Коронавирус метавонад ба бемории музмин табдил ёбад

Март 11, 2020 10:16

ДУШАНБЕ, 11.03.2020 /АМИТ «Ховар»/. Олимон чунин мепиндоранд, ки бемории коронавируси COVID-19  метавонад аз бемории ҷараёни фаъолдошта ба бемории музмин табдил  ёбад. Ин фарзия ба сироятҳои  дубора, ки чанд моҳи охир дар Чин  ба қайд гирифта шуда буданд, асос ёфтааст, менависад рӯзномаи «Известия». 

Вирус  метавонад  дар ҳолати хоб, ба таври  зоҳирнашаванда  боқӣ  бимонад, зеро масунияти одам онро  таҳти назорати пурра нагирифтааст. Боз як тахмини табибони рус он аст, ки микроорганизмҳои  нави вирус ончунон босуръат тағйир меёбанд, ки одамон дар вақташ ба он масуният пайдо карда наметавонанд, аз ин рӯ онҳо дубора бемор мешаванд.

Ҳамчунин ҳолатҳои сирояти дубора метавонанд ба хатои системаҳои санҷишӣ  алоқаманд бошанд, зери онҳо низ зиёд иштибоҳ мекунанд.

Тавре роҳбари озмоишгоҳ оид ба генетикаи  Институти физикӣ – техникии  Москва  Павел Волчков  шарҳ дод,  одатан ҳангоми табобат  масунияти одам тамоми ҳуҷайраҳои сироятшударо нобуд месозад. Аломатҳои такрорӣ нишон медиҳанд, ки вирус ҳанӯз ҳам дар организми инсон вуҷуд дорад.

«Яке аз роҳхои шарҳи дубораи сироят ин аст: беморон гузариши марҳилаи шадид ба музминро аз сар мегузаронанд, ки он вақт миқдори  зарраҳои вирусӣ  метавонанд дар бадан тағйир ёбанд. Вирус метавонад дубора баргардад, чунки масунияти инсон дар лаҳзаи шадиди беморӣ онро зери назорати пурра гирифта наметавонад ва аксари узвҳо сироят меёбанд», -гуфт мутахассис.

Аммо,  ин маънои онро надорад, ки одамони боре сироятшуда  ва шифоёфта ҳатман дубора бемор шаванд.

Эҳтимол дар ин ҳолат беморӣ аз худ дарак намедиҳад ва бе нишона давом меёбад, гуфт Мария Орлова, муҳаққиқи калони Пажӯҳишгоҳи химиявӣ-биологӣ дар Тюмен дар суҳбат бо рӯзномаи «Известия»

Ба қавли ӯ, ҳолатҳои такрории сироят метавонанд аз он вобаста бошанд,  ки масунияти одам наметавонад  муддати тӯлонӣ муқовимат намояд. Ин ҳамчунин метавонад  шаҳодати  тағйирёбии босуръати вирус  бошад.

АКС «Известия»

 

Март 11, 2020 10:16

Хабарҳои дигари ин бахш

Эмомалӣ Раҳмон: «Масъалаи талафоти неруи барқ ва истифодаи ғайриқонунии он дар ҷумҳурӣ ташвишовар аст»
АГЕНТИИ НАЗОРАТИ ЭНЕРГЕТИКӢ ТАЪСИС ДОДА ШУД. Дар қонунгузории Тоҷикистон барои истифодаи ғайриқонунии неруи барқ ҷавобгарии ҷиноятӣ пешбинӣ гардид
Дар маҷаллаи «The Diplomatic Insight» мақолаи олимони тоҷик таҳти унвони «Эмомалӣ Раҳмон – Пешвои дипломатияи байналмилалӣ» ба нашр расид
Сарвазири Тоҷикистон бо рафти корҳои бартарафсозии оқибатҳои офати табиӣ дар ноҳияи Тоҷикобод шинос шуд
Президенти Тоҷикистон Эмомалӣ Раҳмон: «Пиряхҳои мо танҳо манбаи об барои минтақа набуда, дар ҳифзи иқлими минтақа низ нақши муҳим мебозанд»
Пиряхҳои Тоҷикистон боигарии бебаҳои табиӣ ва сарчашмаҳои муҳими оби тоза дар Осиёи Марказӣ мебошанд
ҶОИЗАИ «ШАҲРИ СУЛҲ». Онро Душанбе барои саҳми беандоза дар таҳкими сулҳ ва арзишҳои башарӣ бо қарори ЮНЕСКО соҳиб гардид
МАСЪУЛИЯТИ ШАҲРВАНДӢ. Барои ғайриқонунӣ истифода бурдани неруи барқ ҷавобгарии ҷиноятӣ муқаррар гардид
Президенти Комиссияи Иттиҳоди Аврупо Урсула фон дер Ляйен аз иқтидори бузурги Неругоҳи азими барқи обии «Роғун»-и Тоҷикистон ёдовар шуд
Президенти Тоҷикистон тавсеаи ҳамкории давлатҳои Осиёи Марказиро бо Иттиҳоди Аврупо дар соҳаи энергетикаи «сабз» аз самтҳои ояндадор номиданд
Эмомалӣ Раҳмон: «Пиряхҳои Тоҷикистон танҳо манбаи об барои минтақа набуда, дар нигоҳдории иқлими минтақа низ нақши муҳим мебозанд»
Инъикоси густурдаи таҷлили Ҷашни байналмилалии Наврӯз бо иштироки Сарони се давлати Осиёи Марказӣ дар расонаҳои хабарии минтақаю ҷаҳон ва шабакаҳои иҷтимоӣ