҳадии Қазоқистон дар қаламрави давлатҳои ҳамсоя; хориҷиёне, ки бо қатораҳои мусофирбари транзитӣ ҳаракат доранд, то ҷорӣ намудани маҳдудият (то соати 8:00 16 марти соли 2020) ба сафар баромадаанд ва дар роҳанд; хориҷиён (шахсони бешаҳрвандӣ)-е, ки дар Қазоқистон барои истиқомат иҷозат доранд; хориҷиёне, ки аъзои оилаи шаҳрвандони ҷумҳурӣ (ҳамсар, падару модар ва фарзандони онҳо) мебошанд, дахл доранд.
Ғайр аз ин, хадамоти матбуоти ВКХ Қазоқистон тавзеҳ дод, ки гузариши сокинони маҳаллӣ тавассути гузаргоҳҳои сарҳадӣ бо Россия «ба истиснои ҳолатҳои муроҷиати шаҳрвандони тарафҳо барои ёрии таъҷилӣ» манъ карда мешавад.
Президенти Қазоқистон Қосим-Жомарт Токаев рӯзи якшанбе дар бораи аз 16 март то 15 апрел дар кишвар ҷорӣ намудани вазъияти фавқулода фармон имзо кард. Мақомоти Қазоқистон маҷбур шуданд, ки дар робита ба пандемияи ин беморӣ ин гуна тадбирҳо андешанд. Гузашта аз ин, дар Қазоқистон, ки дар он аввалин ҳолати сироятёбӣ 13 март ба қайд гирифта шуда буд, тибқи маълумоти охир, нуҳ нафар мубталои ин беморӣ гардидаанд.
Президенти Комиссияи Иттиҳоди Аврупо Урсула фон дер Ляйен аз иқтидори бузурги Неругоҳи азими барқи обии «Роғун»-и Тоҷикистон ёдовар шуд
Президенти Тоҷикистон тавсеаи ҳамкории давлатҳои Осиёи Марказиро бо Иттиҳоди Аврупо дар соҳаи энергетикаи «сабз» аз самтҳои ояндадор номиданд
Эмомалӣ Раҳмон: «Пиряхҳои Тоҷикистон танҳо манбаи об барои минтақа набуда, дар нигоҳдории иқлими минтақа низ нақши муҳим мебозанд»
Инъикоси густурдаи таҷлили Ҷашни байналмилалии Наврӯз бо иштироки Сарони се давлати Осиёи Марказӣ дар расонаҳои хабарии минтақаю ҷаҳон ва шабакаҳои иҷтимоӣ
Эмомалӣ Раҳмон: «Натиҷаҳои вохӯриҳои имрӯзаро мо ҳамчун пайки таҷдид ва оғози марҳилаи сифатан нав дар муносибатҳои се кишвар медонем»
Президенти Тоҷикистон: «Худдорӣ намудан аз ҳама гуна зиёдаравию исрофкорӣ вазифаи ҳар бандаи муъмин дар ҳама ҳолат, аз ҷумла дар айёми ид мебошад»
23 март-Рӯзи ҷаҳонии обуҳавошиносӣ. Дар ҳар се соат ҳавошиносони тоҷик ба Хадамоти ҷаҳонии ҳавошиносӣ маълумот пешниҳод менамоянд
«НАВРӮЗ ДАР АСЛ ҶАШНИ ЗИНДАГИСОЗ АСТ». Иқтибос аз суханрониҳои Президенти Ҷумҳурии Тоҷикистон
ИМРӮЗ-РӮЗИ БАЙНАЛМИЛАЛИИ ҲИФЗИ ПИРЯХҲО. Ҳифзи пиряхҳо аз обшавии босуръат ҳамкории дастҷамъонаи давлатҳо ва созмонҳои байналмилалиро тақозо менамояд
Пешвои миллат: «Тоҷикистони маҳбуби мо воқеан Ватани аслии Наврӯз аст»
Бузургии Зан-Модар- ин олиҳаи ҳаёт ҳамеша вирди забони башарият аст
Рӯзи Модар рамзи эҳтиром ва қадршиносии махсуси давлату ҳукумати Тоҷикистон нисбат ба Зан-Модар мебошад
